Menn geta haft ýmsar skoðanir á því hvernig á að breyta stjórnarskránni.
Sumir mega ekki til þess hugsa að „fólk útí bæ“ eins og stjórnlagaráð véli þar um, með mikilli aðkomu almennings eins og raun var á síðastliðið sumar.
Bjarni Benediktsson hneykslaðist til dæmis mikið á því um daginn:
„Engin þjóð hefur látið sér detta í hug að leita til þjóðarinnar …!“
Bjarni og hans menn treysta ekki félögum í stjórnlagaráði og almenningi til að skrifa nýja stjórnarskrá.
Þeir treysta eingöngu þingmönnum til þess verks.
Þingmönnum eins og Jóni Gunnarssyni.
Jón Gunnarsson er maður sem lítur á það sem „kommúnisma“ þegar reynt er að koma stjórnarskrá í þjóðaratkvæði.
En hann sé að berjast fyrir „lýðræði“ með því að koma í veg fyrir það.
Auðvitað er þetta alveg kostulegt myndband.
Eiginlega alveg stórkostlega hlægilegt.
En auðvitað verulega sorglegt líka.