Sunnudagur 26.5.2019 - 13:05 - Rita ummæli

„Reykjaríkið 101“

Nú ætla borgarstjóri að ganga endanlega frá verslun og þjónustu í miðbæ Reykjavíkur með því að loka hann af og koma upp gjaldtöku – tafa- og mengunargjöldum!?
Reykjavík 101 verður „ríki“ sem heimsótt er – stundum… Fáranleikinn hefur engin mörk hjá borgarstjóra og því er ekki úr vegi að bregðast við því.

Flokkar: Óflokkað

Miðvikudagur 24.4.2019 - 11:10 - Rita ummæli

MEÐ FÚKYRÐUM OG DÓNASKAP 10%

Formaður Eflingar verkalýðsfélags er hissa á 10% þátttöku félagsmanna sinna í kosningum um nýja kjarasamninga.
Þegar formaðurinn var kosinn voru áhrifamenn Sósíalista á Íslandi á fullu við að hjálpa og „rútuferðir“ farnar í að kjósa þennan nýja formann. Sósíalistar voru komnir með vopn í baráttunni fyrir áherslum sínum og ætluðu að ná árangri. Þegar ákveðið var svo að kjósa nú nýlega um verkfall var reyndar rúntað um á rútu milli vinnustaða félagsmanna til að fá sem flesta til að fara í slaginn og boða verkfall – sýna mátt og styrk. Ný sýn á baráttuleið verkalýðshreyfingarinnar kom í ljós hjá þessum nýja formanni, ný skilti risu upp, nýjar áherslur, ný vinnubrögð – gefa á skít í kerfið!

Ég heyrði í góðri konu sem er félagsmaður í Eflingu en hún vill ekki að fólk sýni svona framkomu og telur það ekki skila neinum árangri og því síður telur hún virka að nota erlend mótmælendaskilti með fúkyrðum og dónaskap. Í raun hafi henni blöskrað áfergja formannsins í að blása í verkfall á versta tíma fyrir þjóðfélagið og skilar aðeins um 10% þátttöku.

Á svarthvítu ljósmyndinni sést frá mótmælum við Austurvöll þann 1. maí 1930. Einhver mótmælendaskilti, félagsfánar og prúðbúið fólk og börn að leik. Mikið hefur áunnist síðan.

En í dag árið 2019; Hvar er þetta bakland sem nýr formaður hafði þegar Sósíalistar og aðrir vinir hennar smöluðu henni í formannstól Eflingar? Gáfu þeir skít í kerfið? Eru þá um 90% félagsmanna ósáttir við framgöngu formannsins og neita að kjósa? Var púðurlausri tunnu rúllað af stað sem skilaði sér afar litlu?

Flokkar: Óflokkað

Mánudagur 15.4.2019 - 01:00 - Rita ummæli

FJÁRMÁLARÁÐHERRA AFHJÚPAR SIG!

Þann 6. mars s.l. skrifaði ég á Eyjunni grein um kenningu mína um einbeitta fyrirætlan fjármála- og efnahagsráðherra í að selja Landsvirkjun og keppikefli hans að koma 3 Orkupakkanum í gegnum þingið nú á næstu dögum og vikum. Nefndi ég einnig þá augljósu ætlan ráðherra að komast yfir Sæstreng til Evrópu og í öllu hans plotti þarf að búta Landsvirkjun niður.

Það tók fjármálaráðherra rétt um einn mánuð að sanna það fyrir mig að ég hef rétt fyrir mér og afhjúpa plottið með Sæstrenginn, að ríkið stjórni umráðum hans, einmitt undir stjórn ráðherrans. Ráðherrann, fyrir hönd íslenska ríkisins, ásamt forstjóra Landsvirkjunar hafa skrifað undir samkomulag um að Landsvirkjun framselji 33,2% eignarhlut í Farice ehf, en Farice var stofnað árið 2002 og rekur gagnastrengina Farice og Danice. Eftir framsalið verður Farice að fullu í eigu íslenska ríkisins.
Matsverð eignarhlutar í Farice er um 9,2 milljónir evra. Í frétt frá Landsvirkjun fylgir með að hlutur Landsvirkjunar í Neyðarlínunni hafi einnig verið seldur fyrir 12,5 milljón króna, ekki Evra. Reyndar er verðið á Neyðarlínunni óvenju lágt því búið er fjárfesta gríðarlega í hugbúnaði og þekkingu.
Augljóst er verið að villa um fyrir í tilkynningu frá Landsvirkjun því upphæð Farice er sögð í Evrum og virkar lág upphæð, en verð Neyðarlínunnar er gefið upp í íslenskum krónum. Erfitt virðist vera fyrir Landsvirkjun að skrifa 1300 milljónir króna (eitt þúsund og þrjú hundruð milljónir króna).

Það er löngu ljóst að fjármálaráðherra ásamt núverandi ríkisstjórn Íslands ætlar sér að búta orkuna upp í eignir til einkaaðila. Hvaða sérsamningar hafa átt sér stað við Evrópusambandið er ekki komið í ljós. En það er deginum ljósara að þessi vinna er komin á fullt og ráðherra ætlar sér að láta vildarvini fá heimildir til að ráða yfir orku þjóðarinnar.

Á þá staðreynd hafa fjölmargir bent á og hafa jafnvel gamlir pólitískir andstæðingar staðið saman og með þekkingu og griðarlegri reynslu sinni bent á hættuna og stigið fram til að koma í veg fyrir mesta þjófnað í sögu þjóðarinnar, en hann er korter í að verða að veruleika með því að Orkupakki 3 verði samþykktur. Slíkt er glapræði og dauðans alvara fyrir íslenska þjóð og framtíð okkar. Slíkt má ekki gerast. Þennan augljósa þjófnað þarf að stöðva strax. Ríkisstjórn Íslands hefur ekki þessa heimild!

Flokkar: Óflokkað

Mánudagur 25.3.2019 - 15:50 - Rita ummæli

AÐ SLÁTRA WOWAIR…

Ég hef talað um það áður hér að mér hefur þótt Skúli hafa farið alltof geist í að slá um sig. Hann er partýpinni og kann örugglega að gera flottustu partýin. En ég veit að hann gerir ágætlega við starfsfólk sitt, þótt hann fari offari í mörgu, en ég læt það liggja hér.

Nú keppast nokkrir við að slátra Skúla og WOWair. Einhver ferðamógull hélt virkilega að WOW fengi ríkisábyrgð og að hann gæti tekið allt sem Skúli hefur byggt upp, keyrt í þrot og látið íslenska ríkið borga reikninginn.

Icelandair fer aftur í twist með Skúla með það að reyna kaupa WOW. Það er bara útaf einu. Icelandair þarf á vélunum að halda því ekkert má útaf bregða til að skaða þá, eftir að Max vélarnar voru stöðvaðar og rannsókn stendur yfir með hugbúnað þeirra. Fyrir Max – var WOW ekki kostur – eftir Max – þurfa þeir á Skúla að halda.

En ég trúi því að Skúli nái að snúa þessu dæmi við. Það er nefnilega ekki ódýrt fyrir íslendinga að fljúga frá Íslandi. Endalaus keppni við að fá lukkunúmer á tilboðum er þreytandi og horfa uppá ferðamenn koma til Íslands á ótrúlegum verðum er orðið fyrir löngu leiðinlegt og manni ofbýður þegar maður rannsakar verðin og möguleikana. Með komu WOW breyttist samt staðan lítillega með verð og margt lagaðist fyrir íslenska neytendur.

Kannski nær Skúli að bjarga þessu, amk finnst mér vont að sjá að menn eru að fíflast með vinnustaði þar sem mörg þúsund manns vinna.

Skoðum aðeins söguna og stöðuna í dag. Þetta segir Bjarni Benediktsson fjármálaráðherra um þann möguleika að ríkið komi WOW til hjálpar:
„Bjarni segir að í raun hafi ekkert breyst varðandi að komu stjórnvalda eftir að tilkynnt var um viðræðuslit WOW og Icelandair Group. „Þarna er um að ræða fyr­ir­tæki í einka­eigu sem er að reyna að greiða úr sín­um fjár­hags­vanda og það hef­ur ekk­ert breyst.“

En hvers vegna var fjölskyldufyrirtæki fjármálaráðherra, SJÓVÁ bjargað á sínum tíma?
Hvers vegna er ekki hægt að bjarga WOWair eins og gert var með Kísilverksmiðjuna í Helguvík en ARION banki afskrifaði lán bankans til verksmiðjunnar uppá 6,2 milljarðar.

Getur verið að það sé einlægur vilji hjá yfirvöldum og ákveðnum hagsmunaaðilum að nota tækifærið og slátra Skúla endanlega og þar með tryggja það að 4000 manns fylgi með og missi störf sín?

Það er ljóst að ríkisstjórn hefur þetta í hendi sér í dag – því miður!

Önnur myndin hér sýnir að ráðherrar fengu „sérfræðinga“ til að segja sér stöðuna það er núna árið 2019.

Hin er af Steingrími J. Sigfússyni þáverandi fjármálaráðherra en hann var einmitt sá sem bjargaði SJÓVÁ með því að borga fyrir það 16 milljarða úr ríkissjóði.

Og það er ekki hægt að hjálpa WOW air!

Flokkar: Óflokkað

Miðvikudagur 6.3.2019 - 09:59 - Rita ummæli

ÞRIÐJI ORKUPAKKINN OG LANDSVIRKJUN TIL SÖLU?

Árið 2000 hófst í raun vinna hjá nokkrum hagsmunaaðilum með hinn svokallaða þriðja orkupakka. Ótrúlegt plott fór þá af stað. Málið snýst um algjört yfirráð yfir rafmagni og vatni á Íslandi, yfirráðum yfir því að selja rafmagn og vatn til neytenda. Í dag er raforka og vatn auðvitað seld með ýmsum hætti, en síðastliðin ár og núna vikur og daga hefur plottið, sem tekið hefur um tuttugu ár, tekist og er þjóðin ef til vill að vakna upp við verstu martröð sem er staðreynd um stöðuna – Landsvirkjun á að selja og nokkrir ákveðnir aðilar vilja eignast fyrirtækið.

Stór álver hafa verið reist og er raforka seld til þeirra á sérkjörum. Sú vinna sem kom í kjölfarið hefur kostað fórnir á landi okkar og er stórhluti af því óafturkræf náttúrunni. Í efnahagslegri uppsveiflu [góðæri] vorum við lítið að velta fyrir okkur hver fléttan væri í raun og veru en núna árið 2019 er komið í ljós hver hún er – selja á Landsvirkjun!

Með í kaupunum verður fyrirtæki sem ætlar sér að halda áfram með rafstreng til Evrópu. Með strengnum verður möguleiki á að flytja, samhliða með lögn, ferskt vatn. Landsnet mun einnig fylgja með í kaupunum. Með þessu mun allt yfirráð og öryggi þjóðar með raforku, vatn, og dreifikerfi upplýsingamiðlunar, farsíma og internets fara í hendur einkaaðila. Þessir aðilar hófu áætlun sína um árið 2000. Þeir munu láta okkur – þjóðina – borga fyrir vinnuna, og hægt og rólega munum við borga fyrir markaðslega leið þessara aðila til Evrópu. Við munum sjá um að greiða fyrir því að þeir geti farið í „bisness“ með vatn og rafmagn til Evrópu.

Nýlega skrifaði núverandi fjármálaráðherra undir hina ýmsu samninga og hægt og rólega er verið að láta ríkið kaupa inn í bú Landsvirkjunar sem svo verður selt til einkavina. Ef einhver man eftir gjörning þessa sama manns með Borgun þá er þetta líklega síðasta verk fjármálaráðherra sem sandkorn í fjalli siðleysinnar á öllu því sem hann kemst upp með að gera.

Á meðan er Ísland rænt endanlega, bankarnir eru rændir skipulega innan frá af yfirstjórn þeirra með ýmsum klækjabrögðum í formi forkaupsrétta, launahækkana, og sérhagsmuna elítu stjórnenda bankanna.
En vegna þess að þetta viðgengst enn og lítið sem ekkert er gert til að breyta til batnaðar, þá munum við áfram lifa á brauðmolum frá þeim örfáu sem eiga allt í samfélaginu, stjórna öllu með tengingu í fyrirtæki og stofnanir samfélagsins, og koma sínum hagsmunum að jafnvel með því að fá sjávarútvegsráðherra til að koma bestu útkomu sinni áleiðis og í höfn. Eða týna í burtu fasteignir frá Íbúðalánasjóði og selja á algjörum kostakjörum til einkavina í boði félags- og húsnæðismálaráðherra. Sömu aðilar – vinir ráðherra – sem hafa svo búið til leigufélög og stunda brask með íbúðir og fleira. Þeir komast upp með gjörninginn og ráðherra einnig.

Þannig, að áfram munum við horfa uppá þessi vinnubrögð og allt verður óbreytt. Aðeins siðferðileg bylting getur breytt þessu og þá vinnu gerum við sjálf. Þetta er undir okkur komið að breyta – ef hún mun þá nokkuð eiga sér stað!

Flokkar: Óflokkað

Þriðjudagur 29.1.2019 - 01:01 - Rita ummæli

LOFORÐ VIÐ FANGA SVIKIN

Það er áhugavert þegar Facebook minnir mann á tímatal sitt og það sem maður þá var bardúsa og skrifa. Fyrir þremur árum sat ég málfund í Norræna húsinu sem var um betrunarmál fanga en spurt var „Betrun eða refsing.“ Knut Storberget, þingmaður og fyrrverandi dómsmálaráðherra Noregs sagði frá forvitnilegum leiðum sem Norðmenn voru að gera. Fjöldi manns mættu og þar á meðal þingmenn Samfylkingarinnar, VG, og Sjálfstæðisflokksins.

Allir voru sammála um að fara í það að laga þessi mál í íslenskum raunveruleika. Fyrrum fangar töluðu, aðstandendur og vinir. Allir bentu á vanda sem enn er til staðar og er ekki einu sinni á blaði að leysa.
Sálfræðiþjónusta og huglæg endurhæfing fanga er lífsins mikilvæg en hún er í rúst. Því miður hafa dæmin sýnt það. Réttindi fanga og ekki síst aðstandenda eru óbreytt og að litlu virt.

Það er því leiðinlegt og um leið sorglegt að muna eftir digurbarkalegum yfirlýsingum þingmannanna sem mættu fyrir þremur árum og lofuðu algjörum áherslubreytingum í málefnum fanga, en voru eintóm svik og aðeins notað í pólitísku poti og sýndarmennsku og vera aðeins sem minning á Facebook.

Ekki er vilji að hefja þessa vinnu. Það er komin tími á að breyta!

Flokkar: Óflokkað

Þriðjudagur 15.1.2019 - 17:46 - Rita ummæli

ROSALEGA MIKIÐ AF SJÁLFSVÍGUM – LAUSNIN KOSTAR 13 ÞÚSUND KRÓNUR!

Sjálfsvígstíðni á Íslandi er með því hærra í heiminum eða 15 á hverja hundrað þúsund íbúa árið 2012 samkvæmt skýrslu frá Alþjóðaheilbrigðisstofnuninni. Þetta ár sem þessi tölfræði kom fram árið 2012 frömdu 49 sjálfsvíg á Íslandi, 12 konur og 37 karlar.

Á næstu dögum ætlar ung íslensk kona, búsett í New York að leysa þennan vanda fyrir tæpar 13 þúsund krónur og á einni kvöldstund.

Fólk tekur það með sér þegar það kemur út [eftir fyrirlestur hennar] að vera miklu sterkari og heill einstaklingur.“ 

Í einu viðtalinu þar sem hún markaðssetur viðburðinn segir hún einnig þetta:

„Lausnin í þessu er einföld, setningin Þú ert bara nóg. Þannig að þessi viðburður er settur upp til heiðurs þeirra sem héldu að þau væru ekki nóg, og ég vil bara breiða út þennan boðskap eins og ég get og mig langar þannig að önnur hver manneskja sé að halda svona Masterklass því þetta eru bara skilaboðin.“

Ég veit ekki með reynslu þessa New York búa með sjálfsvígsmál, þunglyndi og aðra andlega vanlíðan, en ég veit það af eigin reynslu að töfrasýning á þrettán þúsund krónur virkar ekki. Sú aðferð er siðlaus leið til að ná peningum af fólki sem þarf hjálp. Að markaðssetja sjálfsvíg – og í mínum huga – vanvirða það fólk sem fór þá leið er sorglegt að sjá.

Ég vann hjá Neyðarlínunni í mörg ár. Ég tók á móti ótal mörgum málum sem tengdust sjálfsvígum og ég tók einnig á móti tilkynningum um sjálfsvíg. Sorgin og eftirmáli þess. Ég þekki þetta einnig af eigin reynslu ættingja. „Þú ert nóg,“ virkar ekki að segja.

Sem manneskja með sérþekkingu á þessu máli, er pottþétt að leið fyrirlesarans er ekki að virka. Málið er samfélagslegt og verkefni okkar allra sem hefur meðal annars farið af stað með vinnu margra sem láta málið sig varða. Það vinnst ekki með tilboði frá New York, og því síður á einu kvöldi sem kostar þrettán þúsund krónur!

Ég hélt að við værum komin lengra í þessum málum og að virðing þessa máls sé ekki í markaðslegum tilgangi.

Flokkar: Óflokkað

Föstudagur 11.1.2019 - 11:55 - Rita ummæli

KLUKKAN ER TILBÚIN TIL SÖLU…

Við íslendingar erum merkileg. Fyrir nokkrum dögum, eða þann 8. janúar kom bankastjóri Landsbankans brosandi af gleði með að tilkynna þjóðinni það að nú væri; „Landsbankinn tilbúinn til sölu og ekkert því til fyrirstöðu að hefja söluferlið.“

Bankastjórinn sagði einnig að hún teldi að bæði innlendir og erlendir aðilar muni hafa áhuga á að kaupa bankann. Rétt eins og að bjóða í partý þá vonaðist hún til að allir myndu mæta.

Í dag takast íslendingar á við það hvort færa eigi klukkuna til, hvort við förum fyrr af stað á morgnana eða seinna. Þá vaknað forsætisráðherra og er til í að ræða það. Endilega að fara í þá umræðu!

Á meðan er splunkunýtt fjármálaráðuneytið á fullri vinnu undir stjórn ráðherra að undirbúa tombóluna sem verður þegar bankarnir verða seldir og partýið byrjar – aftur – og vinirnir mæta og taka ókeypis tombólumiða.

Á meðan veltum við því fyrir okkur hvort að við vöknum fyrr eða seinna á morgnana í framtíðinni og höldum áfram að láta hafa okkur að fíflum af þessari elítu sem kaupa mun bankana, eða réttast að fá gefins.

Flokkar: Óflokkað

Sunnudagur 6.1.2019 - 10:15 - Rita ummæli

SAUÐURINN, APINN, OG FÁVITINN ÉG??

Facebook er merkilegt apparat sem við notum mörg hver mjög mikið með ýmsum hætti. Samfélagsvettvangur og afþreying, auglýsingar og fleira. Reglulega koma hinar ýmsu tilkynningar upp eins og ein sem fræg var um Jayden K. Smith, en hann var sagður hakkari sem tengdi sig inná kerfi Facebook og inná reikning manns.

Nú síðast er tilkynning sem segir frá leyfi um aðgang að efni okkar, myndum og öðru sem er á Facebook og við teljum vera okkar. Ég sá hina ýmsu vini setja þetta á vegginn hjá sér og taldi að um einhverskonar umræðu um aðgengi og oft frekju Facebook væri um að ræða á nýju ári, því ekki næ ég að fylgjast með öllum heimsins fréttum.
Það virðist vera að um þvælu sé að ræða og um enn eina dreifitilkynningu á Facebook. Ég setti þetta á vegginn hjá mér um miðnætti og nú undir morgun sá ég mjög margir hafa gert það sama. Ég tók þetta svo út – eitt af fáum skiptum sem ég tek efni út sem ég hef sett inn.

Eitt vekur furðu mína nú er ég fer yfir Facebook og sé efni vina minna og sérstaklega þeirra sem hafa sett inn sömu færslu og ég gerði, eru skammirnar og leiðindin sem fólk, „séníin“ sem vissu allt og vita allt um Facebook og hvernig það er notað með ýmsum hætti, láta frá sér í athugasemdum. Orð eins; „fávitar, sauðir, apar, heimskingjar, hjarðfífl,“ og önnur orð og lýsingar, eru ekki spöruð af „sérfræðingunum.“ Ég fékk jafnvel einkapóst frá vinum sem helltu sig yfir mig og voru hissa á að ég – Sveinn Hjörtur, myndi falla fyrir svona.

Ég ætla ekki að hafa fleiri orð um þetta, né „sérfræðingana“ á Facebook. En það væri óskandi að fólk myndi horfa í eigin barm yfir hjarðhegðun á Facebook og múgsefjun sem sett er af stað, þegar það eltir þvælu og alvarlega umræðu um fólk, málefni, skoðanir, jólakveðjur, og jafnvel mögulega glæpi sem skilar svo því að augnabliks taugaveiklun fólks á Facebook skilar því að manneskja er kosin Maður ársins – og allir eru sáttir að hafa elt fjölpóst og algjöra og fáránlega múgsefjun.

Ég velti því fyrir mér hver er í raun sauðurinn, apinn og allt það?

Eigið góðan dag…

Flokkar: Óflokkað

Föstudagur 28.12.2018 - 10:56 - Rita ummæli

ALLT NEMA ANDLITIÐ – LÍFFÆRAGJÖF

Fyrir mörgum árum áskotnaðist mér lítill bæklingur sem í var skírteini sem á stóð; „Organ donation.“ Ég ritaði undirskrift mína og merkti við að ég vil verða líffæragjafi komi það til, að ljóst sé með raunverulegum hætti að ég sé í þannig ástandi að ekki er undan því komist að ég muni deyja, eða að ég látist og ekki sé hægt að bjarga mér til lífs og því verði ég gjafi með líffærum mínum tafarlaust.

Á þennan miða skrifaði ég að ég vildi gefa allt nema andlit. Nokkrir vissu af þessari beiðni minni og töldu margir mig skrítin að setja þessa ósk fram – hver fer að óska eftir andliti og hvenær verður andlit grætt á manneskju? Á þeim tíma, sem ég setti þetta fram, hafa nokkrir læknar eflaust verið að athuga þennan möguleika til læknavísindanna og þróunar til líffæragjafa, en vinir mínir töldu það fráleitt þá. Í dag hafa nokkrar manneskjur um heiminn farið í andlitságræðslu.

Ég tel að þetta skref okkar á Íslandi sé mikilvægt og við verðum að treysta læknum til að meta hárrétta stöðuna þegar tilfellin koma upp. Ég treysti Runólfi Pálssyni yfirlækni algjörlega og hvet fólk til að hugsa þetta og horfa á með jákvæðum hætti.

Að lokum; Ég á móður sem er nýrnasjúk og þarf í vél annan hvern dag. Í mörg ár hefur mamma barist við þessi veikindi. Hún er þreytt og biðin er löng eftir því að fá nýtt nýra. Mamma mun líklega þurfa að bíða lengur. Það er nefnilega merkilegt að vera hinumegin við þessa stöðu og sjá hversu mikilvægt það er að vera líffæragjafi og vita það að við getum mögulega lengt líf margra aðila með gjöf.

Undir það kvitta ég og vil geta hjálpað „síðasta sprettinn“ sé það hægt…allt nema andlit!

Nánar hér

Flokkar: Óflokkað

Höfundur

Sveinn Hjörtur Guðfinnsson er fæddur 2. maí 1971 í Reykjavík. Hann starfaði í mörg ár sem varðstjóri og sérfræðingur í áfallahjálp hjá Neyðarlínunni og er einn af þeim sem mótuðu framtíð Neyðarlínunnar. Í dag er hann markþjálfi og athafnamaður til ýmissa verka sem reynsla hans nýtist í. Meðal félags- og trúnaðarstarfa sem að Sveinn Hjörtur gegnir eru að vera fulltrúi í Hverfisráði Breiðholts, vera í Heimaleikjaráði handknattleiksdeildar ÍR, í stjórn Foreldrafélags Hólabrekkuskóla ásamt því að sinna sjálfboðavinnu og vera í stjórn Mæðrastyrksnefndar Reykjavíkur, en með því er Sveinn Hjörtur fyrsti karlmaðurinn sem gerir það. Sveinn Hjörtur hefur einnig setið í Mannréttindaráði Reykjavíkur og Heilbrigðisnefnd Reykjavíkur.
Sveinn Hjörtur er einn af stofnendum Miðflokksins og skipar 3. sæti hjá Miðflokknum í Reykjavík í komandi sveitastjórnarkosningum.
Sveinn Hjörtur flutti í Breiðholt árið 1979 og hefur látið sig hverfið varða með ýmsum hætti og var m.a. tilnefndur sem einn af hverfishetjum Breiðholts fyrir vinnu sína er viðkemur hverfarölti ásamt samvinnu foreldra og íbúa í hverfinu. Sveinn Hjörtur er einhleypur og á þrjú börn sem eru í grunnskólum í Breiðholti. Sveinn er þekktur fyrir léttleika og þegar kemur að hverfinu þá er metnaður hans mikill. Áhugamál mál hans eru fluguveiði, ljóðagerð og lestur, mótorhjól, tónlist og handbolti.
RSS straumur: RSS straumur

Flokkar