Vill Vinnumálastofnun ekki atvinnulausa Íslendinga til Noregs?  Er ekki betra að hafa vinnu í Noregi en að vera atvinnulaus á Íslandi?  Ég hefði haldið það. 

Ráðgjafafyrirtæki mitt hefur meðal annars milligöngu um að útvega íslenskum iðnaðarmönnum störf í Noregi. Ég ætlaði því að nýta ágætis þjónustu Vinnumálastofnunar sem heldur úti vefsíðu um störf í boði fyrir atvinnulausa.

En viti menn. Ég fékk ekki að nýta þessa þjónustu og bjóða 4 atvinnulausum íslenskum smiðum vinnu í 6 mánuði í Bergen – og möguleika á föstu starfi í kjölfarið!

Ástæðan. Ég var ekki að ráða smiðina beint til mín heldur til fyrirtækis í Noregi.

Kannske er þetta eðlilegt. En ég hélt að Vinnumálastofnun ætti að aðstoða atvinnulausa Íslendinga í atvinnuleit og skil þetta því ekki alveg.

Hvað finnst ykkur?

PS. Ég er líka með vinnu í Molde í mánuð fyrir málara sem getur farið þangað strax!