1. Fyrirsögn bloggfærslu minnar 30. júlí sl., Bækur Snorra – Sögubækur Sturlu, vísaði til umsagnar Sturlu Þórðarsonar í 79. kafla Íslendingasögu:

Nú tók at batna með þeim Snorra ok Sturlu, ok var Sturla löngum þá í Reykjaholti ok lagði mikinn              

hug á at láta rita sögubækr eftir bókum þeim, er Snorri setti saman.      

2. Af samhenginu álykta ritskýrendur að hér sé rætt um Sturlu Sighvatsson, en mér vitanlega hafa hinir sömu ekki nefnt hann sem líklegan höfund sögubóka sem byggja á bókum Snorra. Öðru máli gegnir um nafna hans Þórðarson, sem ýmsir telja vera höfund m.a. Brennu-Njálssögu og Grettissögu. Kann Sturla Þórðarson að hafa rangfeðrað viðkomandi áhugamann um ritun slíkra sögubóka?

3. Í neðanmálsgrein við fyrstu setningu Brennu-Njálssögu víkur Einar Ól. Sveinsson m.a. að rangfeðrun Marðar gígju, sem þar er sagður vera Sighvatsson þvert á Sturlubók Landnámu, sem segir Mörð vera Sigmundsson, en þess Sigmundar er hvergi getið í sögunni. Ef Sturla Þórðarson er ritari Njálu, þá hlýtur hann að hafa rangfeðrað Mörð viljandi – og þá væri ekki loku fyrir það skotið að hann hafi haft gert slíkt hið sama varðandi nafna sinn Sighvatsson í 79. kafla Íslendingasögu.

 4. Nú veit ég ekki hvort Guðmundur Andri Þórsson hafi hugleitt þessa rangfeðrun, en í Facebook status um bloggfærslu mína sagðist hann ekki geta skilið „þessa áráttu að líta á íslenskar fornbókmenntir sem „launsagnir“ um eitthvað allt annað en þær eru; og undir hinum eiginlega texta búi annar texti sem við þurfum að finna lykilinn að eins og við séum Indiana Jones ofan í helli;…”

5, Sigurður Nordal taldi það vera „ábyrgðarhluti að eigna verkum löngu liðinna stórmenna sitt eigið andleysi og reyna að hneppa þá í stakk, sem sniðinn er við dvergs hæfi.“ Eins er það nokkuð bratt að gefa sér að ritverk Snorra og Sturlu endurspegli ekki það verklag „andligrar spekðar“ sem er ritun „launsagna“ sem hafa verið sem lokuð bók fyrir „jarðliga skilningu“ frá örófi alda (sbr. Jesaja k.29 og Daniel k. 12.).

6. Fyrir nokkru deildi ég með Einari Kárasyni þeirri niðurstöðu minni að Sturla Sighvatsson hafi verið alter ego Sturlu Þórðarsonar í skilningi fornra sköpunarsagna. Táknmálið varðar tvískipt eðli Mann-Skepnu, 666, sem á ákveðnum punkti í lífshlaupi sínu umbreytist í Rétt Mál Manns, 432. Rómverska skáldið Ovid gerði þessari hlið grískra og rómverskra goðsagna skil í öndvegisriti sínu Metamorphoses.

7. Í Gylfaginningu fer Gylfi, 1964, konungur í þekkingarleit en kallast Gangleri, 3270, við komu í Háva Höll. Metamorphosis, 7725, verður fyrir tilstuðlan Heimsljóss, 1000, sbr. 1964 + 1000 + 7725 + 3270 = 13959. Hver var Gylfi/Gangleri? Svar: Snorri Sturluson, 11359, sbr. 11359 + 2600 = 13959, heimkominn eftir að verða „fróð(i)ari“ við lok –2600 = FINIS – uppfræðslu.

8. Ég hef lengi talið frásögn Sturlu í Íslendingabók af Örlygsstaðabardaga geyma táknmál um Ragnarök. Táknmál sköpunarsagna endurspeglast í kvæðinu – Upp skalt á kjöl klífa – sem Þórir jökull, 7141, kveður fyrir dauða sinn. Kjölr, 2859, er á „fjalli einu háu“ (Mons Veneris), líkt og því fjalli sem Hrafna-Flóki kleif er hann gaf Íslandi nafn. Þar verða annars konar endalok, sbr. 13959 + 7141 + 2859 = 23959.

Endalok – Kristnitaka

(Alfa og Omega Kristniþáttar Njálu)

Höfðingjaskipti varð í Nóregi.          = 12685

Fara menn við þat heim af þingi.     = 11274 = 23959

9. Ef rétt er túlkað, þá er hér um stórmerki að ræða sem Guðmundur Andri og aðrir bókstafstrúarmenn geta hvorki skilið né rökrætt á fagurfræðilegum forsendum. Án þekkingar á táknmáli sköpunar/landnámssagna og táknmálslykli Reykholtsmáldaga geta þeir ekki dæmt hvort Kjölr er hér tengdur Mons Veneris með réttu eða af geðþótta af því tagi sem ráðið hefur túlkun bókstafstrúarmanna á kjarna íslenzkrar þjóðmenningar, tungu vorri og launsögnum feðranna.

Endalok – Heiðni

(Tilgáta)

 Kjölr                         =  2859

 Mons Veneris       =  6783 = 9642

ISIS                             =  2642

Microcosmos         =  7000 = 9642

10. Hrafna-Flóki sá fjörð fullan af „ísum“, sbr. ÍS hér og ÍS þar, og nefndi landið Ísland eftir ISIS. Pétur Halldórsson telur Ísland hafa verið endastöð norðurfarar ISIS frá upphafi sínu í Egyptalandi og kemur það heim og saman við þessa túlkun á nafngift landsins. Í fornum sköpunarsögnum er Microcosmos Örheimur/Veröld/Maður í mynd Guðs. Í huldum kveðskap feðranna er Ísland ekki einungis heiti lands vors heldur HUGARÁSTAND – e. State of Mind.

11. Nafnið Flóki Vilgerðarson, 8819, eins og Hrafna-Flóki er kynntur til sögunnar í Sturlubók Landnámu, er væntanlega hugarsmíð Sturlu, því Gylfaginning, 4819, og Logandi Sverð, 4000, endurspeglast í tölugildi nafnsins, sbr. 4819 + 4000 = 8819. Á táknmáli sköpunarsagna fer Logandi Sverð til ástarfundar á Mons veneris, sbr. síðustu (154.) sonnetu Shakespeares. Logandi Sverð, 4000, er birtingarmynd Heimsljóss, 1000, að loknu ætlunarverki í Veröld rúms og tíma. Ef sú er merking farar Flóka upp á hátt fjall, sbr. 1000 + 8819 + 4000 = 13819,  þá býr óvænt launsögn að baki nafninu Hrafna-Flóki, 4520, sbr. 4520 + 9299 = 13819, þar sem 9299 = Njáll Þorgeirsson.

12. En aftur að hugsanlegri rangfeðrun Sturlu. Bókstafstrúarmenn geta vísað á bug túlkun minni á málinu í lið 6. með sömu „rökum“ og beitt var gegn Einari Pálssyni, hvers hálfrar aldar „árátta“ við rannsóknir á rótum íslenzkrar menningar var jafnað til klikkunar eða annars verra. Lokaorð minningargreinar sem ég skrifaði í Mbl. um vin minn Einar voru lok Njálukvæðis um Brjánsbardaga, Bríann fell ok helt velli – og taldi ég að svo myndi verða um Einar.

13. Í 9. kafla Íslendingasögu er Sturlu Sighvatssonar fyrst getið við fæðingu af draummanni sem segir við Guðnýju, Böðvarsdóttur, „Hann heitir Vígsterkr”. Á táknmáli skapast Veröld/Maður við samræði – Hieros gamos – Konungs og Drottningar. Í fyrstu setningu í ellefu-bóka ritsafni Einars Pálssonar, Rætur íslenzkrar menningar, er veröldin sögð hafa verið sköpuð á eyju undan suðurströnd Íslands, sem heitir Þrídrangr (ritháttur 13. aldar).

14. Tölugildi fyrstu 9 orða Brennu-Njálssögu, þar sem Mörðr er rangfeðraður Sighvatsson –

Mörðr hét maðr,                                      =   6257

hann var sonr Sighvats ins rauða.    = 15270 = 21527

– tengja tölugildi sköpunarathafnar að Þrídrangi við orð draummanns við fæðingu Sturlu Sighvatssonar:

Hieros gamos                                       =   5902

Þrídrangr                                               =   5003

Hann heitir Vígsterkr.                         = 10622 = 21527

15. Augljós – og vísvitandi, ef Sturla Þórðarson er ritari Njálu – rangfeðrun Marðar í tengslum við fæðingu Sturlu Sighvatssonar bendir eindregið til þess, að skilningur bókstafstrúarmanna á lykilsetningu 79. kafla Íslendingasögu –

Nú tók at batna með þeim Snorra ok Sturlu, ok var Sturla löngum þá í Reykjaholti ok lagði mikinn              

hug á at láta rita sögubækr eftir bókum þeim, er Snorri setti saman. 

– sé misskilningur.

***

Reiknivél sem umbreytir stöfum í tölugildi er á netinu:

http://www.light-of-truth.com/ciphersaga.htm