Í svartri skýrslu um óráðsíu og misráðnar ákvarðanir í rekstri og fjárfestingum RÚV kemur fram að stjórn stofnunarinnar sem núverandi útvarpsstjóri sat í, átti erfitt með að reikna út hvernig 4.000 milljónum væri deilt niður á 15 ár vegna loftnetsdreifikerfis sem löngu var úrelt áður en það var sett upp.

• Þann 19. Desember 2012 var kostnaður metinn ,,óverulegur“
• Í tilkynningu 18. Janúar var sá kostnaður nánar metinn á 70 milljónir.
• Tveimur mánuðum síðar 27. Mars hafði hinsvegar orðið viðsnúningur í útreikningum stjórnarinnar því þá var samningurinn talinn verða ,,jákvæður á rekstur á tímabilinu“
• Enn var reiknað og 20. Júlí 2013 var kostnaðurinn talinn vera 100 milljónir á ári.
• Reyndin varð svo 300milljónir.

Í Morgunblaðinu í dag segir núverandi útvarpsstjóri og fyrrum stjórnarmaður að minni peningar í hítina í Efstaleiti muni þýða ,,stórfelldan niðurskurð á dagskrá og þjónustu“. Með niðurskurði á dagskrá má fastlega gera ráð fyrir að ríkisstofnunin dragi saman samkeppnisrekstur sinn við einkaaðila á sviði afþreyingarefnis og yrði varla skaði að því. Með niðurskurði á ,,þjónustu“ er ekki gott að segjan en kannski verða loftnetsgreiðusendar sparaðir til seinni tíma…..

Smekklegar auglýsingar frá hinu opinbera sem skattpínir íslenska verslun á alla kanta. Hin rangnefnda ,,fríhöfn“ þarf engin lýðheilsumarkmið eða aldurstakmark.

Í Morgunblaðinu í dag talar Svavar Gestsson um nýlega ferð sína til Austurþýskalands þar sem fram fari ,,Uppgjör án miskunar“ en lætur þess ógetið að sjálfur hefur hans uppgjör átt sér stað án iðrunar, svona ekki ósvipað og með Isave samninginn.

Svavar stundaði nám við sérskóla fyrir efnilega kommúnista: Institut für Gesellschaftswissenschaften beim ZK der SED, Í viðtali við DV árið 1989 þegar múrinn var fallinn lýsti Svavar breytingunni:

Ég tel að þessi niðurstaða í Sovétríkjunum og sérstaklega A-Þýskalandi sé sigur sósíalismans sem brýtur niður járnrimlana því það er ekki hægt að halda honum föstum í tukthúsi – hann brýst út.

Borgarastéttin í landinu hefur reynt að stimpla marxismann sem einhvern afbrigðilegan óþverra og það skrifum við auðvitað ekki upp á.

Þó að námið hafi verið veitt af æðstu stjórn kommúnistaflokksins, hafa engin skjöl fundist um ætlað hlutverk eða störf Svavars fyrir flokkinn eða undirstofnanir hans eins og hina geðfeldu stofnun STASI.

Vísitala neysluverðs lækkar um 0,35% milli mánaða

Enn erum við minnt á þá nöturlegu staðreynd að húsnæðislánin eru verðtryggð en launin ekki!

Lánþolar fá hækkun fasteignaverðs, hækkun launa en sparifjáreigendur sitja eftir með lækkun á sínum lánum.

Hefur ekki verið rætt um kerfi þar sem lánveitandi og lánþoli deila áhættunni?

Einhverja næstu daga mun Símon Grimmi héraðsdómari fella sektardóm yfir bankastjóra og þeim undirmönnum sem ekki tókst að kaupa sér friðhelgi hjá  saksóknara með því að bera vitni gegn sínum samstarfsmönnum. Engin þörf er á málsvörn hjá Símoni nema til undirbúnings fyrir hæstarétt.

Alls er um að ræða 20 milljarða lán sem starfsmenn einkafyrirtækis veittu til viðskiptavina með veðum sem eftir á að hyggja reyndust ótrygg, nánar tiltekið vegna hlutabréfa sem bankinn hafði áður keypt (án allra veða og hefðu þannig auðvitað hvort eð er endað verðlaus). Hið eiginlega tjón sem er tilkomið vegna kaupa bréfanna (en fyrir þau kaup er ekki ákært) lendir alfarið á kröfuhöfum bankans. Fyrir liggur að enginn hinna ákærðu hafði ávinning eða ásetning um lögbrot en áhöld eru uppi um vitni saksóknarans.

Á sama tíma berast fréttir af tvöfalt stærra máli, þ.e. af greiðslufalli Reykjanesbæjar sem skuldar 40 milljarða. Fyrir stjórnendum Reykjanesbæjar hefur aldrei vakað neitt annað en göfugur ásetningur og gildir þá einu hvort um er að ræða milljarða fjárfestingar í Víkingaþorpi, Hljómahöll, stóriðjuhöfn eða öðru. Á skuldasöfnunartímabilinu 2003-2014 stemdi sveitarfélagið lóðbeint á hausinn þar sem uppsafnaður halli af reglulegum rekstri nam 8,3 Milljörðum. Þannig máttu stjórnendur sveitarfélagsins jafnt og lánveitendur vita að lánin yrðu aldrei greidd, a.m.k. ekki af sveitarfélaginu. Í tilfelli Stíms hefðu lánin verið greidd svo fremi að bankinn færi ekki á hausinn.

Einu lögin sem takmarka fjártjón útsvarsgreiðenda hvers sveitarfélags er skuldaþak sem nemur 150% af tekjum. Allt umfram það lendir svo bara á ríkissjóði eins og í tilfelli Álftaness en þar fengu íbúar í nærliggjandi sveitarfélagi að kjósa um hvort skuldir umfram greiðslugetu, lentu ekki barasta á ríkissjóði. Það eru ýmsar leiðir til við að kljást við skuldir, þar með talið að kjósa þær einfaldlega yfir á aðra.

Svavar Gestsson 25.11.2015.

Eftir Icesave dóminn bað höfundur bókarinnar ,,Icesave samningarnir – afleikur aldrarinnar?“ þjóðina afsökun á spurningamerkinu. Höfundur samningsins þarf hinsvegar ekkert að afsaka:

Fráfarandi formaður Samfylkingarinnar er ekki alveg viss hvort Ísland sé eftirsóknarvert land til að búa í eður ei:

Laugardagur 14.11.2015:

Fólk flýr Ísland þrátt fyrir gott efnahagsástand til að fá að búa við þau samfélagsgæði sem sósíaldemókratísk forgangsröðun hefur skilað

Sunnudagur 15.11.2015:

Íslenskur vinnumarkaður stendur þannig núna að það er skortur á mannafla, aldrei verið betri aðstæður til að taka á móti útlendingum sem eru tilbúnir til þess að búa sér lífsviðurværi hér….það eru öfundsverðar aðstæður hér.

Já það er eitthvað svo skrítið af hverju sumir tapa tiltrú kjósenda…….

Jólagjafirnar streyma í Efstaleiti úr fjárlagafrumvarpinu:

Ýmis ákvæði Heimildir 4. gr.

Að heimila RÚV ohf. að ganga til samninga við Reykjavíkurborg um skipulag og sölu á lóðarréttindum við Efstaleiti 1 í Reykjavík, enda verði andvirði hlutar RÚV ohf. nýtt til að lækka skuldir félagsins.

Heimild 7.11 ….

Þegar unnið var að stofnefnahagsreikningi RÚV ohf. í lok árs 2006 var lagt til grundvallar að u.þ.b. 6.000 m2 færðust ekki yfir í efnahag félagsins,…… Ávinningur sölunnar í heild fyrir RÚV ohf. er áætlaður um 1,5 mia.kr.

971 Ríkisútvarpið. 1.10:

Lagt er til að veitt verði 45 m.kr. framlag til að greiða fyrir þjónustu norska fjarskiptafyrirtækisins Telenor út árið 2015 og að hluta fyrir árið 2014 vegna stafrænna hljóðvarps- og sjónvarpsútsendinga Ríkisútvarpsins um gervihnött.

Líklega auglýsir bílaleigan Avis í Viðskiptablaðinu í dag fyrir tilviljun við hlið umfjöllunar blaðsins um skuldavanda Reykjanesbæjar. Skuldavandi kemur til þegar lánveitandi lánar glannalega til lántaka sem ekki getur greitt. Í slíkum tilfellum fá úrræðagóðir í vandræðum þá hugmynd að láta þriðja aðila greiða, nánar tiltekið aðra skattgreiðendur. Eins og allir lánveitendur vita að þá eru sveitarfélög ekki aðfararhæf og því ekkert annað að gera í slíkri stöðu en að afskrifa og/eða skuldbreyta. Ögmundur Jónasson sem ekki mátti til þess hugsa að lánveitendur tækju einir skellinn af óábyrgum lánveitingum til Álftaness, tryggði kröfuhöfum mörg hundruð milljóna meðgjöf við sameiningu sveitarfélagsins við Garðabæ. Líklega hefur þar verið sett gott fordæmi um að eyða einmitt í óþarfa.