Eins og búast mátti við er verðbólgan lífseig. Fyrirtæki eins og ríkið eru að velta sínum skuldavanda yfir á almenning í formi hækkaðs vöruverðs. Það er mjög freistandi að hækka verð á vörum og þjónustu um 0.5% í hverjum mánuði enda auðvelt að fela vegna óstöðugs gengis og brenglaðs verðskyns almennings.
Það eru litlar líkur að verðbólgan hér á landi fari nokkurn tíma niður fyrir 5% yfir 12 mánaða tímabil á meðan við erum að glíma við óviðráðanlegar skuldir.
Í framtíðinni má búast við meiri hækkunum á gjöldum opinberra stofnanna og svo eru gríðarlegar hækkanir á rafmagni og heitu vatni handan við hornið.
Nei, verðbólgubálið er vel kynt og nógur efniviður bíður þess að komast á það bál.
Andri Geir Arinbjarnarson
Íslenska krónan er miklu áhrifameiri orsakavaldur verðbólgu en miklar skuldir. Þetta má best sjá í sögulegum samanburði við Evrópulönd sem hafa verið mikið skuldsett.
Jóhannes,
Krónan á sinn þátt í þessu í gegnum hátt vaxtastigi en fá hagkerfi hafa þurft að glíma við annan eins skuldavanda í einkageiranum þar sem nánast öll fyrirtæki eru yfirskuldsett.
Þessi samblanda af háu vaxtastigi og yfirskuldsetningu er eitruð.
það má glöggt lesa í hillum verslana að við erum að borga skuldasúpu verslananna.
@ Jóhannes
Já, en hvað eru menn að greiða í vexti í Evrópu?
Við þurfum meiri erlendar tekjur og erlenda fjárfestingu til að losna úr þessum vítahring.
Góður pistill sem fyrr
Andri
Ég held að við séum sammála í grundvallaratriðum. Það sem ég er að benda á er að íslenska krónan er afar lítill og veikur gjaldmiðill og hefur tekið miklum sveiflum gegnum tíðina, og að langmestu leyti til veikingar. Þessi veiking krónunnar hefur skilað sér hratt í hækkandi innflutningsverðlagi undanfarna áratugi, sem aftur hefur valdið hækkun á öllum kostnaði sem er vísitölubundinn, sem aftur hefur leitt til hækkunar á launakröfum osfr osfr. Efnahagslíf á Íslandi einkennist af þessu mynstri víxlhækkunar, enda hefur íslenska krónan misst uþb 99,9% af verðgildi sínu gagnvart dönsku krónunni frá því að hún var tekin upp.
Ef Ísland væri sterka alþjóðlega mynt væri verðbólgan óhjákvæmilega miklu minni, alveg óháð skuldastöðunni.
@ Magnús
Að sjálfsögðu er rétt að geta þess að nafnvextir í Evrópu eru miklu lægri en á Íslandi, og raunvextir yfirleitt líka. Munurinn er gríðarlega mikill núna en að meðaltali er hann einnig mikill.
Skuldir eru fyrst og fremst afleiðingar hins kapítaliska hagkerfis.
Ég bíð í ofvæni eftir því að við getum komið hér á sósíalisku samfélagi.
Okkur sem höldum úti bloggi ber skylda til þess að boðskapur sósíalismans sé þar í hávegum hafður og að við látum einskis ófrestað við að koma af stað þeirri byltingu sem nauðsynleg er og ég sjálfur hef unnið að hörðum höndum allt frá því á sjöunda áratugnum.
Hin marxiska sögulega greining leiðir óhjákvæmileg í ljós að nú er rétti tíminn.