Fimmtudagur 21.01.2016 - 20:31 - Lokað fyrir ummæli

Veikleiki Landsbankans

Borgunarklúðrið er klassískt dæmi um klóka viðskiptamenn sem plata bláeyga ríkisforstjóra og notfæra sér stjórnarhætti sem byggja frekar á pólitík en viðskiptaviti. Þegar við bætist síðan kjánaskapurinn vegna nýrra höfuðstöðva, er ekki hægt að draga aðra ályktun en að viðskiptalegt orðspor Landsbankans hafi skaðast. Slíkt er ekki gott veganesti í söluferli.

Hver vill vera minnihlutaeigandi með svona fólk í brúnni? Varla alvöru fjárfestar. Og þar liggur einn mesti veikleiki Landsbankans þegar kemur að sölu. Á þennan vanda er ekki minnst í nýlegri stöðuskýrslu Bankasýslunnar um sölu á eignarhlut ríkisins í Landsbankanum. Hvers vegna? Og hvað annað vantar í þá góðu skýrslu, sem annars telur 95 blaðsíður?

Það er, því miður, full ástæða til að hafa áhyggjur af söluferli Landsbankans. Það verður ekki trúverðugt fyrr en það er komið í hendurnar á óháðum erlendum fagaðilum. Betur má ef duga skal.

Flokkar: Stjórnmál og samfélag

«
»

Lokað fyrir ummæli.

Höfundur

Andri Geir Arinbjarnarson
Höfundur er verkfræðingur.
RSS straumur: RSS straumur