Við hljótum öll að fagna rannsókn Seðlabankans á starfsemi tryggingamiðlara, sem væntanlega hafa þá selt Íslendingum alls kyns tryggingar og séreignasparnað undanfarin ár, er á endanum reynast engu betri en auðvirðileg Nígeríubréf. Það vita til að mynda líklega allir að þýska fjármálafyrirtækið Allianz (stofnað 1890), er lifði af bæði fyrri heimsstyrjöldina og þá síðari, með eignasafn upp á 1.500 milljarða evra, 11. stærsta fjármálafyrirtæki heims og 25. stærsta fyrirtæki veraldar, með lánshæfiseinkunn upp á AAA+, er auðvitað ekkert annað en glæpafyrirtæki, sem alls ekki er treystandi. Það er auðvitað eitthvað annað en íslensk fjármálafyrirtæki, sem þekkt eru um víða veröld fyrir traustan fjárhag, heiðarleika og ráðvendni, frábæra arðsemi fyrir fjárfesta og góða eiginfjárstöðu.
Það sem er þó fyrir mestu er að hér á landi er sparnaðurinn í knallhörðum íslenskum krónum, sem án nokkurs vafa er traustasti og stabílasti gjaldmiðill heims, enda svo eftirsóttur af útlendingum, að við urðum að setja á gjaldeyrishöft, svo íslenska krónan flæddi ekki stjórnlaust úr landi vegna ágirndar erlendra fjármagnseigenda. Að sjálfsögðu þarf bæði að rannsaka sölu á þessum erlendu Nígeríubréfum, sem fáfróð og áhættunsækin íslensk fórnarlömb hafa fest kaup á, og síðan auðvitað þessi ótraustu og ótrúverðugu erlendu fjármálafyrirtæki. Það er jafnframt mikil blessun, að við Íslendingar höfum alla tíð haft vandvirkar og mikilhæfar eftirlitsstofnanir er grannt hafa fylgst með fjármálamarkaðnum og heiðarlega og trausta stjórnmálamenn, sem hafa verið vakandi og sofandi yfir velferð okkar, fjárhagslegu öryggi og síðast en ekki síst efnahagslegum stöðugleika.
Loka á þetta allt ekkert ESB kjaftæði.
Þessi „Sjalli“ er jafnvígur og þú Guðbjörn að skrifa með öfugum formerkjum, og mikið asskoti er þetta góð grein hjá þér og sérstaklega þessi setning þín hér undir 🙂
„Það sem er þó fyrir mestu er að hér á landi er sparnaðurinn í knallhörðum íslenskum krónum, sem er án nokkurs vafa traustasti og stabílasti gjaldmiðill heims, enda svo eftirsóttur“
Það gengur auðvitað ekki að einstaklingar geti greitt sinn séreignarlífeyrissparnað hjá erlendum tryggingarfélögum í gjaldeyri en séreignalífeyrissparnaður í gegnum íslensku lífeyrissjóðanna verði að vera í íslenskum krónum.
Fyrir utan að slík mismunun hlýtur að vera brot á jafnræðisreglu stjórnarskrárinnar er ljóst að viðskiptin myndu færast smám saman frá lífeyrissjóðunum til erlendra tryggingarfélaga sem hagnast á kostnað Íslendinga. Störfum á Íslandi myndi fækka.
Þetta er gott dæmi um smugur sem alltaf verða til þegar höft eru annars vegar. Eftir því sem fleiri notfæra sér smuguna eykst nauðsyn á að loka henni. Fleiri slíkar smugur eiga eftir að koma fram. Best fer á að þeim sé lokað sem fyrst.
Hótanir erlendra tryggingarférlaga um að menn missi alla ávöxtun ef höftin verða látin ná yfir starfsemi þeirra stenst varla skoðun. Ég trúi því ekki að menn séu neyddir til að skipta við sama fyrirtækið alla æva ellegar missi þeir alla ávöxtun síns fjár.
Fyrirtæki sem reyna að beita slíkum brögðum hafa engan trúverðugleika og því best að halda sig alfarið frá viðskiptum við þau.
Þetta er aðeins ein af mörgum birtingarmyndum þess að vera með krónu sem gjaldmiðil. Gjaldeyrishöft í einhverri mynd eru nauðsynleg meðan krónan er við lýði. ESB-aðild og evra leysir vandann.
Þvílík þræls-lund Ásmundur…….
Það er engin mismunun fólgin í þessu ef allir geta sparað í evrum með samningum við erlend fyrirtæki.
Eigum við ekki bara að banna útflutning á öllu nema fullunum afurðum úr fiski og áli til að störfum fækki ekki hér á landi.
Það er nú frekar kominn tími á að losa um gjaldeyrishöft en að herða tökin líkt og með þessum aðgerðum.
Þetta er enn ein vísbendingin um að höftin eru komin til að vera og þau munu á endanum reynast okkur dýrkeypt!
@Guðbjörn
„Allir geti sparað í evrum“? erum við ekki með það á hreinu að það eru gjaldeyriHÖFT ? erum við ekki að tala um þau eða hvað?
Eigum við að hafa höft, en allir mega spara að vild í gegnum erlend fyrirtæki? Munu þá ekki íslenskir eðalþjófar stofna bara sín eigin „sparnaðarfyrirtæki“ erlendis og flytja út gjaldeyri í skipsförmum? Djö…. bull er þetta.
http://www.visir.is/fjarfestingarleid-sedlabankans-adeins-fyrir-rika-folkid/article/2013130209412
Útaf fyrir sig er þessi ráðstöfun Seðlabankans einungis rökrétt afleiðing gjaldeyrishaftanna. Landið er de facto gjaldþrota ; þjóðin lifir frá hendinni til munnsins, sá gjaldeyrir sem m. a. berst hingað með erlendum ferðamönnum rétt nægir til að halda þjóðfélaginu gangandi næstu 24 klukkustundirnar. Gjalldeyrisforðinn allur tekinn að láni erlendis frá ( ! ) Íslendingar verða að sætta sig við það að það er ekki bæði hægt að eiga kökuna og éta hana ; m. ö. o. þeir geta ekki kosið einangrunarsinnana í Framsókn, Sjálfstæðisflokknum & VG í alþingiskosningum og jafnframt vænst þess að njóta sama frelsis og fjölbreytni í fjárfestingum og sparnaði og EU-Evrópubúar. Þetta er, ef svo má að orði komast, kvittunin fyrir úrslit alþingiskosninganna.
@Orri – nákvæmlega – vel sag !