Laugardagur 24.10.2015 - 10:21 - FB ummæli ()

VG og stærðfræðin

Hinn geðþekki ekki-þingmaður VG, Björn Valur gerði nýverið grín að all sérstæðum prósentuútreikningi Eyglóar Harðar sem taldi að ef 10 aðilar sem komað að byggingu einnar og sömu byggingar, lækkuðu byggingakostnað um 1% myndi byggingakostnaður lækka um 10%.

Stærðfræði virðist hinsvegar vera afar fjarlæg fræðigrein á landsfundi VG þar sem formaður flokksins áréttar að ,,við eigum ekki að græða á nýtingu norðursins“ og sér í lagi ekki með nýtingu jarðefnaeldsneytis, já og alls ekki með því að leita olíu sem hennar eigin ríkisstjórn gaf út leitarleyfi á, það var bara smá grín á sínum tíma.

Eins og áður hefur verið bent á hér þá notar Ísland olíu mest allra þjóða miðað við höfðatölu, á eftir Singapore.  Án jarðefnaeldsneytis væru hér eingöngu ferðamenn sem syntu til landsins, útgerð væri stunduð á róðrarbátum, landbúnaður og samgöngur væru á hestum, allir vegir ómalbikaðir og engin væri steypan.

Það liggur því í hlutarins eðli að VG er flokkur sem vill að Ísland steypi sér í sjálfsþurftarbúskap og hætti notkun á öllum vélknúnum farartækjum, hvort heldur er innanlands eða milli landa. Framfarir eru nefnilega þeim ókosti gæddar að á þeim getur einhver grætt og verst er auðvitað ef allir græða. Hugmyndafræði vinstri manna hvílir nefnilega á jöfnunni um að eins manns gróði hljóti alltaf að vera annars manns tap. Því er úr vöndu að ráða þegar hagvaxtaraldan lyftir öllum bátum eins og nú er og fórnarlömb hagvaxtar finnast hvergi nema þá í náttúrunni sem þó hefur aldrei vegnað betur hér á landi.

Flokksmenn VG hljóta að geta gengið á undan með gott fordæmi og hætt notkun jarðefnaeldsneytis eða hvað?

Katrin_Jakobsdottir__samarabetsminister_Island__Mote_med_de_nordiska_samarbetsministrarna_under_Nordiska_Radets_session_2011_i_Kopenhamn_jpg

 

Flokkar: Óflokkað

«
»

Facebook ummæli

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli.
Tilkynna má óviðeigandi ummæli í netfangið ritstjorn@eyjan.is

Höfundur

Arnar Sigurðsson
Talsmaður einstaklingsfrelsis
RSS straumur: RSS straumur