Fjölmiðlar eiga hrós skilið fyrir að hafa hér forgöngu um að leiða hið sanna í ljós í svokölluðu Panamaskjalamáli, sem sýnir enn og aftur mikilvægi þeirra í lýðræðissamfélagi.
Það er bráðnauðsynlegt að fá öll fjárhagsmálefni ráðamanna fram í dagsljósið til að rýra ekki traust frekar en orðið er. Nöfn þeirra óheilindamanna sem fela eigur í skattaskjólum í þeim tilgangi að komast hjá því að greiða skatta til samfélagsins þarf líka að upplýsa.