Töffararnir í Bezta og grúbbíurnar í Samfó eru nú í alvarlegum timburmönnunum eftir töffarapartíið sitt í Orkuveitu Reykjavíkur í haust – partíi sem lætur flottustu partí Alfreð Þorsteinssonar matreidd frá fyrirmyndar vinnuaðstöðueldhúsi OR með risarækjur í aðalrétt líta út eins og móttöku í súpueldhúsi Samhjálpar.
Í partíiinu þar sem töffararnir og grúbbíurnar þurftu að sína pöpulnum mátt sinn og meginn – þá ráku Beztu og Samfó fólkið sem hélt um raunverulegt fjöregg Orkuveitu Reykjavíkur – samböndin við lánadrottnana sem höfðu gefið vilyrði um endurfjármögnun.
Já, í vímukasti, sigurvímukasti þurftu töffararnir og grúbbíurnar að vera töff – og sýnast gera eitthvað. Reka fólk.
Nema hvað þau ráku rangt fólk. Reykvíkingar súpa seyðið af því í dag og um næstu framtíð.
Í vímubullinu létu töffararnir og grúbbíurnar ofan í kaupið heimskuleg orð falla – og gleymdu því að orðum fylgir ábyrgð. Þótt þú sért í vímu. Sigurvímu.
Gorgeirinn og töffarayfirlýsingarnar kláruðu það litla sem eftir var af trausti lánadrottna OR – traust sem fauk út í veður og vind í sigurvímupartíiinu þegar gamla liðinu var hent út – af því bara.
Það sorglega er að það var ekki bara töffarapartíið sem stútaði Orkuveitunni. Gömlu frænkur grúbbíanna – þessar Samfó og vinkonur þeirra í VG sem sitja í ríkisstjórninni – gerðu sitt til þess að koma í veg fyrir að fjárfestingarverkefni Orkuveitunnar gefa ekki þann arð sem þarf til að standa undir sér.
Þær þurftu að sinna sínum áhangendum með því að setja virkjanastopp og beita öllum ráðum til þess að ekki væru unnt að klára arðbær fjárfestingaverkefni OR til atvinnuuppbyggingar.
Nú sitja töffararnir, grúbbíurnar í borgarstjórn og gömlu tönturnar í eymd og volæði – og Reykvíkingar og þjóðinn verður að greiða reikninginn af barnum.
Hallur Magnússon
Þetta er nú meira bullið hjá þér, Hallur og þér ekki samboðið
Framsóknarfólk og fyrrum framsóknarfólk ætti að hafa vit á því að skammast sín í þætti Alfreðs í að rústa efnahag Íslands. Þessar skuldir eru út í hött. Út í hött.
Og ég efast um að Besti hafi eitthvað verið að skála fyrir uppsögnunum hjá OR. Þeim þótti það leitt, en fyrirtæki sem skuldar meir en 10 milljarði í lánavexti árlega getur ekki annað en rekið fólk.
Sævar.
Því miður er þetta svona – þótt ég færi það aðeins í stílinn.
Það var langt með endurjfármögnun þegar Bezti og grúbbíurnar tóku við – og klúðruðu málunum.
Gott ef þeir gátu ekki fengið endurjfármögnun fjá lífeyrissjóðunum sl. haust – en ákvæaðu að hafna þeim! Þarf reyndar að fletta því upp.
Þeir tóku ekki við góðri stöðu vegna efnahagsástandsins og aðgerðar ríkisstjórnarinnar gegn orkufrekum verkefnu – og því að Gulli og íhaldið, Dagur og Samfó ög Bingi höfðu misst sig – en það var langt komið með að endurfjármagna OR.
Þeirri endurfjármögnun var klúðrað í partíunu. Svo einfalt er málið.
Snæbjörn.
Nú vil ég biðja þig um að rökstyðja dylgjur þínar í garð Alfreðs. Vegna þess að þetta eru órökstuddar dylgjur hjá þér.
Kynntu þér eftirfarandi fjóra ársreikninga – sá fyrsti er vegna næstsíðast árs Alfreðs sem stjórnarformanns OR – sá næsti vegna síðast árs hans – þar sem hann ber reyndar ekki ábyrgð á nema helmings ársins- sá þriðji tveimur árum síðar og sá fjórði kjörtímabili síðar.
Bið þig að kynna þér ársreikningana og málið fyrst – og svara mér svo.
Síðasta heila ár Alfreðs´: http://www.or.is/media/PDF/Orkuveita_Reykjavíkur_12_2005.pdf
Síaðta ár Alfreðs – aðrir eiga síðari hluta ársins: http://www.or.is/media/PDF/Orkuveita%20Reykjavíkur%202006%20Samtæða%20með%20undirritunum.pdf
Svona var staðan orðin tveimur árum eftir Alfreð – eftir að Gulli og íhaldið hafði stjórnað OR – og Samfó – og smá Bingi: http://www.or.is/media/PDF/Arshlutareikningur_Orkuveitu_Reykjavikur_30_09.pdf
… og svona var það 4 árum eftir Alfreð: http://www.or.is/media/PDF/Orkuveita_Reykjavikur__samstaeda_3092010.pdf
Snæbjörn.
Ætlar þú ennþá að saka Alfreð um að koma að hafa „rústað egnahag Íslands“ ?
Orkuveitan var nú komin á vonarvöl áður en Besti flokkurinn tók við stjórnartaumunum, þó að ég hafi ekki neitt sérstakt álit á honum þá verður nú að hafa það sem sannara reynist.
Ásdís.
Það er rétt hjá þér að staða hennar var erfið – en Bezti og Samfó skáru á björgunarlínuna. Það er staðreynd sem ekki er unnt að horfa framhjá – þótt þeir reyni að bera það af sér.
Allavega er það ekki heita veðrið sem hækkar gjaldskránna núna eins og forðum daga hjá Alfreð. 🙂
Rekstur OR er sorglegur og er skipsbrúin minnis merki um bruðl eins og harpan.
Sammála Sævari hér að ofan.
.
Þessi pistill er þér til vansa, Hallur, þ.e.a.s. ef þú kærir þig um að láta taka þig alvarlega.
.
Þú ættir frekar að koma með yfirvegaða greiningu á stöðunni heldur en svona taugaveiklun.
Hvers vegna í ósköpunum getur þú fullyrt að brottrekstur Hjörleifs Kvarans og Önnu fjármálstjóra hafi verið ástæða þess að OR hafi ekki getað endurfjámagnað sig? Þetta er algerlega órökstudd fullyrðing. Hér hafa menn fullyrt í 2 ár að OR væri tæknilega gjaldþrota – en pólitískir stjórnarmenn eins og Guðlaugur framsóknarmaður hafa ekki viljað viðurkenna það.
Erlendir bankar skilja auðvitað að þegar skluldastaða fyrirtækis kollvarpast á þremur árum hljóta yfirmenn að að taka pokann sinn.
Fíflalegasta færsla þín til þessa. Til hamingju. Týpískur Framsóknarmaður sem meikar ekki að horfast í augun við fortíðina. Aumkunarvert að ætla að kenna núverandi meirihluta um stöðuna.
Ég tók mark á ýmsu sem þú skrifaðir, t.d. um húsnæðismál. En það geri ég ekki lengur eftir lestur þessa pistils, þú ert kominn í bullflokk. Það er meira mark takandi á öðrum bloggurum um þetta mál: http://blog.eyjan.is/andrigeir/2011/03/29/fjarmal-or-i-rust/#comments
@magnús.
Það var langt komið með endurfjármögnun Orkuveitunnar og fjárhagslegrar endurskipulagningu í samvinnu við helstu lánadrottna. Töffararnir klipptu á þá vinnu. Brottrekstur Önnu og Hjörleifs reyndar einungis ein mistök af mörgum sem gerð voru. Tímasetning vegna innanlandspólitíkur getur hafa verið rétt – en galin fyrir fyrirtækið.
Við súpum seyðið af því núna.
Við vitum líka báðir að helsta ástæða vondrar stöðu OR var að Gulli, Samfó og Bingi héldu áfram erlendri skuldsetningu þrátt fyrir óverðurský – og hrap krónunar lék OR grátt. Einnig að fyrirhugaðrar tekjur í kjölfar fjárfestinga er ekki að skila sér vegna klúðurs ríkisstjórnar VG og Samfó í atvinnumálum – þar sem unnið var gegn þeim orkufreku verkefnum sem OR var að undirbúa.
Erfið staða síðastliðið haust er ekki Bezta að kenna. En viðbrögð Bezta og grúbbíanna – sem skáru á líflínuna – urðu til þess að við sitjum í þeirri stöðu sem við erum í núna.
@einsi.
Þótt ég noti smá stílbragð á þetta – hvað af því sem ég segi er rangt?
@guðmundur Hörður
Takk fyrir traustið. En getur þú bent mér á eitthvað efnislegt í pistlinum sem ekki stenst?
Merkilegt að menn þoli ekki smá stílbragð í málinu:
Kristján.
Sama spurning til þín.
Verð hins vegar að benda á að ég er ekki í Framsóknarflokknum.
Það er fíflalegt að fría núverandi meirihluta af núverandi stöðu. hann átti stóran þátt í því að klúðra endurfjármögnun. En eins og ég hef ítrekað sagt þá var erfið staða OR á haustmánuðum EKKI Bezta að kenna – en Samfó átti nokkurn hlut í þeim erfiðleikum.
Loksins rannsókn hversvegna OR er á hausnum vonandi verður mark takandi á þeirri rannsókn.
Hallur
hvað meinarðu að langt hafi verið komið með endurfjármögnun OR eða Besti hafi bara skorið á líflínuna?
NIB, þú væntanlega þekkir þann banka, skar á líflínuna. Hann gjörþekkir rekstur OR um langan tíma. Það þurfti Besta ekki einu sinni til. Hvenær ætla Framsóknarmenn og aðrir að læra það, að það er ekki hægt að kjafta sig útúr vonlausri skuldastöðu? Það þarf raunhæfar aðgerðir, m.a. til að fjármögnunaraðilar fái traust á dæminu. Fyrrverandi meirihlutar eiga vandræði OR alveg skuldlaust.
Ekki meir, ekki meir.
Þú fullyrðir að það hafi verið langt komið með endurfjármögnun – auðvitað er það ÓRÖKSTUDD FULLYRÐING – ættuð úr herbúðum þeirra sem vilja fegra stöðu sína eftir á. Þú fullyrðir mikið en getur ekki bakkað upp.
Það hljómar alls ekki trúverðuglega að ný stjórn hafi minnkað möguleika á endurfjármögnun á sama tíma og hún var að stórauka tekjur fyrirtækisins með hækkunum á gjaldskrám og einnig lækkun á rekstrarkostnaði.
Það blasir við Hallur – að skýringar fyrri stjórnarmanna er lituð af því að koma sök á þá sem að eftir komu. Þannig eru tskýringar Alfreð Þorsteinssonar ekki sérlega trúverðugar þegar reynir að koma sökinni á það að Hörleifur og Anna hafi verið rekin.
Þessi færsla þín er mjög lituð af pólitík að mínum dómi.
Ég held að aðvaranir Andra Geirs og Ketils fyrir tveimur árum siðan segi meira en nokkur orð. Rekstratölur OR voru skelfilegar á þeim tíma og fullyrðingar um að endurfjármögnun hafi verið tryggð eru ósköp einfaldlega ótrúverðugar.
Gunnar.
NIB og Deutsche – og reyndar fleiri – voru að vinna með OR í endurskipulagningu fyrirtækisins þegar Bezti og grúbbíurnar í Samfó tóku við. Það var fé til reiðu.
Þeir sem höfðu unnið með kröfuhöfunum að endurskipulagningu voru reknir. Nýir – óreyndir aðiljar sem þekktu ekki til OR – voru fengnir í staðinn. Settu allt á hvolf í stað þess að byggja á þeirri vinni – samvinnu sem hafði verið í gangi marga mánuði.
Allt var sett á hvolf. Við sjáum afleiðingarnar.
Töffarapartíið er búið. Ekki meir. Ekki meir.
Magnús.
´
Það er staðreynd að endurfjármögnun var langt komin.
Hallur
Það er staðreynd að eftirfarandi fullyrðing þín er órökstudd:
„Það er staðreynd að endurfjármögnun var langt komin“
Hún verður ekki betur rökstudd með því að fullyrða hana aftur og aftur og bæta við orðinu „staðreynd“.
Þetta er óttaleg vitleysa í þér. Staðreyndin er nefnilega sú að OR var komin í vandræði löngu áður en Besti Flokkurinn varð til og talsvert áður áður en Samfylkingin komst til valda aftur í Reykjavík.
Enda hefur framsóknarflokkurinn fengið að vaða um OR eins og sinn eigin sparibauk. Það má heldur ekki gleyma þætti sjálfstæðisflokksins í þessum vandræðum OR.
Magnús.
Ég veit að endurfjármögnun var langt komin.
Vinsamlega rökstuddu aðsvo var ekki.
Jón Frímann.
Já, auðvitað var OR komin í vandræði áður en Bezti tók við. Þess vegna voru menn að vinna með stærstu lánveitendunum um endurfjármögnun – og voru komnir langt með það.
Bezti og Samfó klúðruðu hins vegar langt kominni endurfjármögnuninni með stæl. Um það er pistill minn.
Hallur
Þú þykist vita það… auðvitað sögðu innstu koppar í búri (og vinir þínir og trúnaðarmenn) að endurfjármögnun hafi verið langt komin. Þeir hafi verið að bjarga þessu þegar þeir voru reknir eða töpupu kosningum. Það er mannlegt en…. alls ekki trúverðugt.
Þú fyrirgefur en hvers vegna í ósköpunum hefðu bankar ekki viljað endurfjármagna fyrirtækið þegar loks var komin trúverðug tilraun til að taka örlítið til með stórhækkun á gjaldskrám og lækkun rekstrarkostnaðar.
Hallur, við erum búin að fá upp í kok af pólitíkusum sem þykjast vita hvað rekstur er, en á sama tíma geta þeir ekki einu sinni tekið ábyrgð á sjálfum sér. Hjörleifur Kvaran hefur alls ekki mikla reynslu í rekstri (var lengst af borgarlogmaður), er ekki mikill skörungur eða stjórnandi og allan þann tíma sem hann var hjá OR einkenndist reksturinn af flottræfilshætti og aðgerðarleysi. Að erlendir bankar hafi gert það að skilyrði hann væri við stjórnvölinn er að mínu mati hlægilegt. Þú fyrirgefur en ég tel að þessi pistill þinn sé harla ótrúverðugur.
Það varst þú sem hófst leikinn með fullyrðingunni að núverandi stjórnendur hafi klúðrað málum, í guðanna bænum farðu ekki að snúa við sönnunarbyrðinni og biðja mig að færa sönnur á að svo hafi ekki verið. Það er heldur lélegt rökræðutrikk!!
Er eitthvað óeðlilegt við að þeir sem höfðu stýrt fyrirtækinu í bága stöðu þess væru reknir?
„Magnús.
Ég veit að endurfjármögnun var langt komin.
Vinsamlega rökstuddu aðsvo var ekki.“
Þetta er einhver alvitlausasta setning sem ég hef séð í bloggfærslu fyrr eða síðar. Samkvæmt þessu ganga rökræður svona fyrir sig:
– A kastar fram fullyrðingu án þess að rökstyðja hana.
– B mótmælir.
– Þá þarf B að sýna fram á að A hafi rangt fyrir sér, en A þarf ekki að rökstyðja sína fullyrðingu.
Sem betur fer virka rökræður ekki svoleiðis í samfélagi siðaðra manna.
Þeir eru ekki ekki terúverðir sem hafa stjórnað Orkuveitunni.Hver heldur þú að vilji lána þessum labbakútm?
Hvernig er það Hallur, hlustaðir þú nokkuð á viðtalið við Darling í sjónvarpinu um daginn? Þar endurtók hann aftur og aftur og aftur að hann hefði ekki borið traust til viðmælenda sinna, viðskiptaráðherra og kó á fundi í byrjun sept 2008 af því þeir létu sem vandinn væri ekki eins alvarlegur og hann var. Slíkir menn vissu annað hvort ekki hvað væri að gerast eða væru að reyna að leyna því. Hvort væri verra fáfræðin eða óheiðarleikinn, ætlaði hann ekki að segja til um, en vantraust varð uppskeran.
Það er langt síðan farið var að benda á að fjárhagur OR væri orðinn galinn. Gnarr var ekki einu sinni farinn í framboð á þeim tíma. Heldur þú að erlendu bankarnir hafi ekki séð það heldur?
Í annan stað hefur verið bent á hvernig ráðamenn þjóðar, banka og einkafyrirtækja létu sem allt væri í lagi meðan enginn segði frá því að það væri í ólagi – fyrir Hrun. Nú er bent á að okkur vanti stjórnendur sem kunni að fegra stöðuna fyrir lánveitendum.
Trúir þú enn á teinótt jakkaföt og flott bindi?
Hallur, Það er staðreynd að hvorki Besti Flokkurinn eða Samfylkingin klúðruðu endurfjármögnun Orkuveitu Reykjavíkur. Það er ekkert nema fyrirsláttur hjá þér að halda slíku fram.
Árið 2009 var þessi endurfjármögnun á lánum til OR búin að tefjast um heilt ár. Síðan þá hefur þessi endurfjármögnun tafist ennþá meira vegna þess að lánveitendur vildu augljóslega fá bókhaldsupplýsingar um stöðu OR áður en endurfjármögnun lána átti sér stað.
Staðan hefur ennfremur verið sú frá árinu 2010 að enginn hefur viljað lána Orkuveitu Reykjavíkur. Þú getur lesið um það með því að leita uppi gamlar fréttir með aðstoð Google, ef þú kærir þig um slíkt.
Staða OR hefur ekkert með núverandi borgarstjórn að gera. Enda fengu þeir skítinn í hendunar eftir síðustu borgarstjórn og forvera þeirra þar á undan.
@Daníel.
@ Magnús
Hvað hafið þið fyrir ykkur um að EKKI hafi verið komið langt í endurfjármögnun?
Jón Frímann.
Það er merkilegur andskoti hvað margir eru tilbúnir að hvítþvo litla sæta Bezta flokkinn og Samfó – með því að benda á aðra.
Ég hef ekki kennt þeim um þá stöðu sem OR var í þegar þeir tóku við. En þeir hafa gersamlega klúðrað að vinna úr þeirri stöðu – og gert hver mistökin á fætur öðrum.
Þeir bera ábyrgð á því að staðan er eins og hún er – ekki síður en forverar þeirra við stjórnvölinn. 2006-2010. – sérstklega þó tímabilið 2007-2008. Forverarnir voru hins vegar komnir langt í endurfjármögnun – Bezti og Samfó klúðruðu að lenda henni – vegna töffaraskapar, tengsla og þekkingaleysis.
@Hallur
Svo ég noti lógíkina þína.
Hvað hefur þú fyrir þér um að EKKi hafi verið komið langt í að útvega ísbjörn í Húsdýragarðinn?
Ég veit nefnilega að það var langt komið.
Vinsamlegast rökstuddu að svo var ekki!
Við þurfum bara ekkert að hafa fyrir okkur í því, þú kemur með þessa fullyrðingu og þér ber að rökstyðja hana.
Og n.b. þá er „ég veit að þetta er satt“ ekki rökstuðningur.
Hallur
Nú skalt þú lesa bloggpistil hér að ofan: Þessi pistill fullyrðir að besti og Samfó hafi klúðrað endurfjármögnun sem hafi svo gott sem verið frágengin. Ég (og margir fleiri) höfum beðið um rökstuðning fyrir þessum fullyrðingum þínum. Þær hafa ekki komið öðru vísi en að segja – það er staðreynd.
Þú fyrirgefur – en það er ekki mitt eða annarra að sýna fram á þeir hafi EKKI verið búnir að ganga frá endurfjármögnun. Það er þitt að rökstyðja mál þitt. Svo einfalt er það. Ef þú skilur það ekki – þá er illa fyrir þér og þinum röksemdarfærslum komið.
PS: Það getur vel verið að þú hafir heyrt þetta úr innsta búri, en ef svo hefur verið þá vildi ég ráðleggja þér að vera örlítið krítískur í hugsun. Getur verið að þeir sem eru ekki lengur við stjórnvölinn séu ekki alveg hlutlausir í málinu?
Alfreð flokksbróðir þinn setti OR í hrungírinn og hinir flokkarnir hjálpuðu til ásamt ónýtum stjórnendum og stjórnarformönnum.
Besti gerði ekkert annað en binda enda á lygina
Besti flokkurinn er náttúrulega eitt mesta grín sem Reykvíkingar hafa kosið yfir sig en að sjálfsögðu ekki það versta í ljósi þeirrar spillingar og sérhygli sem gamla fjórflokkaklíkan er sek um.
Við sjáum um allt samfélagið afleiðingar klækjastjórnmálanna sem gamla fjórflokkaklíkan ber ábyrgð á en samt geta menn mært gamla klíkubræður á þeim vettvangi. Þannig fer um mann ónotahrollur þegar yngri kynslóð stjórnmálamanna mærir guðföður spillingarinnar í pólitík, Alfeð Þorsteinsson. Það er skömm þess sem slíkt gerir.
hvaða þvæla er þetta eiginlega… það stendur ekki stafur við staf við neinu af því sem þú skrifar
Vá, greindarvísitalan hreinlega hrundi við að lesa þetta bull. Heimskulegasta framsetning á hugsunum sem ég hef lesið.
Jóndi.
Er ekki verið að vinna í ísbjarnarmálinu?
Daníel TH.
Ég er ekki að mæra Alfreð Þorsteinsson. Hins vegar er ég að leiðrétta hreinar og klárar lygar um manninn sem gengið hafa á netinu – lygar þar sem haldið er fram hlutum sem geta engan vegin staðist í tíma.
Einhverra hluta vegna er það talið sjálfsagt að hrauna yfir manninn með órökstutt bull – afþví bara.
Umræðan um OR er ágætt dæmi um það.
Vísa enn og agtur í ársreikninga OR.
Einhverra hluta vegna telur þú, Hallur, það sjálfsagt að hrauna yfir núverandi meirihluta með órökstuddu bulli.
Það væri gaman að fara að sjá einhverjar sannanir fyrir þessari „langt komnu fjármögnun“.
Hagnaður af rekstri Orkuveitu Reykjavíkur á síðasta ári nam 13.729 milljónum króna. Samkvæmt efnahagsreikningi námu eignir samstæðunnar 286.540 milljónum kr. í árslok. Eigið fé nam 52.847 milljónum kr. í árslok og er eiginfjárhlutfall samstæðunnar 18,4%.
Hvert er þá vandamálið?
Jú, klúður í endurfjármögnun skulda.
Hallur.
Það er ekki nóg að segja sig úr Framsóknarflokknum og halda svo áfram að bulla.
„…partíi sem lætur flottustu partí Alfreð Þorsteinssonar matreidd frá fyrirmyndar vinnuaðstöðueldhúsi OR með risarækjur í aðalrétt líta út eins og móttöku í súpueldhúsi Samhjálpar.“
Það er ekki möguleiki á að þú getir fært sönnur á þessa fullyrðingu.
Og þú skautar létt yfir tíma Alfreðs og Björns Inga í OR. Bara það sýnir af hvaða kaliber skrif þín eru.
Sæll Hallur
Það segir sig sjálft að endurfjámögnun skulda tókst ekki, hins vegar hefur þú ekki fært neinar sannanir fyrir því að þessi fjármögnun hafi verið langt á veg komin, né heldur að henni hafi verið stefnt í hættu með uppsögnum þessara tveggja starfsmanna.
Mér finnst lágmark að þegar þú berð svona alvarlegar ásakanir upp á núverandi meirihluta að þú hafir einhverjar sannanir fyrir máli þínu og svarir þannig öllum þeim hér á spjallinu sem vilja fá að vita hvað þú hefur fyrir þér í því að endurfjármögnun hafi verið komin langt á veg…
Ég tek undir með flestum hér, þvílíkt og annað eins rakalaust bull hef ég aldrei áður augum litið – í skrifuðu máli.
Þið Framsóknarfólk ættu að skammast ykkar og halda svona helv…. bulli innan ykkar flokksraða, eins og það hefur verið alla tíð! En samfélagið er svo sannanlega að súpa seyðið af því núna, og verður lengi enn! Þökk sé vitfirringunum úr röðum Framsóknarflokksins.
Hallur
Hagnaður síðasta árs var að meginhluti vegna gengisbreytinga – ekki vegna reksturs OR. Það er auvitað eitt af meginvandamálum OR að reksturinn er eins og lauf í vindi vegna hárra lána í erlendri mynt og megintekna í innlendri mynt.
Þarna erum við einmitt komin að stóra vandamálinu, menn hafa skuldsett fyrirtækið með skammtíma erlendum lánum og farið út í dýrar fjárfestingar með ótrygga endurfjármögnun. OR komst fyrir 2 árum í ruslflokk. Fyrirtæki fær ekki hagstæða endurfjármögnunar samninga meðan það er í ruslflokki – svo einfalt er það. Þetta skrifast reikning pólitískra stjórnarformanna og lélegra forstjóra síðustu ára.
Bendikt.
það er ekki rétt að ég geri lítið úr hlut Binga. Þvert á móti.
Ég segi:
„Þeir tóku ekki við góðri stöðu vegna efnahagsástandsins og aðgerðar ríkisstjórnarinnar gegn orkufrekum verkefnu – og því að Gulli og íhaldið, Dagur og Samfó ög Bingi höfðu misst sig – en það var langt komið með að endurfjármagna OR.“
Það fríar hins vegar ekki Bezta og Samfó – sem voru eins fílar í postulínsbúð þegar þeir tóku við Orkuveitunni í fyrra.
Eitt er að skera af fitulag í rekstri – annað að rústa fyrirtækinu – bæði innan frá og í stórkallalegum yfirlýsingum. Hefði ekki verið nær að halda áfram samvinnunni við lánardrottna – með því fólki sem hafði staðið í þeirri samvinnu af hálfu OR – á meðan endurfjármögnun stóð?
Éndurfjármögnun sem var langt komin.
Að rökræða við Hall er eitthvað í líkingu við að rökræða við vegg.
Ég legg því til að við hættum að reyna.
Hversvegna var endurfjármögnun ekki lokið í tíð „snillinganna“?
… meðal annars vegna IceSave og efnahagsástandsins – fyrst þú spyrð
Já góðann daginn hér…
Þetta er nú hressandi partý….
Ég er ekki svo sannfærður um að maður vilji hafa stjórnanda sem lánadrottnarnir elska….finnst það soldið einsog að konan manns eða maður eigi viðhald og maður fíli það bara…en það eru svosem til opin sambönd…einvherjir fíla það….
Er það gæðastimpil á stjórnananda að lánadrottnarinir fíli hann? Eða þýðir það ekki að viðkomandi er alltof auðveldur í samningum?
Kannski er það Framsóknarandinn…opinn og vinalegur
Fleira í þessum pistli þínum um töffaraskap og partý er varla svaravert einsog kannski sést á umræðunum sem spinnast…
Góðar stundir
Ég held að vitiborið fólk fatti að þessi pistill er ekkert annað en ræpa.
mikið ert þú nú skeleggur, rökfastur og klár. Þessi pistill var með eindæmum viturlegur, gáfumannlegur og með eindæmum beint að efninu og sannur. Að sjálfsögðu hefur skulda og rekstrar vandi OR ekkert með Framsókn, Sjálfstæðisflokk eða fyrri stjórnendur að gera. Vandinn er 100% heimatilbúin á síðustu 10 mánuðum, takk fyrir. Frábært að einhver skuli loksins þora að segja þetta. Öll vandamál borgarinnar má skrifa á trúðinn Jón Gnarr og Besta flokkinn hans. ÖLL
djókur daxins:
kvaran og kó stjórnuðu OR og voru ógeðslega mikið on-top-of-things og allt var gott. þau voru bara ferlega kompís við sína endurfjármögnunarfélaga og allt leit vel út. en svo, dag einn, var send inn rústabjörgunarlið sem rak kvaran og fór strax í reyna að laga rekstur sem þurfti ekki lögun (því kvaran var með þetta). þessi innrás var í raun engin rústabjörgun, heldu hrein rústun, þar sem þau, á þessum fáu mánuðum, bara lögðu allt í rúst! spilltu aðallega vinasambandi við endurfjármögnunaraðila sem vildu bara díla við þá aðila sem hands-on jörðuðu kompaníið
væri trikkið kannski að hringja í kvaran og fá hann til að taka aftur við?
Grúppíur eru skrifaðar með péi, ekki béi. Þetta heitir ekki groubies á frummálinu.
Með vönkuðum kveðjum,
Glárus
Spurning : Hversvegna var endurfjármögnun ekki lokið í tíð „snillinganna“?
Svar Halls M :… meðal annars vegna IceSave og efnahagsástandsins – fyrst þú spyrð
Það var og. Hallur kallinn, viltu þá ekki tala rækilega yfir formanni þíns flokks, fjármála „snillingnum“ Sigmundi Davíð (Oddssyni ?), sem iðulega hefur fullyrt að Icesave hafi engin áhrif á endurfjármögnun eða ný-fjármögnun fyrirtækja og sveitarfélaga.
Að kenna Besta flokknum um vandræði OR er ótrúleg fífldirfska.
Hallur skilur kannski alveg þá fjarlægð sem er á milli „langt komin með fjármögnun“ og „fjármögnun lokið“. Þeir vita það sem staðið hafa í því að reyna að fjármagna fyrirtæki að það getur tekið heilt ár að komast þessa leið.
Fyrirtæki í ruslflokki fær ekki lán. Svo einfalt er það. Þar skiptir engu máli hver er forstjóri eða fjármálastjóri.
Það er staðreynd að Alfreð og co framkvæmdu stefnubreytingu hjá OR. Frá því að þjónusta höfuðborgarsvæðið út í að fara í orkuframleiðslu fyrir orkufrekan iðnað. Allt í góðu með það, þeir bara vissu ekki hvað þeir voru að gera og kunnu ekkert fyrir sér.
Fjármögnun OR var líka langt frá því að vera í samræmi við tekjukörfuna (fjármálastjórinn og forstjórinn bera ábyrgð á því). Gjaldeyrisáhættan í efnahag OR var stjarnfræðileg. Í stað þess að bregðast strax við þegar krónan hrundi og hækka verðin til að aðlaga sjóðstreymið að lánakörfunni þá lögðu stjórnmálamennirnir ekki í það, kannski ekki við því að búast, þetta eru nú ekki miklir afreksmenn sem voru þarna á ferðinni Guðlaugur Þór og Bingi.
Alfreð Þorsteinsson er bara klassískur Framsóknarmaður. Við höfum kosið yfir okkur þessar týpur í mörg ár. Þetta er einhver þörf hjá þessum mönnum að spila sig stóra með annarra manna peninga. Svo þegar allt fer í rugl þá kannast þeir ekkert við eigin gjörðir og kunna ekki að skammast sín. Sem sagt OR lenti í hreinni og klárri framsóknarmennsku og við borgarbúar þurfum að borga fyrir það.