Sunnudagur 18.11.2018 - 15:23 - Lokað fyrir ummæli

Að vera fíkill er verkefni margra í lífinu.

Fíkn einkennist af mörgu af stjórnlausri hegðun, getur verið margskonar skaðleg hegðun, fólk skaðar aðra og sig sjálfa. Hugsun, rökhyggja virðast ekki ná að stoppa fíkni hegðun og þó eins og Þórarinn Tyrfingsson kennir ef fólk nær að býða í nokkrar mínútur og hugsa ekki um fíknhvatana þá líður fíkninn hjá. Karlmaður í kynlífsfíkn getur farið afsíðis og hjálpað sér sjálfur og þá er hann laus við kynlífsfíknina (þetta kenndi læknir á Bylgjunni)

Fíkniefnin, fíknhugsanir, fíknhegðun drepur stundum skyndilega en önnur fíkn kemur eins og þjófur aftan að fólki og drepur hægt og sígandi.

Allir orðlausir, “ekki hann, ekki hún “ Fíknsjúkdómar fara ekki í manngreinarálit.

Það magnaða er að með alla fíkn má vinna með en meðferðirnar er margvíslegar. Sumir þróa með sér fíknsjúkdóma snemma á aldrinum aðrir seinna. Flestir neita að viðurkenna fíkn sína því það kostar miklar breytingar á lífinu, hugarfarinu og kostar mikla vinnu að halda sér frá sjúkdómnum. Fólk breytir um vinahópa, einangrar sig iðulega til þess eins að létta á erfiðinu sem fylgir því að standast eigin fíkn.

Þann 9. Október mátti lesa minningagreinar í Morgunblaðinu um unga konu Kristrínu Sæbjörnsdóttur sem brann inni í skelfilegu slysi á Selfossi sem sagt var frá í fréttum.

Minning um Kristrínu Sæbjörnsdóttur

Hún Krissa eins og hún var kölluð var vinkona okkar margra sem tóku glímuna með henni síðustu metrana. Mig langar að minnast hennar hér í DV grein.

Hvíl í friði Krissa mín, því miður vorum við bara saman í 10 daga en það varð til þess að ég gleymi þér aldrei. Sumar konur eru svo sterkar að þær ætla aldrei að sleppa, við vorum báðar þannig, létum ekki aðra segja okkur hvernig best væri að verða laus, frjáls, koma til baka. Mér tókst að ganga inn í næstu tjaldbúðir þar sem við biðum þín, en þú komst ekki og það var svo sárt elskan mín.
Eftir að lesa fallegar tregamiklar minningargreinarnar um þig í dag lagði ég í að skrifa hér nokkur orð til þín, því ég veit að frá himnum getur fólk séð allt, lesið allt og elskað alla því þar er enginn veikur af fíknsjúkdómum né öðrum.

Draumurinn þinn, eftir því sem ég best las í orð þín, þann stutta tíma sem við klifruðum fjallið saman, var sá einn að vera hin „fullkomna móðir“. Ekkert nema „fullkomin móðir“ eins og ætlast er til í samfélaginu okkar. Mömmur sko Krissa……

Engin móðir er fullkomin, en fyrir þér var bara fullkomleikinn í boði eða ekkert.
Svona var ég líka á þínum aldri og ég reyndi að segja þér hversu erfitt það er að reyna að vera fullkomin, fyrir aðra, en elska ekki sjálfa sig og í meðvirkni setja alla á undan eigin líðan.
Man að ég sagði þér um mína meðvirkni að „ef páfinn yrði óléttur væri það mér að kenna“. Við hlógum og þú kannaðist við tilfinninguna um að taka ábyrgð umfram það sem þú gast í raun.

Við jafnel deildum um „útlitsdýrkun“ kvenna og það var gott, tvær konur sem deila um tilgang lífsins eru ennþá á lífi.

Hvernig þú sagðir frá drengjunum þínum var óður til vonarinnar. Vonin um að geta verið til staðar, fullkomin, falleg móðir sem þeir væru svo stoltir af og treystu. Les í Mogganum að sonur þinn var óendanlega stoltur og elskar þig skilyrðislaust <3

„Pjattrófan þín“ sagði ég oft við þig, með varalitinn á vörunum alltaf og einn í handtöskunni sem þú slepptir aldrei.

Fúsleikinn til þess að sleppa vondu vímunni og finna hina óskaðlegu, sem er ókeypis, koma sér í frekari eftirmeðferð hjá snillingunum á VÍK fer ekki alltaf saman við aðstæður þriggja barna mæðra hvað þá kvenna með eigið fyrirtæki. Fordómar í garð kvenna í fíkn er slíkir að erfitt er að rísa upp.

Sektarkenndin dregur viljann frá mörgum fíklum þótt samfélagið telji fíkla ekki hafa slíkar kenndir, sem er alrangt.

Sektarkenndin dregur marga inn í neyslu og sektarkenndina þarf að afgreiða en ekki mata daglega og að hinn veiki þurfi að hlusta á úrtöluraddir jafnvel þeirra sem segjast elska okkur mest. Vandrataður vegur til þess að þókknast öðrum.

Fordómarnir gegn alkóhólisma, sér í lagi kvenna og hvað þá mæðra ungra barna, eru slíkir að aðeins aðrir alkóhólistar geta skilið sjúklingana sem og þeir aðstandendur sem aldrei gefast upp og sjá fólk rísa fullt af gleði í edrúmennskunni. Elska að vera edrú.

Það er hlutverk okkar að elska fólk til lífs en ekki yfirgefa það, það er mín trú í dag. Sjálf hef ég farið með dauðvona anorexiusjúklinga í meðferð, morfínneytendur eftir sjúkdóma sem náðu ekki að hætta og skömmin var engin um þær fíknir en fíknsjúkdómar eru flestir eins, löngunin í aðra líðan, betri líðan, kvíði og steita, uppgjöf.

Sumir þurfa margar tilraunir og ná því svo að sjúkdómurinn spyr ekki um viljann til þess að hætta, efnin verða frekar eins og súrefnið, lífsnauðsynleg-þar liggur lýgin og blekkingin. Sum lyf eru lífsnauðsynleg og gagnvart þeirri hugsun þarf líka að gefast upp, þeir hörðustu jafnvel eins og þú Krissa mín.

Elsku Krissa mín, ég bið að fjölskyldan þín minnist þín sem dóttur, móður og vinkonu, alla af vilja gerða en bara náðir þessu ekki í þessu lífi.

Fleiri og fleiri ná þessu ekki í þessu lífi <3

Þú umvefur drengina þína, móður og fósturföður, alla ættingjana og okkur „systur þínar“ í Kristi því þú gast talað um Jesú eins og sá sem er að drukkna og biður sína síðustu bæn.

Drottin minn blessaðu syrgendur og gef þeim styrk til þes að áfellast hana ekki, hún vara að gera sitt besta til þess að koma til baka. Það er mjög lýjandi að gera sitt besta en finna að það dugar ekki til.
Sjúkdómurinn spyr ekki hvort um unga þriggja barna móður er að ræða eða gamlan göturóna.

Sjúkdómurinn er hinsvegar þannig að ef fólk tekur aldrei fyrsta sopann, fyrstu lyfin, fyrsta grasið, fyrsta smókinn heldur þessi djövull sig langt frá fólki. Mannslíkaminn er ekki gerður fyrir eitur og nú hefur þú klæðst öðrum líkama, upprisulíkama, andlegum líkama. Svo er að sjá hvort bleiki varaliturinn dugi 🙂
Love you girl.

Margir velja að byrja aldrei neyslu, veit að það er von þín líka gagnvart þeim sem þú elskar.

 

Flokkar: Blogg

Fimmtudagur 4.10.2018 - 08:18 - Lokað fyrir ummæli

10 ár í Undralandi

Það eru þeir sem skrifuðu lygasögur um hrunið, áhrifavalda á fórnarlömb bankanna, eigendur fasteigna og sjóða.

Menn sem voru í bakherbergjum að makka með auðvaldinu og forsetanum, létu undan þrýstingi Samfylkingarforkólfanna eða, öflum úr Sjálfstæðisflokknum gera ódæðisverk í hálfgerðri heimsku þeirra. Stjórnmálin eru svo blind á það sem í raun er að gerast í bankakerfinu, lífeyrissjóðunum. Virðist ekki kunna að tengja fyrirtæki og fólk saman í eignarhaldsfélög.

Það eru hinir svokölluðu PR fulltrúar þessara afla sem skrifuðu og útvörpuðu sögunni í eyru almennings sem trúði þeim. Hvar eru áhrifavaldarnir nú?
Stjórnmálamenn eru enn að borga þeim milljónatugi fyrir að vinna svona ódæðisvinnu. Hrunið fyrir 10 árum var feluleikur þessara manna sem villtu á sér sýn með lífsstíl og lognum efnahagsreikningum, földu eignarhaldi eins og þeir væru eðalbornir Saudi-Arabar.

Þeir eru enn að, en nú eru skattaskjólið Bretland. Geir Haarde var einfaldur að láta plata sig í að lána Kaupþingi en sá banki var og er enn í eigu manna sem nota aðferðafræði villimennsku í viðskiptum. Þeir eru ríkastir og hafa aldrei greitt lánið til baka, Bakkavör safnar milljörðum að nýju.

Samfylkingin átti stærsta þáttinn í myndun ríkisstjórnar Geirs og Þorgerðar K. Versta ríkisstjórn allra tíma. Sjálfstæðisflokkurinn var klofinn og var honum stjórnað af lögmannaher Samfylkingarinnar og PR mönnum forsetans/Kaupþings/Baugs.
Dómstólar og lögreglan höfðu ekki þær upplýsingar sem þurftu því blekkt var fyrir þeim öllum dögum eins og gert var við Geir.

Minnast 10 fjölmiðlamenn voru á ofur launum við að setja landið á hausinn með lygasögum um ágæti útrásarvíkinganna. Þeir eru enn á fullu. Til þess máttu fjölmiðlar tapa milljörðum, til þess að villa okkur lesendum sýn.

Flokkar: Blogg

Laugardagur 15.9.2018 - 14:47 - Lokað fyrir ummæli

Nýr prestur í Hveragerði.

Presturinn okkar er greinilega með húmor og augljóslega einlægur og án sjálfsupphafningar. Það eru góðir tímar framundan.
Andlegt heimili okkar kristinna manna er kirkjan okkar. Mitt andlega heimili og fjölskyldan mín, í Jesú, verður þar í bænum mínum. Það skiptir mig miklu máli að eiga andleg heimili. Fara í kirkju alla sunnudaga, lofa Guð og þakka honum magnað líf sem ég hef átt. Yndislegt líf í fullri gnægð.

Ég bið Guð um að lyfta Hveragerði upp andlega, það er nauðsynlegt að lifa í andanum.

Ég vil deila með trúarfjölskyldu minni gleði og sorg, leita ráða hjá vitru fólki, hlægja með og njóta lífsins líkt og Jesús kennir okkur að gera.

Nýr prestur byrjar vel.

Gunnar Jóhannesson

“Kæru Hvergerðingar 😊
Nú er rúm vika liðin síðan ég tók við embætti sóknarprests í Hveragerðisprestakalli. Dagarnir hafa liðið hratt og það tekur tíma að átta sig á nýjum aðstæðum og hitta fólk og kynnast. Það eru forréttindi að fá að koma hingað og ég hlakka til að kynnast bænum og fólkinu hér.

Einhverjir hafa væntanlega fengið frá mér vinabeiðnir á facebook – sem ég dældi út þangað til facebook stoppaði mig af 😅 Það er góð leið til að koma sér inn í hringiðuna. Ég vona að enginn hafi orðið fyrir ónæði af því 👍
Nú er komið að fyrstu messunni minni hér, á sunnudaginn kemur kl. 11 – minni fyrstu á Íslandi í þó nokkurn tíma.
Gaman væri að sjá þig þar ásamt öðrum. Að messa er ekki nýtt fyrir mér, en að messa í Hveragerðiskirkju hef ég auðvitað ekki gert áður og eru það forréttindi að fá að gera það.

Nú eru nokkur ár liðin síðan ég messaði síðast á íslensku, en það mun vafalaust ganga vel – og getur ekki gengið verr en þegar ég messaði í fyrsta skipti á norsku (þar sem ég skildi sjálfur ekki nema örfá orð í prédikuninni sem ég flutti 😅).
Allir eru hjartanlega velkomnir, ungir sem eldri, og eru fermingarbörn vetrarins sérstaklega boðin velkomin til messunnar ásamt foreldrum sínum, og til samtals eftir messuna.

Nú eru nokkur ár liðin síðan ég messaði síðast á íslensku, en það mun vafalaust ganga vel – og getur ekki gengið verr en þegar ég messaði í fyrsta skipti á norsku (þar sem ég skildi sjálfur ekki nema örfá orð í prédikuninni sem ég flutti 😅).
Allir eru hjartanlega velkomnir, ungir sem eldri, og eru fermingarbörn vetrarins sérstaklega boðin velkomin til messunnar ásamt foreldrum sínum, og til samtals eftir messuna.

Nú er komið að fyrstu messunni minni hér, á sunnudaginn kemur kl. 11 – minni fyrstu á Íslandi í þónokkur tíma.
Gaman væri að sjá þig þar ásamt öðrum. Að messa er ekki nýtt fyrir mér, en að messa í Hveragerðiskirkju hef ég auðvitað ekki gert áður og eru það forréttindi að fá að gera það.”

Lofar góðu Hvergerðingar. Það er engin messa án kirkjugesta.

Flokkar: Blogg

Föstudagur 7.9.2018 - 10:56 - Lokað fyrir ummæli

Að játa syndir sínar í AA samtökunum eða Þjóðkirkjunni.

Menn eru hvattir til þess að viðurkenna syndir sínar opinnberlega, hvattir til þess að taka á móti skömminni sem hrjáir þá sem orðið hafa fyrir kynferðisbrotum-sama hver upplifun brotaþola og brotamanna er á glæpnum.

Við erum öll hvött til þess að fyrirgefa í anda Jesú, halda áfram að lifa, iðrast okkar eigin synda en dvelja ekki í þeim, jafnvel viðurkenna þau opinnberlega og skila skömminni til þess sem á okkur braut.

Þorir fólk því nú ? Varla.

Síðan þegar fólk viðurkennir sök sína til þess að draga úr þjáningum brotaþola og í fullri iðrun, er fólki úthýst úr vinnunni og samfélaginu, jafnvel fólk á níræðis aldri. Það sem átti að létta á báðum aðilum endaði með enn meiri þjáningu þeirra sem komu hvergi nálægt. Allt ofbeldi, andlegt sem líkamlegt er viðurstyggð hvað þá gagnvart börnum. Börn líða fyrir vanrækstlu foreldra, skólakerfis og líka fyrir ofstæki trúarleiðtoga, karla og kvenna. Að ryðjast inn í barnssálina er ógeðsleg valdbeiting.

Er einhver, prestur/aðrir líka, í ljósi umræðunnar á leið í að játa syndir sínar aftur ?

Það var dæmdur morðingi sem talaði á Bylgjunni 7. sept, ætti ekki að múlbinda hann og refsa þótt hann hafi tekið út sinn dóm ? Hann er að vinna gott starf gegn eiturlyfjaváinni, hann þekkir málið af eigin reynslu.

Kærleiksríkur faðmur Jesú.

Það er fátt í dag sem speglar kærleiksríkan faðm Jesú Krists og ekki að undra að AA samtökin séu fjölmennusta trúarhreyfing í landinu.

Þar fær fólk að gera siðferðileg skil án þess að vera úthýst úr samtökunum.

Fagráð Þjóðkirkjunnar vildi ekki tjá sig um bréf biskups um að Séra Þórir mætti ekki starfa sem prestur.

Það að þegja er ein leið til þess að axla ekki ábyrgð gjörða sinna.

Sennilega verður sú leið valin héðan í frá.

Það væru fáir prestar í þjónustu ef syndir allra væru reiknaðar frá barnæsku til fullorðinsára.
Sá yðar sem syndlaus er kastið fyrsta steininum.

AA samtökin halda utan um syndara því allir alkar hafa syndgað oft og iðulega en reyna að dæma ekki eða flokka syndir hvort annars.

Nafnleyndin er algjör.

Dómstólar sjá svo vonandi um glæpamenn.

 

Flokkar: Blogg

Fimmtudagur 23.8.2018 - 10:20 - Lokað fyrir ummæli

Káfið og þuklið um Verslunarmannahelgina.

Mikið var gott að vakna í sínu eigin rúmi og enginn að káfa á manni út í loftið, í röku tjaldi fullur eða vímaður. Hvað þá að muna ekki lönd né strönd hvað gerðist. Skelfilegt.

Það er blessun að hafa náð þeim þroska að sækjast ekki eftir slíku rugli hvað þá að hafa ekki liðið mikið ofbeldi eins og margir verða fyrir og lifa í ótta og í sársauka ofbeldismanna.

Allir fá nú sennilega einhverntímann á baukinn en þá leitar fólk sér aðstoðar fagaðila ekki bara einhverra misvitra manna og kvenna.

Ofbeldi hefur áhrif á alla fjölskylduna.

Því eins og dominó hrynur hver á fætur öðrum niður og þarf að leggja hart að sér til þess að ná áttum og heilsu. Flestir ná því sem betur fer.

Sadó eða ást ?

Kærleiksríkar strokur henta flestum best þótt maður lesi um löglegt ofbeldisfullt kynlíf með svipum og ólum, keðjum og öðrum skelfilegu ofbeldi. Einnig um sérferðir í hópkynlíf eða makaskipti. Ímynda mér að fólk hafi gleymt því sem skiptir máli í hjónabandinu, traustinu.

Semsagt, ég vil að þú meiðir mig hugarfarið er hipp en kúl þótt ógeðslegt sé og mannfyrirlitningin algjör.

Hvað er eðlilegt og hvað er ofbeldi er ekki alltaf skýrt því miður.

Að vilja láta meiða sig er frekar lasið.

Flokkar: Blogg

Þriðjudagur 14.8.2018 - 14:23 - Lokað fyrir ummæli

Náttúrvernd rædd í einkaþotum.

Enn skrifar Meyvant Þórólfsson dósent við HÍ magnaða grein í Moggann í dag.
Hann sér að uppkaup á landi til auðkývinga, þrátt fyrir lög um nýtingu auðlinda (smb lög nr. 57/1998) lofa ekki góðu.

Vatnsskortur er ógn.

Staðreyndin er að vatnsskortur í heiminum ógnar jafnvel heimsfriði. Kanadamenn, sem enn eiga nægilegt vatn, óttast yfirgang Bandaríkjanna og þeirra helsta áhyggjuefni er að þeir sækist eftir vatninu þar sem vatnsskortur ógnar draumalandi kapítalistanna þar sem heilbrigð hugsun fjarar undan þeirri hugmynd að markaðurinn leiti jafnvægis í markaðshagerfi frjálshyggjunnar. Atvinnulíf skiptir mestu um felferð þjóða en misskipting þar sem 1% landsmanna eiga um 80% auðsins segir ekkert um kerfið annað en að það sé fætt dauðvona.

Meyvant

Meyvant (Mogginn 8. Ágúst) sér hætturnar og eins við mörg. Það er einfeldni að halda að menn séu að kaupa land á Íslandi til þess að græða landið, vernda vilta laxinn, fá hingað ríka túrista. Ísland orðið að flóttamannabúðum fyrir frægafólkið til þess að fá frið frá kastljósi fjölmiðla.

Einmitt í einkaþotunum er verið að undirbúa náttúrvernd á Íslandi.

Atvinnulífið skiptir okkur mestu.

Hitt er svo annað mál að iðnaður og nýsköpun hugsjónamanna hefur verið grunnurinn að okkar velferð í gegnum áratugina. Landbúnaðurinn í dag er ekki bara framleiðsla á lambakjöti heldur líka náttúruvernd á ýmsum auðlindum.

Auðvaldið á Íslandi hér fyrr á tímum hefði aldrei selt landið frá okkur, svo mikið getum við lesið um þá sem mótuðu hér atvinnulífið.

Það hræðir mig hvað margir Samfylkingar (býrókratar) eru nú komnir í faðm erlendra sjóða og ætla að setja heilu dali landsins undir hótel og afdrep fyrir þá ríku. Fyrrum starfsmenn Reykjavíkurborgar í tíð SF ganga þar fremstir í flokki.

PR fulltrúar stjórnmálaflokkanna.

Að hafa góða ímyndafulltrúa hefur ekki bara reynst Kaupþingsmönnum, Samfylkunni, Sjálfstæðisflokknum og nú Viðreisn vel um tíma, heldur líka mjög illa þegar ljóst var í hruninu að ráðleggingar þeirra voru byggðar á þvælu og bulli, stundum var fólki hreinlega kennt að ljúga sannfærandi.

Fólk missir trúverðuleikann þegar það fer inn í þann sirkus sem almannatenglar ráðleggja iðulega. Það þekki ég persónulega mjög vel. Vissulega er ágætt að hlusta á þá en mikilvægt að fórna ekki sómakenndinni.

Stjórnmálamenn sem þora.

Oft var þörf á slíkum en nú er það spurning um að forðast nýtt fjármálahrun og leggja ómældan sársauka á fjölskyldur sem missa allt, heimili og heilsu.
Vilja menn ef til vill fá yfir sig nýjar skiptastjórnir sem taka til sín tímakaup líkt og ef sólahringurinn og vinnutíminn sé kominn upp í 40 stundir en ekki 24, hvað þá 8 tíma vinnudagur ?
Má vera að flestum sé bara alveg sama.

Það er að vísu grín en spurt hefur verið “hvað er líkt með sæðisfrumum og lögfræðingum ? “

Jú ein af milljón verður að manni. hehehe

Svona er þetta auðvitað ekki en svartir sauðir í öllum séttum draga úr trúverðuleika annarra sem vilja vinna af heilindum.

Flokkar: Blogg

Þriðjudagur 7.8.2018 - 09:48 - Lokað fyrir ummæli

Tengslanet erlendra milljarðamæringa

Uppkaup auðmanna og erlendra sjóða á landi og sér í lagi á laxveiðiám er alfarið á ábyrgð ríkisstjórnarinnar. Ráðherrar úr öllum flokkum sem og forysta ættu að þekkja viðskiptahættina þar sem forkólfar flokkanna hafa flestið þegið boð veiði eða veislur í boði erlendra milljarðamæringa og nú laxabænda víða um land.

Suma af þessum sjóðum þori ég ekki að nefna þar sem um era ð ræða vopnaframleiðendur jafnvel og stærstu sjálftökumenn í heiminum.

Lúxushótel var reist fyrir tilstilli Íslendings, sem aðstoðaði auðmenn í viðskiptum við kaup á íslenskum auðlindum. (Pikes t.d. lúxushótelið í Fljótunum er dæmi)

Blackstone er mjög umdeildur fjárfestingarsjóður og sá stærsti í heimi en Chad R. Pike kemur þar við sögu ef tengslanetið er skoðað grant því erfitt er að fela þá slóð sama hvað menn reyna.

“I don’t trust the Iceland banks financial statements even a LITTLE BIT. “

Skrifar einn af þessum milljarðamæringum í bréfi til umbjóðanda síns, sem með aðstoð háttsettra fjármálamanna á Íslandi og íslenskra banka, feðaþjónustuaðila hefur náð að sölsa undir sig miklar eignir og jafnvel lokað á aðgang að íslensku landi fyrir almennings að náttúruperlum. Hann á þetta hann má þetta-finnst stjórnvöldum.

 

 

Blackstone

Blackstone á um 3600 eignir t.d. bara í Phoenix Arizona.

10 milljónir manna misstu heimili sín í fjármálakreppunni í Ameríku en þessir sjóðir náðu eignum almennings til sín á verði langt undir verðmætamati, líkt og bankarnir hér hafa gert og sýna nú milljarða hagnað með ofur leiguverðir og fasteignaverði, líkt og við sjáum með leigufélög og fasteignafélög hér á landi. Hagkerfið fer á hvolf þegar fákeppnin myndast og yfirtökurnar.

Margir hafa þurft að byrja upp á nýtt vegna þessa yfirgangs sömu manna og nú sitja eins og ránfuglar í boði ríkisstjórnar sem er allt of hrædd við þá, skiljanlega, því þegar menn hafa þegið gjafir í skjóli þess valds sem þeir hafa inn í fjármálageirann þá eru þeir fastir í neti, neti sem herðir að þeim. Össur sagði að vísu við einn þeirra að hann vildi ekki gera Ísland að “Disney” landi segir einn þessara “Íslandsvina” og hvetur menn í bréfi til þess að ræða frekar við Steingrím !

Samskipti íslenskra viðskiptajöfra, með beinan aðgang inn í stjórnmálin einkennast af vonleysi um að íslenskt efnahagskerfi eigi eftir að lifa af þessar nýju innrásir.

Menn vilja aðeins skjótan gróða og frið til þess að nota stærð sína og þá um leið vald og sölsa undir sig meira og meira. Nú er samt komið nóg og ef þessi ríkisstjórn hættir ekki að fara með lagabálka sem fáir skilja, tala um ef til vill, kannski, sennilega seinna hvað þá að allir ættu að hafa sama rétt getum við lokað þessari búllu okkar. Þetta er ekki hrakspá því sama saga gerist nú víða um heim.

Úr Mogganum

“Á bænum Deplum, sem Orri (Vigfússon) og félag Pikes keyptu fyrir nokkrum árum, stendur til að reisa lúxusgistihús fyrir nokkur hundruð milljónir króna í vetur. Gistihúsið verður rekið undir merkjum Eleven Experience, sem er í eigu Pikes, en fyrirtækið býður upp á lúxusgistingu í hæsta gæðaflokki víða um heim.

Í skála fyrirtækisins í frönsku Ölpunum kostar nóttin fyrir tíu manna hóp frá 12.500 bandaríkjadölum eða 1,5 milljónum króna. Innifalið í verðinu er alls kyns þjónusta, s.s. skíðaferðir með þyrlum, matur o.fl.

Orri heitin Vigfússon sagði þegar hótelið í Fljótunum var opnað að “eftir eigi að ákveða endanlega hvernig aðkomu Pikes verði háttað og hversu mikla fjármuni hann leggi til. Nú til dags sé erfiðara fyrir Íslendinga að keppa um fjármagn en reiknað sé með því að Pike, eða félag í hans eigu, komi með peninga inn í landið í gegnum fjárfestingarleið Seðlabankans “

Við getum semsagt ekki keppt við fjármagnið um okkar eigið land ?

Fjármálaeftirlitið og Seðlabankinn

Eftirlitið þegir þunnu hljóði eða þá þeir skilja ekki hugarfar þessa manna.

Halda þeir að Blackstone (vopnaframleiðandi með meiru) sætti sig við annað en að eignast meira hér á landi ?

Líkt og Íslendingar byrgja sig af klósetpappír frá Costco þá byrgja þessi milljarðamæringar og sjóðir þeirra sig upp af eignum sem fólk hefur misst í gegnum bankana og það á útsölu, það er hagur þeirra að bankahrunið verði algjört aftur, meira ódýrt að kaupa.

 

“In one move, Blackstone bought 1,400 houses in Atlanta in a single day. As of November, Blackstone had spent $7.5 billion to buy 40,000 mostly foreclosed houses across the country. That’s a spending rate of $100 million a week since October 2012. “

Svona upplýsingar má lesa í virtum viðskiptatímaritum en sennilega eru stjórnvöld og eftirlitsstofnanir seinar í lestri.

Leigufélög milljarðamæringanna eru þau stærstu og þeir okra á leigu og setja allan húsnæðismarkað á hvolf, hér líka.

Morgan Stanley, Citigroup, Deutsche Bank, UBS, Bank of America, Goldman Sachs og auðvitað JP Morgan Chase eru allt nöfn sem við ættum að þekkja en svo virðist ekki vera. Öll eru þau í málaferlum við þessa milljarðamæringa og sjóði þeirra en semja alltaf um skaðabætur því bækurnar þola ekki dagsljósið hvað þá þegar mútur og svartir peningar eru notaðir.

An All-Cash Goliath er nú komin í feitt hér á landi í boði örfárra manna og kvenna sem myndu hvort eða er selja ömmu sína fyrir smáaura.

Gott væri að vita hverjir gerðu þessa sölusamninga fyrir landareigendur ? Það myndi útskýra margt.

“I went two years without selling to a black family, and that wasn’t for lack of trying,” says Alston, whose business is concentrated in inner-city neighborhoods where the majority of residents are African American and Hispanic. Instead, all his buyers — every last one of them — were businessmen. And weirder yet, they were all paying in cash.”

“You can’t compete with a company that’s betting on speculative future value when they’re playing with cash,” says Alston.

Það er engu líkara en að þessir menn hafi skipulagt hrunið sjálfir.

 

 

 

Flokkar: Blogg

Þriðjudagur 31.7.2018 - 11:21 - Lokað fyrir ummæli

Ertu súr?

Ertu súr ?
Að tala um súran líkama er þverstæðukennt því við verðum súr t.d. þegar við borðum mikinn sykur. Ólíkt ýmsum í heilsugeiranum þá hamra ég á því að ég lít ekki á lífrækt unnin flókin kolvetni sem óvin og fitandi því kolvetni er eitt af grunnefnum orkunnar í heila t.d. Kenningar um að fita breytist í kolvetni er óljós og loðin og flestir sérfræðingar sem ég þekki hafna henni.
Staðreyndin um að minnka kolvetnin er samt sönn. Við erum sem þjóð að borða margfalt það magn kolvetna sem er heilbrigt. Skyndibitafæðið er flest 80% óhollt og 20% einhver hollusta. En það er til hollur skindibiti og veitingastaðir með hollan mat.

(Sjálf hef ég fundið það í löngum vinnutörnum að mig skorti orku og flókin eða einföld kolvetni því Detoxiðmeðferðin býður upp á lítið magn kolvetna, bara fruktósa eða smá ávaxtasykur, en þar ræðum við um meðferð í stuttan tíma en ekki lífsstíl til lengri tíma) Engum er ráðlagt að fasta lengur en 4-6 vikur en þá vegna ákveðinna sjúkdóma. 14 dagar duga vel og orkan þá komin upp aftur. Svo er bannað að vinna mikið og fasta, hvíldin skiptir miklu í föstunni. Sumir vilja fara í megrunarkúr en Detoxið er ekki megrun þótt fólk gjörbreytist í útliti og til heilsunnar eftir 14 daga.
Í súrum líkama þrífast frumur sem eru okkur ekki góðar og vanstilla okkar eigið ónæmiskerfi sem ætti að duga ef við lifum heilbrigðu lífi. Í of basískum líkama er orkan iðulega lítil og efnaskiptin næra ekki öll líffærin. Orkan kemur úr matnum fyrst og fremst.

Með föstunni okkar nær fólk jafnvægi, núllstillingu þó ekki sé nema tímabundið (betra en að vera alltaf óhollur). Ef fólk ætlar að hreinsa kerfi líkamans þá þarf hann tíma, lítið gerist í skyndiföstum til að byrja með en eftir reglulegt Detox er magnað að fasta af og til.

Það krefst þess að breyta um mataræði í það minnsta tímabundið einu sinni til tvisvar á ári.

Ef fólk hefur þann aga að borða og lifa að hætti meinlætamanna sem við ættum auðvitað að gera, gott fólk, þá er málið dautt. Aðeins einn af milljónum hefur þann aga. Agi merkir að endurtaka heilbrigða hegðun, hugsun og samskipti aftur og aftur og aftur….Rosalega erfitt, ég veit. Heilbrigði snýst ekki um að vera feitur eða mjór, en offita er mjög skaðleg sem og of lítil fita, sér í lagi hjá konum Það er vont að vera kona án eðlilegra hormónaframleiðslu þótt hormónalyfin hjálpi mikið þegar eggjastokkarnir hafa verið teknir eða eru vanvirkir.

Sumir halda því fram að líkaminn eigi að vera örlítið súr en þar er ég ekki sammála og sé enga glóru í þeim kenningum.

Ónæmisstyrkjandi bakteríur þarmaflórunnar skipta mestu og ráða að því að talið er allt að 80% af styrkleika ónæmiskerfisins. Þær bakteríur eru þrennskonar þótt milljónatugir séu.
1. Styrkjandi-grænmeti, flókin kolvetni,steinefni, vítamín,góðar fitusýrur því þarmarnir og lifrin vinna mjög náið saman. Skortur á góðum fitusýrum hefur slæmar afleiðingar fyrir hægðir t.d..
2. Bælandi-bragðefni, sykur (unnin sykur), litarefni, gerviefni, umhverfisóvinveitt efni náttúrunnar sem við erum að drepa okkur á í raun, lyf, sér í lagi verkjalyf og ávanabindandi lyf.
3. Rotnandi-vond prótein eins og í unnum matvælum, slæmum mjólkurafurðum, kornétandi eldisdýrum.

Karlmönnum hættir til að borða of mikið af kjöti t.d. og þeir glíma frekar við ristilsjúkdóma en konur, en það er að breytast.
Í gegnum síðustu áratugi hafa rannsóknir sýnt að konur sæki í sætar vörur en karlmenn í kjöt og feitar sósur og franskar. Sjúkdómasaga kvenna hefur því verið önnur að öllu jöfnu en karla. Sykursýki 2 er faraldur bæði karla og kvenna í dag og stafar af sykurneyslu-fíkn í sælgæti og unnar sykurvörur, en þar er falin sykur í mörgum tegundum matvæla , hreyfingarleysi er númer tvö orsakavaldur. Jafnvel eru Asíubúar nú farnir að líta á sykursýki 2 sem faraldur eftir tilkomu skyndibitastaða og matvælaframleiðslu sem er iðulega byggð á blekkinum um hvað er unnin sykur og hvað eru hrein heilbrigð matvæli.

Sykur er ódýrasta bragðefnið og í raun rotvarnar- (geymsluþol) efni og heitir ýmsum nöfnum á því sem selt er-þau gera okkur mjög súr og þá fer ónæmiskerfið á hvolf.
Auðvitað vinnur líkaminn úr óhollri fæðu líka en ekki mikið yfir 20% í venjulegu mataræði má vera óhollusta. En öfgar eru jafn þreytandi sumum og agi er öðrum. Ég þoli illa öfga og hef aldrei kennt lífeðlisfræði sem byggir á skottulækningum.
Ávextir eru hollir en í hófi.

Ef þið lesið GLI stuðulinn sjáið þið sykurmagn ávaxta og annarra fæðutegunda. Allt undir 50 í stuðlinum skaðar ekki að borða mikið af en munið að maður verður súr af of miklum sykri, en of lítið kolvetnamagn gerir okkur of basísk, núllpunkturinn er að vera hvorki súr nér basískur.
Epli, sítrónur, greip, kíwi eru allt ávextir sem hjálpa okkur.

Mjólkurafurðir mega verið um 20% af daglegri neyslu okkar en ekki meira. Sumir segja enga mjólkurvörur, en þar er ég ekki heldur alveg sammála. AB mjólk er góð með grófkornamúsli fyrir börn og eldra fólk.

Kornmatur, helst lífrænn, má ekki heldur vera meira en 20% af fæðu dagsins. Fjöldi brauða eru holl og góð og virka hvetjandi á meltinguna. Nú eru komin kolvetnalaus brauð eða svo er sagt (sama hvað ég borða mikið af þeim þá trúi ég því ekki alveg en þau eru holl því engum viðbættum sykri er til að dreifa).
Hirsi, bankabygg, bókhveiti,haframjöl, heilhveiti gefur góða langvarandi orku en í dag er neyslan of lítil af þessum fæðutegundum.

Trefjaríka fæðutegundir eru orkugefandi en þar sem kyrrsetustörf eru algeng þarf að varast of margar hitaeiningar á móti brennslu. Með trefjum þarf að drekka vatn og vatnsdrykkja minnst nokkur glös á dag, samt ekki of mikið. 4-6 glös fer eftir hreyfingu.

Núðlur og pasta geta verið í lagi í hófi en munum að ef við erum að borða pasta eða núðlur að sykur og hvítt hveiti fer í gerjun þegar blandast og okkur líður þá eins og fílamanni. Þannig ekkert áfengi með pastanu (elska góða pastarétti og ekkert fær mig til þess að gera lítið úr ítalskri matarmenningu ).

Fiskur sér í lagi feitur fiskur er matur sem býr yfir próteinum og fitusýrum. Börn þurfa að borða fisk eða líkar afurðir minnst 5x í viku að mínu mati. Fiturnar í fiski gera börn gáfuð (það sagði ég mínum í það minnsta ).

Margt annað er hægt að kaupa inn sem er hollt og gott og má setja í matinn án þess að heimilið fari á hvolf, hnetur og möndlur, bústa með berjum og grænmeti, þurkað grænmeti og ávexti, hollar olíur. Svo spyr maður sig, á mínum aldri, er ungt fólk lítið fyrir að elda ? En það svarar því hver fyrir sig. Það sem börn venjast á að borða og ef þau velja að trúa mömmu og pabba um hollustuna þá ætti allt að vera í lagi.

En hver hlustar á nöldrið í mömmu sinni.

Þegar ég ólst upp voru tvær reglur við matarborðið, þú borðar matinn sem á borð er borinn, þakkar fyrir matinn og þegir því það eru fréttir í útvarpinu. Held að það sé ekki gott að tala mikið þegar maður borðar það gerir okkur sennilega gallsúr. Mamma mín var eðal kokkur og mikil regla á matmálstímum og á fæðunni. Mér finnst í minningunni það hafi alltaf verið veisla

Pabbi var líka snillingur í heimilishaldinu öllu og því að fæða okkur og klæða, veiddi fiskinn, var með hænur, ræktaði grænmeti og bjó til veislumat.
Grænmeti þess tíma var ekki fjölbreytt en það voru alvöru tómatar og gúrkur, heimræktaðar kartöflur og rabbabari, gulrætur og svo má ekki gleyma hennar kynslóð kvenna sem gengu um á milli heimila að gefa lifandi geril í brauðið.

Hetjurnar okkar þessar konur og þá glímdi fólk við aðra sjúkdóma en í dag, en það er allt önnur saga.

Flokkar: Blogg

Fimmtudagur 26.7.2018 - 09:58 - Lokað fyrir ummæli

Sala á bújörðum

.“Þetta eru bara tölur á blaði “
Bjarni Ármannsson bankastjóri, fyrir hrun.

Bjarni Ármannsson er kænn maður, hann sá að enginn innistæða var fyrir hagvextinum fyrir hrun og hafði vit á því að stökkva fyrir borð og gerir það gott í dag. Íslensk stjórnvöld ættu að hlusta áþessi orð hans, því þau eiga enn við. Sér í lagi þegar kemur að kaupum og sölu á íslenskum landareignum í gegnum erlenda sjóði eða fjárfesta.

Erlendis í um 25 ár.
Ég er þjóðernissinni en ekki rasisti og tilheyri víst ekki “góða fólkinu “ sem heldur að allt fáist fyrir ekkert með aðstoð ESB. Einmitt !
Eftir að búa meðal margra þjóðflokka, litarhátta, trúarbragða, velferðakerfa í fjórum löndum í yfir 25 ár, erlendis, er þjóðernið mitt íslensk.

Gott fólk finnst í öllum heimsálfum en vítin ber að varast enda misjafn sauður í mörgu fé.

Bara eitt Ísland
Það er hinsvegar bara eitt Ísland, ein þjóð (fólk með landvistarleyfi er velkomið sem og gestir/túristar) Fólk sem duglegt er að vinna störf sem virðast ekki Íslendingum samboðin, við aðstæður sem eru jafnvel þó ekki alltaf heilsuspillandi. Fólkið sem við nærumst og þrífumst á en virðum ekki nægilega mikið.

Má kaupa íslenskt land með erlendum kennitölum ?
Er hægt að kaupa íslenskar jarðir og auðlindir eins og hver og einn ræður við með afslátt á íslenskum gjaldmiðli. Sterk króna en veik stjórnsýsla er ávísun á nýtt hrun.
Svona grandvaraleysi stjórnvalda í málum sem þessum bara hvarflar ekki að þorra almennings, hefur ekki svona hugmyndaflug í að sjá þetta gerast. HFF er skamstöfun mótmælenda og afsakið orðbragðið, svona leið mér við lestur greina Moggans um EES reglugerðir um landarkaup.

“Íslenskir viðskiptafélagar “
Morgunblaðið hefur tekið saman uppkaup auðmanna og “íslenskra viðskiptafélaga” á laxveiðám og jörðunum í kring um þær. Fjörtíu jarðir bara fyrir Austan.
Tvær greinar hafa birts á miðopnu Moggans að vísu loðnar (leiðinnlegar greinar) af sölusérfræðingum frá Lex lögmannastofu, sem reyna að segja okkur í mjög löngu máli og flóknu að samkvæmt EES samningum sé þetta löglegt.

Milljarðamæringar að moka upp landi og laxinum.
Ha ! Fá þeir að kaupa jarðir og ár, rennandi ferskt vatn, eins og þá dreymir um. Pönkast á fátækum bændum ? Er ekki málið að ganga í ESB líka og lækna endanlega þjóðernisrembuna í þóðernissinum ?
Draumur gráðugra er sá mestur að græða meira og mikið er ekki nóg.
Okkur var ekki kennt í Kristinfræði í skólum, áður en það var bannað að “græðgi (hvort heldur völd eða peningar) væri “rót alls þess sem illt er ? “

Til hvers “Þorskastríð” þá ?
Við seljum ekki íslenskt land ekki íslenskar auðlindir og stöndum vörð um það sem er okkar líkt og við gerðum í Þorskastríðinu.
Stöndum vörð um Ísland, landið og miðin. Við erum ekki að horfa á erlenda ofurjarla okkar kaupa upp landið.
Það er ekki séns að menn séu í “góðmennsku” að bjarga bújörðum og laxastofningum, slík réttlæting er barnaleg.

Vatnskortur er ógn við heiminn en líkt og fjárfestar Íslands með fé almennings í geymslu bankanna reyndu að selja Orkuveituna til Bretlands á sínum tíma, jafnvel áður en þeim tókst að kaupa hana, hefur vonin um skjótan gróða í raun ræst nú í þessum löglegu en siðlausu viðskiptum á eignum jarðareigenda.

Daður við auðmenn.
Það er svo smart að þjóna og þjónka útlendingum sem eiga dygra sjóði í erlendum földum félögum, það er spenna fólgin í því að daðra við það sem er nýtt.
Það eru hlutfallslega jafn margir útlenskir auðlindaræningjar til og innlendir, jafn margir gráðugir milljarðamæringar hlutfallslega og hér og reiknið svo.
Fólk sem rænir aðra sparnaði sínum t.d. ellilífeyri, eignum og æru fá aldrei nóg, mikið er ekki nægilega mikið milljarður er klink.

Stolt Íslendinga er landið, aulindir, tungumál og menning, niðurlægingin er hinsvegar skortur á sjálfstrausti. Það öfundar enginn milljarðamæringa, vorkenna þeim frekar-kampavín og kavíar í öll mál. (grín)

Að kjósa yfir sig “Falið vald”
Ísland verður seint selt án mótmæla, ekki frekar en landhelgin á sínum tíma. Fólk er ekki til í annað leikrit sama hvað skrifað er og sagt er. Heilsa þjóðarinnar er að veði, almenningur vill ekki frekara arðráðn, misskiptingu, lygar og blekkingar.

Til hvers Þorskastríð og það að hafa umráð yfir 200 mílna landhelgi, þegar sömu sjóræningjarnir geta veitt fiskinn okkar í landinu, keypt náttúruna sjálfa/landið sjálft fyrir “bara tölur á blaði” í x-el skjali (fyrir þá sem vita ekki hvað x-el skjal sem gott er að nota í skipulagningu viðskipta en einnig gott skjal til þess að blekkja til um hagnað og eignir.

Gyðingar.
Við ættum að taka Ísraela okkur til fyrirmynda, þeir selja aldrei landið sitt, þótt þeir séu óttalegir gyðingar í viðskiptum eins og við reyndar líka. Við viljum ekki þurfa að nota vopn í þeirri baráttu að halda landi.

Við breytum þessu sjálf kjósendur, ekki með aðstoð Breta eða Þjóðverja svo mikið er víst.

Guð blessi Ísland.

Flokkar: Blogg

Miðvikudagur 25.7.2018 - 10:22 - Lokað fyrir ummæli

Borgarstjóri Íslendinga veikur.

Þjóðin fann til með Degi B Eggertssyni þegar hann ræddi af einlægni um sjúkdóminn sem á hann herjar þessa dagana. Ýmsir sögðu, “já en hann er læknir, þeir eiga ekki að veikjast”. Það tekur alltaf á að fella grímuna sem opinber persóna, eign almennings. Sigurgangan hefst samt þar og auðmýkt er undanfari virðingar, eða svo er kennt.

Veikjast læknar líka.

Enn er til fólk sem lítur á lækninn sinn sem almáttugan, alvitran. Mest þó eldri kynslóðin.
Einnig eru til læknar sem virðast líta þannig á sig sjálfa. Hafa bara alltaf rétt fyrir sér.
Enginn hefur alltaf rétt fyrir.

Að auðmýkja sig er heldur ekki öllum gefið. Hroki er vörn sem auðvelt er að grípa til í stjórnmálum en virkar ekki gegn sjúkdómum, hvað þá þegar fólk ber sjúkdóminn utan á sér.
Dagur gerði þetta vel og þjóðin fann til samkenndar. Það er holl kennd þessi samkennd.

Til eru læknar sem neita að viðurkenna að það er ekki langt síðan það óhefðbundna var það eina sem íslensk þjóð átti. Þá voru þjóðráð best og eina lækningin. Konur gengu þar fremstar í flokki og læknuðu og líknuðu án þess að auglýsa manngæsku sína eða samkennd.

Læknavísindunum líkt og samfélagsgerðinni fleygir fram en líka aftur, kerfið bjargar sumu fólki betur en öðrum og læknavísindin í dag geta haldið fárveikum og öldruðum tifandi/lifandi lengur en fyrr í sögunni. Til góðs eða ills, það er umdeilanlegt.

Þeir læknar sem vinna með mataræði, hugarfar, hreyfingu, og umhverfisáhrif þurfa iðulega að líða fyrir skoðanir um að vera ekki nægilega vel að sér um vísindarannsóknir læknavísindanna, líkt og við sem ákváðum að fara ekki í læknisfræði heldur læra önnur heilbrigðisvísindi. Meirihluti Íslendinga líta á breyttan heim sem áskorun. Áskorun um nýja þekkingu og breyttar aðferðir. Margir missa sjálfstraust í að lækna sig sjálfir, líkt og Ísland út á við sýnist í dag og henda sér í fang þeirra sem hvetja ekki beint til sjálfsábyrgðar. Ætla að henda sér í fang stórþjóða.

Stjórnmálin eru eins, hvetja ekki beint til sjálfsábyrgðar því annaðhvort eru það kapítalistar sem elska að eiga allt eða vinstrimenn sem elska að stjórna og nú í seinni tíð vilja eiga allt. Eigna sér allt, gera allt fyrir völd.

Dagur B á alla mína samúð svo það sé á hreinu enda er hættulegt að blanda saman stjórnmálaskoðunum og mannkærleika. Hér með reyndi ég það. Tilfinningar eiga ekki að stjórna landinu eða borginni að vísu.Þetta lærði Dagur þegar borgarstjórnin setti viðskiptabann á Ísrael, vegna stríðs þeirra við Palestínu. Bann sem var fljótt dregið til baka því velferðarkerfi Íslands nýtur hugvits Ísraela á mörgum sviðum. Okkur var fyrirgefið enda hafna Gyðingar seint viðskipahagsmunum ekki frekar en við Íslendingar.

Gangi þér vel Dagur !

Við óskum borgarstjóranum okkar velfarnaðar því enginn vill sjá annan mann þjást þótt tekist sé á um Miklubraut í stokk eða borgarlínu, eða hvað það var nú kallað fyrir kosningar.
Þýska orðið yfir gigt er að vísu að vera andsetinn því fyrir tíma læknavísindanna þóttu þetta draugaverkir. Fólk þjáðist líkamlega og það í skömm. Gríska orðið er betra því þar eru gigtarverkirnir skilaboð frá heila till íkamans um ákveðið ójafnvægi. Í dag er það sýnt að gigt er raunverulegur sjúkdómur, verkirnir raunverulegir, ekki ímyndaðir. Þeir koma stundum og fara þegar við síst viljum.
Enn og aftur tengjast þeir röskun í ónæmiskerfinu en borgarstjóri útskýrði þetta vel. Ónæmiskerfið er ávalt besti læknirinn, það dafnar og myndast að miklu leiti í þörmunum. Þegar fólk fær í sig bakteríur sem það ræður ekki við að drepa finnur fólk oft fyrir síþreytu er með niðurgang og léttist. Síðan laumast gigtin að eins og þjófur að nóttu.

Ég þakka DV fyrir samvinnuna.
Það gamla er búið og nýtt tekið við.

Guð blessi Ísland og borgarstjóra landsins.

Flokkar: Blogg

Höfundur

Jónína Ben


er þekkt fyrir skrif sín, ræður og rit. Hún er háskólamenntuð í heilbrigðisvísindum, íþróttafræðum en stundaði meistaranám í hagfræði í tvö ár en skrifaði ekki lokaritgerð. Jónína er bæði elskuð og umdeild í íslensku samfélagi. "Mest þó elskuð" segir hún. Hún kemur skoðunum sínum, hugsjónum og gagnrýni til almennings og hefur mikil áhrif á líf margra með festu og þekkingu. Jónína kynnir sér mál og dregur svo ályktanir. "Ég les hratt og skrifa hratt, er fljót að sjá hvað skiptir heildina máli en svo meiga allir lifa í sínu einkalífi eins og þeir velja, kemur mér ekki við. Ég get virt allt fólk en mest þá menn sem halda í hugsjónir, trú og stefnufestu sína. Fólk sem lætur ekki "falsfréttir " eða tilfinningtengdan áróður villa sér sýn.

 
RSS straumur: RSS straumur

Flokkar