Dósentinn Vilhjálmur Bjarnason frambjóðandi Sjálfstæðisflokksins í Stór-Hafnarfjarðarkjördæminu rembist eins og rjúpa við staur að feta í fótspor hins ættstóra dýralæknis úr Hafnarfirði Árna Matthiesen sem fékk ótrúlegan frama innan Sjálfstæðisflokks Vilhjálms. Dýralæknirinn var ekki einungis þingmaður um langt árabil. Hann var sjávarútvegs- og landbúnaðarráðherra – enda kominn af farsælum útgerðarmönnum í Hafnarfirði – og hann varð fjármálaráðherra Íslands.
Það vita það flestir sem fylgst hafa með Vilhjálmi Bjarnasyni að hann langar afar mikið að feta í fótspor Matthiesen dýralæknis úr Hafnarfirði og verða fjármálaráðherra. En Vilhjálmur veit að hann verður ekki einu sinni sjávarútvegs- og landbúnaðarráðherra. Kannske ekki einu sinni þingmaður!
Það fer í taugarnar á dósentinum Vilhjálmi Bjarnasyni.
Kannske er það þess vegna sem Vilhjálmur reynir að gera lítið úr dýralæknum. „Fræðimaðurinn“ sem nær ekki lengra innan vísindasamfélagsins eftir áratuga stundakennslu en að verða einfaldur dósent í viðskiptafræði:)
Hallur Magnússon
Vilhjálmur er enginn dósent – mesta lagi lektor.
Vilhjálmur Bjarnason, lektor við Háskóla Íslands, var kjörinn viðskiptafræðingur ársins á Íslenska þekkingardeginum. Ráðstefna í tilefni dagsins var í Salnum í Kópavogi fyrir helgi en að henni stóð Félag viðskiptafræðinga og hagfræðinga.
http://www.hi.is/frettir/vilhjalmur_bjarnason_lektor_vid_hi_vidskiptafraedingur_arsins
Þetta heitir að fara í manninn, Hallur
Þorsteinn!
… fór dósentinn ekki ósmekklega í dýralækninn um helgina? Mér sýndist það í hægri endursýningu!
… fyrirgefðu – lektorinn!
Jú, jú en þú þarft ekki að fara niður á sama lága planið og hann er á.
Er það nokkuð? .-)
hann fór ekkert ósmekklega í Sigurð Inga í Silfrinu.
Hvað er að því að kalla hann dýralæknir?
Er hann ekki dýralæknir?
Þetta er fimm ára krefjandi nám sem ekki hver sem er getur klárað.
Ekkert að því að vera kallaður dýralæknir.
Með þessari færslu Hallur… þá ertu í rauninni að segja að þér finnst menntun og starfs hans Sigurðs ekkert merkilegt.
Og það er miður.
Lektorinn reyndi víst að gera lítið úr Sigurði Inga á grundvelli þess að hann er dýralæknir – sem ég er svo sannarlega sammála þér að er krefjandi nám.
… og örugglega að mörgu leyti erfiðara nám en það viðskiptanám sem lektorinn hefur gengið gegnum. Ég þekki viðskiptanámið …
Skoðaðu viðtalið í hægri endursýningu.
… og gerðu mér ekki upp skoðanir!
Kveðja
Hallur Magnússon
BA sagnfræði og þjóðfræði
Rekstrarfræðingur
Meistaranám í stjórnun og stefnumótun
Hallur ei allur í einu
með þjóðsagnfræðimálin á hreinu
Ef stýrir hann á má víst á honum sjá
Því stefnan er alltaf á beinu
🙂
Það er ótrúlegur hroki af lækni að tala eins og maður sem allt veit um efnahagsmál. Aldrei myndi ég voga mér að tjá mig um lækningar dýra.
Þó að Vilhjálmur sé einn slakasti kennari sem ég hef setið í tímum hjá þá hefur hann töluvert meira fram að færa um raunverulegar orsakir þess að íslenskur lánamarkaður muni eiga erfitt uppdráttar án verðtryggingarinnar en flestir læknar sem ég þekki. Verðtryggingin er ekki vandamálið. Vandamálið er vond og agalaus stjórnun efnahagsmála og tilhneyging íslenskra stjórnmálamanna til að reyna að handstýra hlutunum.
Rétt hjá þér að: „Verðtryggingin er ekki vandamálið. Vandamálið er vond og agalaus stjórnun efnahagsmála og tilhneyging íslenskra stjórnmálamanna til að reyna að handstýra hlutunum“
Dýralækirinn kallaði Vilhjálm „varðhund“. Það var ástæða þess að Vilhjálmur tengdi umræðuna svona. Hlustaðu Hallur á þáttinn í þessu samhengi. Þá verður þetta mun ljósara allt saman.
Nú er ég enginn D-maður og því síður Vilhjálmsmaður EN… Þetta er ótrúlega lágkúrulegur pistill! Þú ert kominn niður á plan sem sjaldan sést frá pennum hér á eyjunni… ekki einu sinni frá Sigurði G…
Talandi um plan. Á hvaða plani er frambjóðandi sem blákalt lýgur að þjóð sinni?
http://blog.pressan.is/hallurm/2013/03/25/vilhjalmur-b-vidutan/