Feminisminn er fullur vandlætingar gagnvart kvennamenningu.  Konur sem hafa áhuga á tísku og útliti eru sívinsælt skotmark. Fjandsamleg viðhorf til kvennamenningar koma jafnvel fram í umræðunni um leikföng.  Það þykir ótækt að bjóða stelpum upp á kaffihús, dýraspítala og snyrtistofur af því að það er „ekki gagnlegt fyrir samfélagið“ eins og það er orðað í þessum knúzpistli. Líklega telst það gagnlegra að berjast við skrímsli og standa í styrjöldum.

Ég verð ekkert vör við niðrandi umræðu feminista í garð kvenna í boltaíþróttum eða kvenna með vélhjóladellu. Ætli það sé af því að þessi áhugamál krefjist meiri djúphygli eða fólk með þessi áhugamál sé betur máli farið en stelpur sem taka þátt í fegurðarsamkeppni?   Ég held ekki . Ég sé ekki betur en að umræðan um lítinn áhuga stúlkna á raunvísindum, boltaíþróttum, spurningakeppnum o.fl. afhjúpi það viðhorf að karlamenning sé mun merkilegri en menning kvenna.

33 ástæður til að uppræta feminisma
1. Við þurfum ekki feminisma til að tryggja jafnrétti
2. Grundvöllur feminismans er lygi
3. Feminismi notar lygar í áróðursskyni
4. Feminisminn lítur á karlmenn sem illmenni
5. Feminisminn lítur á konur sem fórnarlömb
6.  Feminismi firrir konur ábyrgð
7.  Feminisminn er í stöðugri mótsögn við sjálfan sig
8. Feminismi skaðar konur í kynlífsiðnaði
9.  Feministar takmarka sjálfsákvörðunarrétt kvenna
10.  Feminisk áhrif veikja réttaröryggi sakborninga
11. Feministar nota háskóla til að breiða út gervivísindi
12. Feminismi er ríkisstyrkt valdanet
13.  Feministar vilja fá að stunda trúboð í skólum
14.  Feminismi leggur kynhlutverk að jöfnu við kvennakúgun
15. Feminismi er kvennamenningu fjandsamlegur
16. Feminismi er nýhreintrúarstefna
17. Feministar vilja ákveða normin í kynferðismálum
18. Feminismi er að festa sig í sessi sem kennivald
19. Feminismi vinnur gegn kvenréttindum
20. Feminismi er dólgapólitík
21. Feminismi er hugsjónastríð
22. Feministar sinna þjónustu sem ætti að vera í höndum fagfólks
23. Feminismi er fasísk hugmyndafræði
24. Feministar hafa ranghugmyndir um norm samfélagsins
25. Feminismi einkennist af pólitískum rétttrúnaði
26. Feministar rangtúlka listaverk í áróðursskyni
27. Feministar eru með klám á heilanum
28. Feministar vilja ráða því hvað skuli teljast valdeflandi
29. Feministar ýkja tölur um kynbundinn launamun
30 Feministar styðja kynbundna mismunun
31 Feminismi vinnur gegn lýðheilsumarkmiðum
32 Feminismi nærir sorpblaðamennsku
33 Feministar hafa eyðilagt hugtakið feminismi