Mér sýnist gerðardómur hafa brotið 2.mgr.106.gr. almennrar hegningalaga nr. 19/1940 með úrskurði sínum um kjör lögreglumanna.
Málsgreinin hljóðar svo:
“Sá sem tálmar því á annan hátt að handhafi lögregluvalds eða tollgæsluvalds gegni skyldustörfum sínum skal sæta sektum eða fangelsi allt að 2 árum. Geri maður öðrum opinberum starfsmanni slíkar tálmanir þá varðar það sektum eða fangelsi allt að 1 ári.“
En án alls gálgahúmors þá er það deginum ljósara að launakjör þau sem gerðardómur ákvarðaði hefur tálmað því að lunginn úr þeirri hæfu lögreglu sem við enn búum við geti gegnt skyldustörfum sínum. Við fáum ekki til starfa það vandaða fólk sem nauðsynlegt er til að viðhalda hæfu lögregluliði auk þess sem hætt er við að hæfustu lögreglumennirnir verða að leita annarrar vinnu.
Hvar stöndum við Íslendingar þá?
Hallur Magnússon
Það væri nú ekki amalegt að fá Sérsveitina, gráa fyrir járnum, í fylkingarbrjóst þegar margboðuð bylting hefst í næsta mánuði.
Átti það ekki að vera við þingsetninguna?
Vuið Íslendingar stöndum blankir. Ekki til peningur. KOMPÚTER SES NÓ! Fólk verður að fara að hætta að væla og feisa það.
Afar lagsótt þetta hjá þér Hallur þú þyrftir að lesa ögn í lögfræði áður en þú dregur svona ályktanir. kv HH
@ Heiða
Ég hef lesið mjög mikið i lögfræði og starfað í lögfræðilegu umhverfi þar sem ég hef ítrekað þurft að takast á við lögfræðileg álitamál.
Reyndar ekki með BA próf í lögfræði eins og formaður laganefndar Framsóknarflokksins sem núverandi flokksforysta púkkaði uppá eftir að hafa bolað Gísla Tryggvasyni úr embættinu – en töluvert mikið þó.
En þú ættir að lesa pistilinn ögn betur – því ég segi :
„EN ÁN ALLS GÁLGAHÚMORS þá er það deginum ljósara að launakjör þau sem gerðardómur ákvarðaði hefur tálmað því að lunginn úr þeirri hæfu lögreglu sem við enn búum við geti gegnt skyldustörfum sínum“
Hallur ég er alls ekki á móti því sem þú ert að ræða í grunninn þ.e. að kjör lögreglumanna séu slöpp. Mér finnst bara fráleitt að nefna sem möguleika að gerðardómur brjóti lög með því að hækka ekki laun ákveðinna hópa.
Hitt er mér stór spurning hvernig “ formaður laganefndar Framsóknarflokksins“ kemur þessu máli við ? Er hann eða hún í gerðardómi ? Skil bara ekki samhengið, veit enda ekki haus né sporð á hver er formaður laganefndar Framsóknarflokksins sem þér virðist mikið í nöp við.
Hallur þú ert stöðugt að draga Framsóknarflokkinn inn í alla umræðu og hefur reyndar ítrekað haldið því fram að undirrituð sé samviska þess flokks eða a.m.k. þar í innsta kjarna. Svo er þó alls ekki og veit ég ekki hvernig sú hugdetta er til komin.
Að lokum og talandi um Framsókn þá segir þú að Gísla Tryggvasyni hafi verið “ bolað“ úr sæti sem „formaður laganefndar Framsóknarflokksins“. Hvernig er það á þínum gamla vistarstað er fólk ekki kosið til að gegna trúnaðarstörfum eða á það tilkall til nefndastarfa ólaunaðra sem og launaðara hafi það eitt sinn verið valið til slíkra starfa? Er ekki Gísli Tryggvason farinn úr Framsókn ? Var ástæða brottfarar hans að hann datt út úr þessari „laganefnd“ ? Skildi þó ekki vera ?