Laugardagur 26.05.2012 - 09:32 - FB ummæli ()

Mætti ekki alveg eins hía á það?

Jahá!

Sjáiði þetta hér.

Þorsteinn Pálsson stjórnarformaður MP banka og menn hans ætla að rukka þá sem ekki eiga eða skulda tvær milljónir hjá bankanum um sérstakt gjald.

Tæpan 10 þúsund kall á ári.

Tilgangurinn er vitaskuld sá að losa bankann við þá sem ekki eiga (eða skulda!) nógu mikinn pening.

Bankinn nennir sem sagt ekki að eyða orku sinni í svoleiðis lið.

Þegar hrunið reið yfir reyndi MP banki að bregða yfir sig skikkju besta vinar „litla fólksins“ sem hafði fengið upp í kok af æðibunugangi og síðan hruni hinna bankanna.

Þannig náði MP banki til sín umtalsverðum fjölda viðskiptavina.

Nú er þetta fólk ekki lengur nógu fínt fyrir MP banka.

Burt með það!

En er ekki óþarflega flókið að vera rukka þetta fátæka lið?

Væri ekki nóg að þegar það kemur í bankann til að sýsla með sína hlægilega fáu aura, þá standi bara Þorsteinn og aðrir stjórnarmenn og forstjórar MP bara í dyrunum og híi á það?

 

Flokkar: Óflokkað

«
»

Facebook ummæli

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli.
Tilkynna má óviðeigandi ummæli í netfangið ritstjorn@eyjan.is

Höfundur

Illugi Jökulsson
RSS straumur: RSS straumur

Tímans rás



Hleð...

Eingöngu gamlar fréttir!