Jón Gnarr borgarstjóri er æðsti embættismaður Reykjavíkurborgar. Hann ber því ábyrgðina á smánarlegri aðför stöðumælavarða borgarinnar á varnarlausar barnafjölskyldur sem neyddust til að leggja á óhefðbundna staði í Laugardalnum vegna bílastæðaskorts vegna mikillar aðsóknar á fjölmennt knattspyrnumót Þróttar annars vegar og afmælishátíð Stöðvar 2 í Fjölskyldugarðinum.
5000 aukaskattur á þegar skattpíndar barnafjölskyldur. Það er engin leið að réttlæta þessa fáránlegu aðför – sem því miður er ekkert einsdæmi við íþróttasvæði borgarinnar þar sem er mikill bílastæðaskortur. Annað dæmi er Víkin þar sem Reykjavíkurborg hefur trassað að tryggja eðlilegan fjölda bílastæða – og lögreglunni reglulega sigað á saklaust barnafólk sem fylgist með börnum sínum á kappleikjum og neyðist til að leggja á grasflötum vegna bílastæðaskorts.
Jón Gnarr á að sjá sóma sinn í því að barnafjölskyldurnar í Laugardalnum verði ekki rukkaða fyrir sektarmiðunum sem þær fengu. Ef hann beitir sér ekki fyrir því að hætta við innheimtu sektanna – þá er hann að taka þátt í svíðingslegri aðför að barnafjölskyldum.
Birti frétt Morgunblaðsins um þessa svíðingslegu aðför lögreglu og starfsmannaborgarinnar:
„Fjöldi ökumanna kom að sektarmiðum á rúðum bíla sinna eftir heimsókn á fjölskylduhátíðir í Laugardalnum í dag. Lögreglan var búinn að sekta tugi ökumanna þegar stöðuverðir borgarinnar tóku við.
Margir lögðu leið sína í Laugardalinn í dag. Þar voru tvær fjölskylduhátíðir, önnur í Fjölskyldu- og húsdýragarðinum og hin á íþróttasvæðinu, og fleira um að vera.
Fyrir helgina benti lögreglan á höfuðborgarsvæðinu gestum Laugardalsins á að nýta þau fjölmörgu bílastæði sem eru á svæðinu og beindi þeim tilmælum til ökumanna að leggja ekki ólöglega, hvorki á grassvæðum né annars staðar. Þeir sem það gerðu gætu átt von á sektum.
Við eftirlit lögreglunnar í dag kom í ljós að bílum var lagt á grassvæði og gangstéttar. Ástandið var slæmt á Engjavegi og við Reykjaveg. Lögreglumenn voru búnir að skrifa tugi sektarmiða þegar starfsmenn borgarinnar, svokallaðir stöðuverðir, komu á staðinn og tóku við. Ekki liggja fyrir upplýsingar um það hversu margir voru sektaðir í heildina.
Gestur á fjölskylduhátíð Stöðvar 2 í Fjölskyldu- og húsdýragarðinum lýsti óánægju með að þegar hann kom með börnin í bílinn, eftir velheppnaða hátíð, hafi verið 5000 króna sektarmiði á bílrúðunni. Honum þótti óþarfi af borginni að kalla út stöðuverði á laugardegi, einmitt þegar vitað væri að von væri á fjölda fólks og ekki við því að búast að næg stæði væru fyrir alla.
Lögreglan segir aftur á móti að fólk geti ekki vísað til neyðarréttar þegar merkt bílastæði á svæðinu séu ekki nýtt að fullu, eins og raunin hafi verið í Laugardalnum í dag.“
Hallur Magnússon
Já eða bara að fara beint til Páfans – það var guði að kenna að sektir fyrir lélegar lagningar voru skapaðar
Allavega lágmark að tala við forseta íslands útaf þessu máli
Þetta fólk hafði val um að leggja aðeins lengra frá í lögleg bílastæði, labba aðeins lengra eða taka strætó á staðinn.
Í stað þess valdi það að brjóta lög og taka áhættuna á því að vera nappað sem það var gert.
Það getur því sjálfu sér um kennt og því ætti eftirfarandi setning við:
If you can’t pay the fine, don’t do the crime!
Eiga sem sé önnur lög að gilda fyrir fólk sem á börn? Verð að játa að ég skil ekki þessa röksemdafærslu.
Þetta er fáránlegur pistill. Hér er vísað til þess að fjölskyldufólk þjáist fyrir að leggja ólöglega upp á gangstétt og á túni. Örfáa daga á ári er lítið pláss fyrir þúsund(ir) einkabíla í laugardalnum. Þá um þrennt að velja: a) leggja lengra frá. b) taka strætó, labba eða hjóla. c) sleppa því að fara í laugardalinn.
Ég á mjög erfitt með að vorkenna fólki sem velur sér að fara á fjöldasamkomur (sem þetta vissulega eru) og á sama tíma krefst þess að leggja þar sem því sýnist. Slíkt viðgengst ekki í nágrannalöndum okkar. Þar geri fólk aðrar ráðstafanir án þess að heimta að fá að leggja sínum einkabíl þar sem því sýnist og væla svo yfir sektinni.
Ef fólk velur að leggja upp á gangstétt á velur það hættuna á því að fá sekt alveg óháð því hvort stöðumælavörður er á vakt. Þetta er lýsandi dæmi um það sem er að íslendingum: ég ég ég núna núna núna!
Frelsi með félagslegri ábyrgð! Það er fyrirsögn bloggs þíns. Frelsi til að leggja ólöglega. Félagsleg ábyrgð að taka afleiðingum brotsins.
Þetta með Jón Gnarr er náttúrlega smá agn til að fá lestur. Auðvitað stendur hann ekki fyrir þessu – en hann ætti sem borgarstjóri að setja af stað vinnu til þess að leysa þetta vandamál.
Agnar. Við erum ekki að tala um einhverja 100 eða 200 metra sem fólk þarf að ganga til að komast að áfangastað úr löglegum bílastæðum. Ég er að tala um miklu lengri fjarlægðir og yfir Suðurlandsbraut að fara. Það er meira en að segja það með td. 3 börn á alrfini 1 – 4 ára – svona sem dæmi.
Strætó?
Býrð þú í Reykjavík eða?
Hörður – nei – en aðstæður eru þannig að það er ekki hægt að leggja löglega – án þess að setja börnin í hættu. Það er málið.
Sigurður. Nei þetta er ekki fáránlegur pistill. Erlendis hefðu bæjaryfirvöld í þessum aðstæðum breytt þeim svæðum sem henta undir bílastæði í tímabundin bílastæði. Það er einfalt að gera það með merkingum – og ítreka bann við að leggja á þeims tæðum þar sem hætta getur skapast af því að leggja bílum. Það er lausnin – ekki að senda lið með sektarblokkir á fólk.
Sveinn. Þvert á móti.
Félagsleg ábyrgð sveitarfélagsins er að leysa þetta vandamál á þann hátt sem ég bendi á í athugasemd 7.
Það er varla orðum á þennan pistil eyðandi, en þú bítur þó höfuðið þannig af skömminni í kommenti hér að ofan og afhjúpar þig sem froðusnakk þegar þú afskrifar strætó. Þetta eru atburðir sem standa yfir um miðjan dag og það hefði verið leikur einn að taka strætó hvaðan sem er úr bænum. En ef þú ert sannarlega þeirrar skoðunar að fólk geti ekki gengið t.d. frá bílastæðum við Langholtsskóla, Laugarnesskóla eða Laugarlækjarskóla, eða jafnvel FÁ, og að 5 til 15 hundruð metra göngutúr sé venjulegu barnafólki ofviða þá ertu í raun búinn að stimpla þig út úr allri vitrænni umræði um samgöngumál.
Já, Hallur. Ég bý í Reykjavík og hef notað strætó allt mitt líf.
Og fólk getur labbað yfir Suðurlandsbraut með börn, hef séð það margoft. Það er nefnilega til nokkuð sem heitir gangbraut og hún hefur svona sérstök ljós þar sem skipst er á milli græns kalls sem gengur og rauð kalls sem stendur kyrr.
Hverjum gefur þú ráð Hallur?
Fer einhver að þínum ráðum?
Má ég benda þér Hallur á frábæra þjónustu: 113 vælubíllinn.
Almáttugur! Labba yfir Suðurlandsbraut, allt að 500 metra! Þetta er pólitísk hneyksli, auðvitað á Jón Gnarr að ganga í málið og leyfa fólki að leggja upp á gangstétt í veg fyrir þá sem treysta sér til þess að ganga eða hjóla.
Ég krefst afsagnar meirihlutans í fyrramálið.
Nú var ég að koma úr 2. kílómetra göngutúr Með 17 mánaða gamlan son minn, við fórum meira að segja nokkrum sinnum yfir götur!
Ég er að hugsa um að blogga um þetta.
Það er nú bara allt í lagi að nota almenningssamgöngur þegar farið er á fjölmenna viðburði, það gerir fólk í öðrum löndum. Og svo er það náttúrulega bara drepfyndið að finnast langt að labba úr bílastæðahúsinu í Glæsibæ í Húsdýragarðinn. Það sem borgaryfirvöld þyrftu að laga en er því miður ekki á þeirra könnu eru viðhorf fólks, þau eru klárlega ekki í lagi.
Og til að svara athugasemd 7, þá er það svo fjarri því að vera reyndin „hér erlendis“ þar sem ég bý í næst stærstu borg Svíþjóðar. Þvert á móti setur borgin takmörkun á umferð einkabílsins þegar um stórviðburði er að ræða, agiterar fyrir almenningssamgöngum og sektar miskunarlaust, og þar þættu 500 sek sennilega vel sloppið í sekt.
Ef þetta er vandamálið þá búum við í fyrirmyndarsamfélagi.
Hvað með allt fólkið sem er að skemmta sér um helgar í miðbænum og neyðist til að taka rándýran leigubíl heim því að Löggan og kannski Jón Gnarr líka, kemur í veg fyrir að það geti keyrt drukkið heim.
Hvers á það að gjalda?
Þvílíkt endalaust væl, þessi pistill. Og öfugsnúningur á öllum hlutum.
Tek undir með Allý (16) – þar sem ég hef búið „erlendis“ (Englandi) var einmitt hvatt til þess að nota almenningssamgöngur þegar mikil mannamót voru í gangi; nú eða lagt að fólki að ganga eða hjóla. Og svo líka – bent á bílastæði sem eru í nálægð – kannski nokkur hundurð metrar eða kílómetrer. Heilsusamlegt labb.
Síðan á að herða á innheimtu svona sekta – ef eitthvað er.
Bendi ykkur á að skoða leiðakerfi strætó – og á helgaráætlanir.
Lausnin er einfökld – en ekki vliji fyrir henni.
Reyndar voru stæðin við Suðaurlandsbarut meira og minna full líka – ef út íþað er farið.
Þetta er vandamál sem þarf að leysa – og er einfalt að leysa – ef viljinn er fyrir hendi. Hann er bara ekki fyrir hendi.
Hallur
Íslendingar hafa verið bílastæðasóðar í mörg ár. Leggja hvar sem þeir geta og sérstaklega á mannamótum. Laugardalurinn er viðkvæmt útivistarsvæði og ætla að leggja það undir bílastæði er fráleitt. Það er gesyilega mikið af bílastæðum í Laugardalnum og það er ósköp einfaldlega röng staðhæfing hjá þér að það þurfi að leggja útivistarsvæði undir bílastæði. Það þarf ósköp einfaldlega að koma fyrr, leita að bílastæði lengra frá og labba. Nú eða taka strætó.
Það er ólöglegt að leggja ólöglega – einfaldara getur það ekki verið. Að nota börn sem afsökun fyrir lögbroti er fyrir neðan virðingu þína – ekki rétt?
Magnús.
Varstu í dalnum í gær?
Kjarni málsins er að við aðstæður sem þessar er það skylda borgaryfirvalda að leysa málin. Það er á einfaldan hátt unnt að auka fjölda skipulegra bílastæða í Laugardalnum verulega tímabundið við aðstæður sem þessar. Án þess að skaða „viðkvæmt útisvistarsvæði“.
En þess í stað eru flokkar borgarstarfsmanna kallaðir út til að drýgja tekjur borgarinnar – á kostnað barnafjölskyldnanna sem komu að stóru íþróttamóti eða fjölmennri skemmtun í húsdýragarðinum.
Ísbjarnalausri skemmtun þó!
Sama vandamálið kemur upp í Víkinni. Á einfaldan hátt er unnt að fjölga þar bílastæðum verulega tímabundið í tengslum við stóra íþróttaviðburði.
Það er heldur ekki gert. Þess í stað fyllist Víkin af löggum með sektarhefin á lofti.
Um það snýst málið. Afstaða borgaryfirvalda og lögreglu í Laugardalnum – og ef út í það er farið í Víkinni – er ekki til þess að auka virðingu fyrir lögum og reglum. Þvert á móti. Lög og reglur þurfa að byggja á skynsemi – en geraþað ekki í þessum tilfellum – heldur virðist um að ræða fjáröflunarleið.
Hvað, er bara sjálfsagt að hafa það fyrir börnunum að það sé í lagi að dissa umferðarreglurnar og gera það sem er bannað ef manni finnst bannið ósanngjarnt? Þau læra það sem fyrir þeim er haft. Er það furða að Íslendingar séu eins og þeir eru? Agalausir, sérhlífnir og ábyrgðarlausir.
Málið snýst um að leggja ólöglega og nota börnin sín sem afsökun. Það var nóg af stæðum ofan Suðurlandsbrautar. Einfalt mál. Eina leiðin til að fá Íslendinga ofan af sóðaskap sínum með að leggja ólöglega er að nota sektir – engin svívirða, bara að fylgja lögum.
Horfðu aðeins í eigin barm – getur verið að afstaða þín í þessu máli byggist á þeirri staðreynd að þú hafir fengið sekt. Það er alltaf dálítið þreytandi þegar menn nota bloggin sín til að réttlæta eigin vitleysur!!
Ég styð það að starfsmenn borgar og lögregla framfylgi lögum. Ég styð ekki agalausa Íslendinga sem halda að það sé bara allt í lagi að leggja ólöglega. Það algerlega óþolandi að sjá bíla á gangstéttum, blokkerandi gangandi og hjólandi vegfarendur. Og það er enn meira óþolandi að lesa lögbrjóta nota orð eins „svíðingslegri aðför að barnafjölskyldum“ um þá sem framfylgja lögum.
Guðný og Magnús. Málið snýst um meðalhóf – og skyldur samfe´lagsins til að lög og reglur taki mið af eðlilegum forsendum – ekki einhverju allt öðru. Auðvitað á að skipuleggja tímabundins tæði þar sem því er við komið – og því er mjög víða viðkomið í Laugardal og Fossvogi.
„You went full retard, man. Never go full retard.“
Hallur hvernig dettur þér í hug að blanda borgarstjóra inn í þetta? Væntanlega til að fá fólk til að lesa þetta væl sem þú skrifar! Skoðum tvær staðreyndir (frá Lögreglunni í Reykjavík):
1. Lögreglan gaf þau skilaboð út áður en þessar fjölskylduhátíðir voru haldnar að ólöglega lagðir bílar yrðu sektaðir!
2. Lögreglan segir að löglegu stæðin hefðu ekki verið fullnýtt á meðandagskráin stóð yfir og því ekki hægt að bera fyrir sig plássleysi til að réttlæta ólöglega lagningu bíla!
Getur verið Hallur að þú ert einn af þeim fjölmörgu íslendingum sem nennir ekki að leggja aðeins lengra frá í löglegu stæði því það er of mikið fyrir þig og þína fjölskyldu að ganga í 5-10 mínútur til og frá einkabílnum. Ertu svo óþolinmóður að þú nennir ekki að leita af löglegu stæði og vippar þig bara beint upp á vegakantinn á grasblett.
Láttu nú þessa 5000 króna sekt þér að kenningu verða og lærðu að virða þær reglur sem „Allir“ búa við. Barnafólk er ekki með neinar sér undanþágur gagnvart þeim lögum og reglum sem við búum við í umferðinni.
Hallur: Enn hefurðu ekki rökstutt það hvers vegna strætó er ekki valkostur fyrir barnafólk. Og þú gerir ráð fyrir að fólk hafi ekki kynnt sér leiðakerfið. Þetta er ekki sérlega flókið.
Mýtan um „handónýtt leiðakerfi strætó“ er einmitt bara það….mýta. Og henni er viðhaldið af fólki sem vill ekki og nennir ekki.
Hallur, af hverju á borgin að greiða fyrir tímabundin bílastæði fyrir afmælishátið einkafyrirtækis, Stöðvar 2?
Sérstaklega þegar enginn af ykkur sem væla yfir því að hafa fengið sekt getið sýnt fram á að það hafi verið ómögulegt að komast á þessa hátíð vegna bílastæðaleysis eða almenningssamgönguleysis?
Haukur V: Leiðakerfið er lélegt, en það breytir því ekki að þetta er óttalegt væl hjá greinarhöfundi. Kerfið er ekki svo lélegt að það sé ekki hægt að nota það einn og einn dag, sérstaklega þegar menn vita að það verður ekki nóg af stæðum!
Hallur, ég verða að segja að mér líður kjánalega eftir þessa lesningu. Ég var á svæðinu og vissi af fólksfjöldanum og lagði því beint fyrir framan World Class í Laugum. Stæðin þar í kring voru ekki fullnýtt.
Leitið og þér munuð finna.
Fólk sem vælir yfir bílastæðamálum pælir sjaldan í því hvað bílastæði kosta fyrir samfélagið. Landið sem fer undir það kostar gríðarlega mikinn pening og jafnframt einmitt bara það sem það er: land. Bílastæði eru meginástæða þess að Reykjavík er gisin, útblásin og oft á tíðum ljót borg. Ég vorkenni þessum barnafjölskyldum ekki neitt. Það er ólöglegt að leggja utan stæða. Ef þú finnur ekki stæði leggurðu annars staðar og gengur. Ef þú ert að fara eitthvert og býst ekki við að fá stæði gengurðu eða tekur strætó. Þetta er ekki flókið.
„Ég er að tala um miklu lengri fjarlægðir og yfir Suðurlandsbraut að fara. Það er meira en að segja það með td. 3 börn á alrfini 1 – 4 ára – svona sem dæmi.“
Ef fólk treystir sér ekki til að koma börnunum sínum heilum á húfi yfir eina götu á ljósum, hvernig ætlar það þá að tryggja öryggi þeirra á útihátíð í margmenni, í garði þar sem eru vötn og aðrar slysagildrur?
Þetta lyktar af því að latt og frekt fólk sé að nota börnin sem afsökun til þess að geta vælt yfir réttmætum stöðumælasektum.
Það má ekki gleyma því að það er bannað að leggja á mörgum stöðum af mjög góðum ástæðum, t.d. til þess að gangandi vegfarendur komist leiðar sinnar, til þess að vernda grasflatir sem yrðu drullusvað ef bílaumferð væri leyfð um þær og til þess að tryggja aðkomu sjúkraflutninga- og slökkviliðsmanna.
Já, suckar líka þegar maður fær ekki leigubíl downtown rvk og þarf að keyra fullur heim. Svo kemur Five-O og sektar mann bara! Ég er saklaus fjölskyldumaður!
Síðan hvenær varð það að mannréttindum að geta lagt hvar sem er og jafnvel ólöglega, til að sækja viðburð sem skipulagður er af einkafyrirtæki?
Ef ætti að kvarta í einhverjum þá væri það Stöð 2 sem bauð til þessa viðburðar vitandi að á hann kæmi fólk með börn (dohh) og þeir hefðu getað boðið upp á sætaferðir frá ákveðnum bílastæðum í nágrenninu eða brugðist við á annan hátt.
Við erum löt og tilætlunarsemin ætlar okkur alveg að drepa, það er það sem hjáir greinarhöfund eftir því sem ég fæ ráðið af þessum pistli.
Titill þessa pistils segir allt sem segja þarf um höfundinn.
Má búast við fleiri svona rusl-væl pistlum þegar þú ferð á landsleik í laugardalnum? tónleika í laugardalshöllinni?
Hugsa sér, fullorðinn maður að væla yfir að geta ekki lagt við inngangin á stóra viðburði.
Vá hvað ég held (vona) að Hallur sjái eftir að hafa skrifað þessa vitleysu
Allt mjög góðir punktar hjá þér Hallur, en það þarf ekki að vera mjög skapandi til að sjá hvar lausnin á þessu hvimleiða vandamáli liggur. Það sjá það allir sem hafa nokkurn tímann séð mynd af Laugardalnum:
http://i.imgur.com/msYXo.png
Þessi dalur er grasserandi í tækifærum, lausnum! Ég legg til dæmis til eftirfarandi skipulag:
http://i.imgur.com/zybek.png
Kannski er það of róttækt fyrir marga af þessum bíllausu hippum sem hafa svarað þér hér að ofan – en ég veit að þetta er lausn að þínu skapi!
Á þetta að vera fyndið?
Pælingin með því að hafa lög og reglur er einmitt að þetta gildir hvort sem það hentar þér sérlaga vel eða ekki. Ef allir væru á þínu plani væri voðinn vís.
Þessi fjölskylduhátíð gekk útá að fólk hrúgaðist þarna til að fá frítt inn og frítt gos og pylsu… geturðu ekki bara verið glaður með hvað þú sparaðir rosalega á þessu?
Ef fólk væri sektað fyrir að leggja ólöglega þegar það færi með barn á slysadeil eða annað álíka væri ástæða til að skrifa pistil, en þetta er bara vandræðalegt.
Legg til að þú veltir því fyrir þér að taka ábyrgð á sjálfum þér og hætta þessu væli.
Ég spyr eins og aðrir, á þetta að vera djók?
Hallur, ert þú virkilega að leggja það til að þegar einkafyrirtæki heldur fjölskylduhátið þá eigi að fara eftir öðrum lögum og reglum en gert er dags daglega?
Þetta er undarleg tilraun til að slá sig til riddara, þú ferð á ansi grátt svæði með því að saka Jón Gnarr um aðför að barnafjölskyldum ásamt því að viðurkenna það sem lélega tilraun til að draga að lesendur.
Þetta er langt frá því að vera í fyrsta sinn sem fólk er sektað í Laugardalnum fyrir að leggja ólöglega og vonandi ekki það síðasta.
Þessi skrif og þessi hugsunarháttur sem kemur fram í þessum auma pistli er akkurat það sem fólk er almennt orðið þreytt á og vill losna við. Gamaldags pólitískt drullumall í anda Framsóknarflokksins í dag.
Það eina sem getur lagað þennan pistil er að næsti pistill verði einfaldlega „nei djók!“.
Mér sýnist allt vera komið fram hér í kommentum sem hægt er að segja um þetta mál 🙂
Ég var þarna, með þrjú börn (2-7 ára) og það var nóg NÓG! af stæðum fyrir þá sem nenntu að ganga smá spöl (og nei, ekki yfir neinar stórar umferðargötur). Ég kom þarna að og sá einmitt bíla um allar gangstéttir og tún og hugsaði með mér að það væri bjartsýni að finna stæði þarna, en jæja, aðeins lengra frá, við Reykjaveginn, var bara FULLT af stæðum lausum.
Við lærðum flest að ganga um eins árs aldurinn, synd að sumir kjósi að gleyma hvernig það er gert og í mesta lagi er þetta aðför að þeim sem nenna ekki að leita sér að stæði, sem er bara hið besta mál.
Það er ekkert mál að taka strætó einu sinni til að koma sér á svona viðburði, eða bara labba aðeins lengra. Ég bjó á Spáni og þar var sko ekki e-ð verið að liðka til fyrir einkabílum þegar e-ð var um að gera. Þá labbaði maður bara eða tók lestina eða strætó. Ég þurfti einu sinni að labba með manninum mínum og ömmu hans og afa, fleiri kílómetra til að komast heim af fjölmennum viðburði því lestarnar voru yfirfullar, engir leigubílar lausir og strætó fullur líka. En við bara gerðum það sem við þurftum að gera án þess að væla.
Fyrir utan borgina sem ég bjó í er skemmtigarður og þar er bílaplanið langt í burtu frá garðinum… Mun lengra í burtu en fólk hefði þurft að labba til að leggja löglega í stæði við Laugardalinn. Ég á sjálf barn og hika ekki við að labba með það eða taka strætó það sem ég þarf.. Lítil börn geta verið í vagni eða kerru…ekkert mál.
Would somebody please think of the children!
Ég er einstæð móðir með 3 ára stelpu og við einfaldlega lögðum hinumegin við Suðurlandsbraut þarsem nóg var af stæðum og með því einfaldlega að leiða barnið þá trúi ég ekki því að barnið hafi nokkurntímann verið í hættu. Og örlítil hreyfing drepur helldur engann
Ég var sjálfur í Laugardalnum á þessum tíma skrapp á skauta ásamt dætrum mínum…Hefði ég vitað af þessu margmenni hef’i ég tekið strætó.. Í stað þess lagði ég skammt frá hef þurft að ganga 5-600 metra (það var nóg af lausum stæðum þar opnum fyrir almenning…. Gladdist reyndar að sjá að fólk var ekki að leggja í 2 fatlaðra stæði yfirleitt eru þau tekin fyrst af öllu… En það var fáránlegt að sjá þessi lögbrot meðan næg stæði voru til…..
Það væri nær að skrifa blogg um frekjuna í borgarbúum sem leyfa sér að brjóta löginn og hamla með því ferðafrelsi fatlaðra svo dæmi séu tekin..
Hallur þú talar um í kommenti 22 að stöðumælasektir séu fjáröflunarleiðir…
HALLUR FANN UPP HJÓLIÐ!
Það er nefnilega þannig að peningurinn sem fæst með þessum sektum fer í ríkissjóð. Og borgar þar td fyrir lögregluna, sem sá meðal annars um að sekta fólk. Það fer ekki illa í sálina mína að lögbrjótar (þótt það sé barnafólk) splæsi 5000kjall hver í lögguna ofl…
(svo maður tali nú ekki um gríðarleg fjárframlög í vælubílinn…)
Ég hugsa , þér til varnar þá ættiru að segjast vera með smá kaldhæðni í þessu bloggi .. aðför að fjölskyldum ? Í alvöru ?
Jæja, Hallur virðist hættur að moka skurðinn sinn. Það er gott. Vonandi lærir hann af þessu.
Voðaleg vitleysa er þetta. Ræðurðu ekki við að ganga 500 metra frá bílnum þínum? Nú, eða hefurðu heyrt talað um reiðhjól eða strætó?
Ég bý við hliðina á KR-vellinum og það var fullkomlega óþolandi hvernig fólki eins og þér þótti eðlilegt að leggja upp á allar gangstéttir og tún hér þegar KR-leikir voru í gangi, jafnvel þótt laus bílastæði væru í 200-300 metra fjarlægð.
Þetta snarbreyttist eftir að Besti Flokkurinn komst til valda. Núna er fólk sem leggur upp á miðjar gangstéttir og eyðileggur grasbletti með hjólförum SEKTAÐ eins og vera ber, og í kjölfarið hafa ökumenn farið að hegða sér eins og siðmenntað fólk. Ég þarf ekki lengur að krækja framhjá bílum og fara út á götuna með barnavagninn þegar ég fer í göngutúra.
Takk fyrir það, Besti Flokkur
Jæja elskurnar.
Merkilegt að lesa … heilaga vandlæting ýmissa í athuganakerfinu!
Það hafa ýmsir látið gammin geysa. Einu atriði þarf ég hins vegar að koma á hreint.
Ég fékk ekki 5000 kr. sekt – enda þurfti ég að mæta með hana Grétu 6 ára mína kl. 7:45. Þá var stæði við hlið fótboltavallarins. Þurfti síðan að skreppa frá milli leikja og lagði eftir það sunnan við Suðurlandsbraut – tæpum kílómeter frá vellinum þar sem Gréta var að spila.
5000 kalllin snerti mig ekki persónulega – heldur kom hann illa við fjölmargar barnafjölskyldur í dalnum sem lögðu á staði sem eðlilegt hefði verið að heimila tímabundin stæði vegna þess að það var alveg ljóst að dalurinn yrði fullur af fólki vegna þessa stóra fótboltamóts sem fram fór á sama og fjölmenn hátíð í Fjölskyldugarðinum.
Og að lokum. Auðvitað er kjarni málsins er að við aðstæður sem þessar er það skylda borgaryfirvalda að leysa málin. Það er á einfaldan hátt unnt að auka fjölda skipulegra bílastæða í Laugardalnum verulega tímabundið við aðstæður sem þessar. Án þess að skaða “viðkvæmt útisvistarsvæði”.
En þess í stað eru flokkar borgarstarfsmanna kallaðir út til að drýgja tekjur borgarinnar – á kostnað barnafjölskyldnanna sem komu að stóru íþróttamóti eða fjölmennri skemmtun í húsdýragarðinum.
Ísbjarnalausri skemmtun þó!
Sama vandamálið kemur upp í Víkinni. Á einfaldan hátt er unnt að fjölga þar bílastæðum verulega tímabundið í tengslum við stóra íþróttaviðburði.
Það er heldur ekki gert. Þess í stað fyllist Víkin af löggum með sektarhefin á lofti.
Um það snýst málið. Afstaða borgaryfirvalda og lögreglu í Laugardalnum – og ef út í það er farið í Víkinni – er ekki til þess að auka virðingu fyrir lögum og reglum. Þvert á móti. Lög og reglur þurfa að byggja á skynsemi – en geraþað ekki í þessum tilfellum – heldur virðist um að ræða fjáröflunarleið.
Þetta er svo ofboðslega vandræðilega yfirborðslegt og hlægilegt.
Ég trúi ekki öðru en að þú sért bara að fíflast.
Þangað til ég veit betur þá leyfi ég þér að njóta vafans.
Hallur #49:
„Og að lokum. Auðvitað er kjarni málsins er að við aðstæður sem þessar er það skylda borgaryfirvalda að leysa málin. Það er á einfaldan hátt unnt að auka fjölda skipulegra bílastæða í Laugardalnum verulega tímabundið við aðstæður sem þessar. Án þess að skaða “viðkvæmt útisvistarsvæði”.“
Af hverju er það skylda borgaryfirvalda að búa til bílastæði fyrir atburði á vegum fjölmiðlafyrirtækis og íþróttafélags? Hallur – það virðist nokkuð ljóst að það eru ansi margir pirraðir á bíleigendum sem alltof lengi hafa hagað sér eins og þér séu einir í heiminum. Það er líka ljóst að það voru fjölmörg stæði í nágrenninu…. og ekki var veðrið heldur amalegt.
Þegar maður er í holu er best að hætta að moka…
Ertu ekki að grínast? Af hverju í ósköpunum er það skylda borgarinnar að leysa málin þegar einhverju fyrirtæki dettur í hug að halda hátíð? á þá ekki fyrirtækið sjálft að leysa málin, t.d. með því að leigja rútur undir liðið eða e-ð álíka….eða bara okkar sem kjósum að mæta að hugsa og taka strætó eða bara einfaldlega labba smá spotta fra löglegu bílastæði? Svo hefði líka kanski verið spurning um að skipuleggja ekki 2 svona stóra viðburði sama daginn þarna í Laugardalnum, svona ef við eigum að fara út í það að leysa málin.
Svo er nú eitt að það byrjar einn á því að leggja á grasi eða uppi á kanti og þá gera aðrir bara ráð fyrir því að það séu engin stæði og nenna ekki að leita svo þeir leggja bara líka ólöglega, og koll af kolli.
Ég sjálf finn t.d. ALLTAF stæði í bænum á 17. júní og menningarnótt og þarf meira að segja ekki að leita lengi. Samt er Sæbrautin oftast full af bílum (á eyjunni) og bílar út um allt, ólöglega lagt. Og það sem meira er…þá þarf það fólk sem leggur þar oft að labba lengra en ég sem fer og leita að stæði… Magnað!
En ég segi eins og fleiri… ég vona innilega að þú sért bara að grínast til að æsa upp liðið 😉
Hallur 49
Flott að 5000 kallinn snerti þig ekki persónulega og í guðana bænum ekki vera endurbirta sama svar og þú birtir í morgun með smá viðbótum! Ef þú hefur ekkert nýtt að segja, slepptu því þá.
Málið er mjög einfalt. Það var nóg af stæðum og bílarnir sem voru lagðir ólöglega voru sektaðir. Hættu nú þessu bulli og snúðu þér að einhverju vitrænum málaflokkum.
mbk
F
Hallur, allir sem sendu inn comment hér hafa talað á móti pistlinum þínum. Segir það þér ekkert?
Annars er ég sammála því sem fólk er að segja. Þetta point sem þú ert að reyna að koma að, hittir alls ekki í mark.
Hef ekki meira um það að segja.
Ég hef oft farið á mannmarga viðburði í Laugardalnum, lagt hinum megin við Suðurlandsbraut og gengið yfir, líka með börn. Það er alveg hægt, því þar eru gangbrautir og þetta er ekki löng leið.
Það „neyðist“ enginn til að leggja ólöglega. Ég hef aldrei lagt á grasi í Laugardalnum og mun ekki gera það í framtíðinni. Það hefur líka oft komið fram í fréttum áður þegar fólk hefur verið sektað fyrir að leggja ólöglega þarna, þannig að það hefði ekki átt að koma neinum á óvart.
Fólk þarf aðeins að beita skynseminni í svona málum í stað þess að væla eftir á yfir sektum.
Gunnar og fleiri.
Ef þið haldið að fjöldi athugasemda við bloggpistla sá mælikvarði á gildi innihalds þeirra – þá er það mikill misskilningur.
Inntak pistlilsins stendur og á fullkomin rétt á sér – þótt það fari fyrir brjóstið á einhverjum. Það eina sem orkar tvímælis er „teaserinn“ í fyrirsögninni – en allir þeir sem eru af barnaskólaaldri ættu að átta sig á því að fyrirsögnin er „teaser“. Þeir sem kjósa að mistúlka það mega það mín vegna.
Hins vegar er þá nánast hlægilegt hvað margir þeirra sem margoft réðust af heift og illfylgi persónulega að Hönnu Birnu Kristjánsdóttur sem borgarstjóra á sínum tíma fara gersamlega af límingunum þegar Jón Gnarr borgarstjóri er notaður sem tákngerfingur fyrir borgarkerfið – og gangrýndur. Hjá þessu fólki er ekki sama Jón og Séra Jón.
Jón Gnarr er tákn borgarkerfisins sem borgarstjóri – alveg eins og Hanna Birna var tákn borgarkerfisins þegar hún var borgarstjóri.
En yfir í inntakið. Auðvitað á „Jón Gnarr“ (lesist borgaryfirvöld fyrir þá sem ekki skilja tákngerfinguna) að skipuleggja tímabundin bílastæði í Laugardalnum þegar ljóst er að þar verða fleiri þúsundir barnafjölskyldna – annars vegar á afar fjölmennu knattspyrnumóti barna og hins vegar í fyrirsjáanlega einn af stærstu dögunum í Fjölskyldugarðinum.
Þar af verður að tryggja aukinn fjölda stæða næst svæðunum fyrir fatlað fólk – með því að breyta almennum bílstæðum næst inngangi í bílastæði fyrir fatlaða – en bæta þess ís tað við bráðabirðastæðum annars staðar þar sem því verður auðveldlega komið við. Sem er á fjölda staða í Laugardalnum.
Hetjusögur 3 barna mæðra sem finnst ekkert mál að drösla ungbarnavagni, krakkakerru og ungum börnum á fæti allt að km. yfir þunga 4 akreina bílagötu – breyta engu um það. Það eru bara ekki allar mæður svona miklar hetjur. Þá er ég ekki að gera lítið úr þeim sem treysta sé í þetta ferðalag.
Skipulögð bráðabirgðastæði í Laugardalnum á degi sem þessum er rétta leiðin – ekki það að siga lögreglu og stöðumælavörðum á barnafólk sem leggur snyrtilega í fín bílastæði – sem svo illa vill til að borgaryfirvöld hafa ákveðið að banna að leggja í. Sem getur verið eðilegt á venjulegum dögum – en ekki svona dögum.
Og úr Laugardalnum í Víkina – sem ég skrifaði líka í.
Þar eru bílastæðamál alger skandall – og fáránlegt að borgin hafi ekki gert neitt í málum. Núverandi bílastæði duga ekki einu sinni fyrir mannfjölda á eðlilegum æfingum ef það eru æfingar í sal og úti á gervigrasi. hvað þá er það eru leikir – eða íþróttamót eins og td. fjölmennt KFC mót sem haldið er árlega.
Í stað þess að leyfa tímabundið að leggja bílum á auðum svæðum kring um íþróttamannvirkin í Víkinni þegar leikir eru – þá hefur lögreglunni verið sigað á „barnafjölskyldur“ sem lagt hafa á grasbölum – og í götunni – við Víkina.
Þetta er forkastanlegt. Það eru engin önnur stæði fyrir þetta svæði – heldur einungis stæði við íbúagötur í Fossvoginum – stæði sem dags daglega duga varla fyrir íbúana sjálfa.
… og ekki orð um að það sé bara hægt að leggja hinum megin við Bústaðaveginn – þá miklu umferðagötu. Ég hef horft upp á of mörg slys á gangandi vegfarendum á þeirri götu til þess að hlusta á þess háttar kjaftæði.
Ergo.
Borgin er að bregðast í því að tryggja öryggi og tímabundin bílastæði í laugardal og Vík – þegar þar eru í gangi viðburðir sem kalla á þúsundir.
Svo einfalt er málið – hvað sem heilög hneykslan fólks sem ritar í athugasemdakerfi mitt segir.
Eigið góðan dag.
Nú fer ég yfir í næsta pistil.
moka, moka meira…
epic
Æ, æ, æ… Veistu nafni, þegar fyrstu kommentin hrundu inn þá hefðirðu átt að eyða færslunni. Nú gerir þú ekki annað en að grafa þig dýpra í eigin holu.
Þú hefur verið baggalútaður: http://baggalutur.is/frettir.php?id=5378
Hallur.
Hingað til hef ég staðið við það sem ég segi. Geri það einnig í þessari færslu. Flý ekki af hólmi þótt einhverjir séu ósammála mér í athugasemdakerfi.
Veistu – það er fjöldinn allur sem er sammála mér – en einmitt – eins og þú ýjar að – er ekki reiðubúnir að taka þátt í umræðunni þegar komment af þessu tagi – heilög vandlæting – raðast inn. Það fólk sendir mér bara tölvu póst.
Auðvitað á að skipuleggja bráðbirgðabílastæði þegar fín aðstaða er til þess og fyrirsjáanlegt er að fjölmennið verði mikið – í stað þess að siga lögreglu og stöðumælavörðum á fólk. Þannig er aðstaðan í Laugardal. Af því er enginn skaði – einungis hagræði.
Þá er bílastæðaaðstaðan í Víkinni fyrir neðan allar hellur og borgaryfirvöldum til skammar.
Auðvitað á að skipuleggja þar bráðabirgðabílastæði þegar stórir íþróttaviðburðir eru í Víkinni í stað þess að siga lögreglunni á fólk sem þar á engra annarra úrkosta en að leggja í fín stæði – sem af aulahætti eru skilgreind ólögmæt.
Enn ein snilldin 🙂
http://baggalutur.is/frettir.php?id=5378
Þeir gleyma reyndar íþróttastarfinu í dalnum þennan dag þar sem hundruð barna á aldrinu 5 ára og uppúr voru aðspila á fótboltamóti – en látum það vera – enda eru Baggalútsmenn að leggja niður ÍTR, Íþrótta- og tómstundaráð.
Bíð bara eftir ísbirninum. Þá fyrst verða bílastæðavandamál í Laugardalnum fyrir barnafólk og fatlaða.
Mér fannst þessi pistill drepfyndinn þar til ég sá svar Halls í nr. 6. Þá rann upp fyrir mér ljós að hann er ekki með öllum mjalla.
Hringja á vælubílinn fyrir Hall?
Það er allt rangt við þessa færslu þín Hallur.
Ef hún er skrifuð í bræði yfir því að hafa fengið eina af sektunum þá er hún svosem skiljanleg, enginn vill þurfa að sjá á eftir 5000 kalli að óþörfu.
Það breytir samt engu, þetta er röng hugsun og svo á skjön við þann raunveruleika að við búum í samfélagi fólks.
Meira en helmingur alls borgarlandsins er undirlagður fyrir götur og bílastæði. Fátæklegar gangstéttir og hjólastígar sem og græn svæði eiga að fá að vera í friði fyrir bílum hvort sem bílarnir eru fullir af börnum eða gamalmennum. Það er ekkert „óhefðbundið“ við það.
Þetta hlýtur þú að geta skilið.
Sigurður.
Gott þú hefur húmor. Það er ekki allir sem hafa það.
En hefur þú kannað aðstæður í bílastæðamálum Víkinni þar sem lögreglunni er reglulega sigað á barnafólk sem fylgist þar með íþróttaviðburðum?
Sú aðstaða er ekki fyndin.
Jóhann.
Ég fékk ekki 5000 kall í sekt. Það er rétt að við búum í samfélagi. Það samfélags á ekki að siga lögreglu á fólk að nauðsynjalausu. Það samfélag á að takast á við fyrirsjáanlegar aðstæður af hófsemd. Það er unnt að gera það í Laugardal og Víkinni – en er ekki gert.
Hjalti.
Ég veit ekki fyrir hvern ætti að kalla á vælubílinn.
Í fyrsta lagi fengi hann ekki stæði – og í öðru lagi sýnist mér fólk vera að væla yfir þeirri eðlilegu ábendingu að í stað þess að siga lögreglu og stöðumælavörðum á fólk – þá væri rétt að skipuleggja bráðabirgðabílastæði þegar ljóst er að mannfjöldi verði það mikill í Laugardal og Fossvogi að bílastæðaskortur verði tilfinnanlegur. Sérstaklega þegar um er að ræða viðburði þar sem fjöldi barnafólks er mikill.
Þegar unnt er að minnka gangandi umferð hundruða barna og foreldra þeirra yfir umferðaþunga 4 akreina götu – þá á að sjálfsögðu að gera það.
Aðstæður til slíks eru góðar í Laugardal og í Víkinni.
Allt í einu skiptir öryggi gangandi barna í umferðinni engu máli! Merkilegt.
Skemmtileg afþreyingarlesning 🙂
fólk pantar sér oftast stórvirkar vinnuvélar í svona mokstur….
Í kringum Laugardalinn eru tæplega 2000 gjaldfrjáls bílastæði, er virkilega hægt að fara fram á meira?
Nóg var af lausum stæðum við stóru stúkuna, kringum Laugardalshöllina og við Glæsibæ. Er virkilega ekki hægt að láta það duga.
Suðurlandsbrautin er með laus stæði um helgar, þar eru gönguljós við gangbraut.
Ótrúlegt að heyra svona viðhorf árið 2011, vonandi einstakt !!!!
Hallur
Sama hvað þú reynir að krafsa í bakkann þá einfaldlega ertu úti á túni hvað varðar þennan pistil og þá þessi blessuðu komment þín. Hvað er vandamálið Hallur! Skilurðu ekki staðreyndir málsins?
Í þriðja óg síðasta lagi ætla ég að benda þér á staðreyndir málsins ef þú ert ekki að skilja hvað fólk er að segja við þig í komment kerfinu…
– Lögreglan var búinn að vara við því að ólöglega lagðir bílar yrðu sektaðir.
– Nóg af löglegum stæðum stóðu einkabílum til boða í Laugardalnum.
Hættu nú þessu rugli Hallur. Þetta er ekki fyrsti viðburðurinn í Laugardalnum og ekki í fyrsta skiptið sem ólöglega lagðir bílar eru sektaðir. Fólk þarf einfaldlega að læra að vera ekki að brjóta lögin því annars þarf það að greiða sektir. Svo einfalt er það.
Hallur, þú skrifar um öryggi barna í umferðinni, það er nú einu sinni þannig að fjölmörg grunnskólabörn fara á hverjum degi yfir mjög margar og stórar umferðagötur á leið í skóla eða íþróttir, jafnvel yfir Suðurlandsbrautina, án þess að vera í fylgd með fullorðnum, vertu ekki væla yfir að fólk þurfi að fylgja börnum sínum þessa sömu leið, ótrúlegt alveg að lesa það sem þú hefur skrifað á þessa bloggsíðu.
Þú værir maður með meiri ef þú endurskoðaðir hug þinn.
Andrea. Það er ekki rétt hjá þér að það hafi verið nóg af lausum stæðum kring um Laugardalsstúkuna á laugardagsmorguninn. Það losnaði hins vegar um þau upp úr hádeginu.
Fékk mér hjólreiðatúr áðan. Taldi merkt stæði við Víkina – sem ég fjallaði líka um í pistlinum mínum – enda er lögreglunni reglulega sigað á barnafjölskyldur þar. Þar eru 65 merkt bílastæði.
Fyrir þá sem vita ekki hvað Víkin er – þá er það íþróttasvæði Víkings. Þar var til dæmis haldið árlegt KFC mót barna – hundruða barna.
Það mót var góð tekjulind fyrir hið opinbera – því í stað þess að breyta grassvæðum í kring um Víkina í tímabundin bílastæði vegna viðburðarins – þá var lögreglunni igað.
Eins og virðist vera hljómgrunnur fyrir hjá þeim sem komið hafa inn á athugasemdasvæðið mitt í dag og gær.
Ærlega spurt – finnst ykkur það í lagi? 65 stæði – og lögreglan send á þá foreldra sem leggja snyrtilega á grasflatirnar allt umkring þegar haldin eru fjölmenn íþróttamót barna?
Þú færð enga vorkun frá mér. Ég sé skemmdir eftir bíla á göngu og útivistarstígum borgarinnar daglega og þar sem ég hjóla samtals 24 km til vinnu alla daga vikunnar þarf ég að upplifa bifreiðar upp á kannti, vinnuvélar á göngustígum og einmitt rosalega „hissa“ ökumenn á stóru jeppunum sínum sem föttuðu það þegar þeir voru mættir í þessa vík þína að þar eru bara 65 stæði. Afhverju ekki bara að hjóla eða ganga þennan ágæta fossvogsdal sem væntanlega flestir foreldrar sem mæta á leiki barna sinna búa líklega hvort eð er við.
engin vorkun frá mér því miður.
Hrausti Elvar Örn.
Það eru því miður ekki allir svo heppnir að hafa heilsu til að hjóla.
Því miður.
Hrokafulli Hallur
Ég er því miður ekki eins hraustur og þú heldur, BMI stuðullinn reiknast í offitu, alvarlegri meir að segja og brekkurnar taka í. Það er meira vegna fjárhagsins að ég nota hjólið en vegna þess hve frískur ég er.
Elvar Örn.
Ekki ætla ég að sverja af mér hroka. Það get ég seint.
En mér þykir ekki síður hrokafullt að halda því fullum fetum fram að allir foreldrar geti komið hjólandi eða gangandi í Víkina.
Sannleikurinn er nefnilega sá að Víkingshverfið er sundurskorið af mikilli umferðaæð Bústaðaveginum – og mörg slys á börnum – þar af nokkur banaslys – hafa orðið á þeirri illræmdu götu.
Auk þess eru stórviðburðir – eins og KFC mótið – sótt af ungum börnum í hundraða tali víðs vegar að. Það er einmitt á slíkum stundum sem þarf að skipuleggja bráðabirgðabílastæði við Víkina!
Það er ekki verið að tala um freka kalla á stórum montjepppum með breið dekk! Ég skil nákvæmlega hvað þú átt við með því!
Það er verið að tala um venjulegt barnafólk sem er að koma börnum sínum á íþróttamót – og fylgjast með þeim þar!
Meira í nýrri pistli mínum: “Eyjabakkar” Jóns Gnarr
http://blog.eyjan.is/hallurm/2011/05/30/eyjabakkar-jons-gnarr/
EN ef að allir vissu af þessu fjölmenna íþróttamóti sem er haldið árlega… liggur þá sökin ekki Stöðvar 2 megin, það voru nú þau sem að ákváðu að halda upp á afmælið sitt á þessum degi (væntanlega hefðu þau átt að sjá fyrir bílastæðavandamál)?
Væri ekki nær að fetta fingur yfir lélegri skipulagningu þess ágæta fyrirtækis, frekar en að æsa sig yfir þeim borgar- og ríksisstarfsmönnum sem að unnu sína vinnu?
PælArinn.
Þetta er ein skynsamlegasta athugasemdin af þessum 76.
Jú, en það átti ekki að koma lögregluyfirvöldum og borgaryfirvöldum á óvart að dalurinn yrði fullur af fólki.
Við því hefði átt að bregðast – ma. með tímabundnum stæðum þar sem það hentar.
Ef sú lausn væri svona vonlaus – og það væri satt sem sumir hafa haldið fram en ég upplifði ekki á gangi mínum um dalinn – að það væru laus bílastæði við Laugardalsvöllinn – þá hefði verið nær að splæsa einni löggu – eða borgarstarfsmanni – í að beina bílum þangað í stað þess að láta umferð inn í Laugardalinn ganga óhindrað.
Ekki gleyma því að ég var að tala um tvo staði. Einnig Víkina – þar sem eru 65 merkt bílastæði – og löggan hefur verið að sekta fólk hægri vinstri.
Það sér hver heilvita maður að 65 bílastæði á 500 barna móti er ekki nægilegt rými fyrir barnafjölskyldur sem eru að fylgjast með.
Í stað þess að skipuleggja á einfaldan hátt tímabundin bílastæði við slíka viðburði – sem ekki eru óvæntir – þá er tækifærið notað til að sekta barnafjölskyldurnar sem ekki fengu stæði. Það er hreinlega rangt að gera!
afhverju hefði borgin átt að útbúa spes stæði í tilefni af grillveislu einkafyrirtækis? ef einhver hefði átt að eyða fé í tímabundin bílastæði og tilstand þá er það stöð 2, en ekki borgin. Annars eru bílastæði um allan ármúla, alla suðurlandsbraut, við glæsibæ og svona mætti lengi telja. Annars getur fólk bara vanið sig á að taka strætó eða hjól. Það á ekki að vera stórmál að það taki 30-45mín að ferðast hvora leið með strætó þegar ætlunin er hvort eð er að eyða öllum deginum þarna.
Og ennþá heldur þú áfram Hallur, uppfullur af réttlætiskennd úrbóta fyrir einkabílinn. Breytum útivistarsvæðum Reykvíkinga í bílastæði….
Þarf ekki bara að malbika yfir alla grasbletti hér í borg svo þú hafir nú örugglega nóg af stæðum fyrir bensínfákinn þinn og allar fjölskyldurnar sem eiga svo bágt að geta ekki gengið eða hjólað yfir gangbrautir. Nauðsynlegt er að geta lagt alveg upp við húsin, allavega ekki lengra en 30 skref frá einkabílnum því annað er of löng leið til að kveljast með göngutúr í gegnum útivistarsvæði og að sjálfsögðu yfir stórhættulegar götur sem engin einkabíla barnafjölskylda með sjálfsvirðingu hættir sér yfir því jú á vegum verða nefninlega slys þegar bílar keyra á fólk.
Hallur af hverju á Reykjavíkurborg að vinna sérstaklega að bílastæða umbótum þegar íþróttafélög eða einkafyrirtæki eru að halda viðburði og þá sérstaklega íþróttarfélögin sem halda mótin á sinni lóð? Af hverju á að hlaupa til og útbúa sér stæði þegar barnafjölskyldur mæta á viðburði?
Nú bý ég í miðbænum og hjóla allan ársins hring. Í miðbænum er nóg af bílastæðahúsum en það breytir því ekki að hundruðir bíla leggja upp á gangstéttir í þingholtunum, miðbænum og vesturbænum og hefta þannig aðgengi vegfarenda. Hvernig stendur á því að á stað þar sem meira en nóg er af bílastæðum að einkabílaeigendur leggi samt upp á gangstéttir út um allar trissur. Gæti það verið líkt og í dalnum og víkinni að Íslendingar margir hverjir eru svo djöfulli latir að þeir taka stöðumælasektina umfram því að labba smá spöl úr löglegu stæði? Þessu hef ég velt fyrir mér í mörg ár því ég hef oft orðið vitni af því að menn parkera upp á gangstéttir og líka þrátt fyrir að stöðumælavörður er á næsta bíl að sekta fyrir ólöglega lagningu.
Ég tel að þetta snúist alls ekkert um bílastæði. Ég tel að þetta snúist um viðhorf bílaeigenda fyrir umhverfi sínu og eigin hagsmunum. Íslendingar eru algjörir bjánar þegar kemur að umferðamenningu og sannast það t.d. hvernig Íslendingar leggja bílum sínum.
Hallur þú ert hér með stimplaður einn af þessum bjánum í umferðinni sem krefst þess að einkabíllinn sé í einhverjum forgangi umfram náttúruna og almennra umferðalaga. Við sem erum gangandi og hjólandi vegfarendur eigum að tilbiðja rétt einkabílsins til að leggja bílunum eftir ykkar hentisemi.
Eða kannski getið þið einkabílaeigendur virt umferðarreglurnar og hætt að væla þegar þið fáið sekt fyrir að leggja ólöglega…
http://www.happyhopper.org/
Franz.
Málið snýst ekki um mig.
Ég er jafn heppinn og þú að geta hjólað – enda geri ég það daglega og nota hjólið eins og ég get til að komast leiðar minnar.
Hef reyndar ú rúman áratug talað fyrir bætri aðstöðu fyrir hjólafólk – með lagningu hjólastíga og að reglur taki meira mið af hjólreiðafólki. Eins og í Danmörku.
En það eru bar ekki allir svo heppnir að geta hjólað – og ef út í það er farið – gengið það sem þeim dettur í hug þótt ég og þú getum það.
Það er heldur enginn að tala um forgang bíla fram yfir gangandi og hjólandi.
Það er verið að tala um skipulögð bráðabirgðastæði við stórviðburði í stað þess að siga lögreglu á barnafólk – og já reyndar afar og ömmur sem fylgja barnabörnunum á fjölmennar fjölskylduskemmtanir.
Það er barnalega einfalt að ganga frá slíku án þess það skaði umhverfið – og reyndar þannig að það tryggi betur flæði gangandi og hjólandi fólks.
Merkileg árátta að tala alltaf um malbik. Það er engin að tala um að malbika. Þvert á móti. Það er verið tala um að leysa tímabundin bílastæðavandamál nokkrum sinnum á ári með því að skipuleggja bráðabirgðastæði og leyfa að leggja bílum þar sem í annan tíma slíkt er bannað.
Tökum Víkina sem dæmi. Þar eru einungis 65 merkt stæði. Það er hins vegar unnt á einfaldan hátt að leggja miklu fleiri bílum – á malbik og grasfleti – án þess að hamla gangandi og hjólandi umferð á nokkurn hátt og án þess að valda skemmdum – þegar stórviðburðir eru.
Það er ekkert mál fyrir starfsfólk Víkings að ganga frá slíku á grundvelli skipulags borgarinnar. En það er bara borgin sem hefur vald til þess að leyfa tímabundin stæði á stæðum þar sem í annan tíma er óleyfilegt að leggja. Reyndar án mikilla röksemda.
Þess í stað er lögreglu sigað á fólk með sektarmiðaheftið á lofti.
Það var Reykjavikurborg sem skipulagði íþróttasvæðið í Víkinni. Ekki gleyma því.
Þetta er spurningin um einfaldar lausnir byggðar á meðalhófi.
Ekki keyri ég bíl en ég lifi alveg af. Ég bý í Reykjavík og tek oft strætó á þá staði sem ég þarf að komast, og ef svo vill til að ég get af einhverjum ástæðum ekki tekið strætó, þá labba ég bara. Það er ekki eins og það sé erfitt, ég lærði það sem ungabarn. Sem dæmi má nefna gekk ég núna um daginn heim til mín (í 101 RVK) frá Smáralindinni. Það er kannski meira vesen þegar maður er með lítil börn, en ég efast nú um að börnin eigi eitthvað svakalega erfitt með að labba nokkra metra (eða jafnvel kílómetra) frá löglegu stæði að fjölskyldu- og húsdýragarðinum. Eru þau ekki hvort sem er að fara að labba í húsdýragarðinum? Og fyrir þá sem eiga í alvörunni erfitt með að labba eða geta það ekki eru sérmerkt stæði nálægt innganginum fyrir þá aðila. Þau eru EKKI fyrir þá sem nenna ekki að labba. Lögin eru til þess að fylgja þeim. Og þeir sem hafa efni á því að eiga og reka bíl á þeim tímum sem við lifum í núna, eiga alveg efni á því að borga sektina ef þeir brjóta lögin. Fólk á bara að hætta þessu fokking væli! Auðvitað á fólk að láta heyra í sér þegar það er í alvörunni eitthvað brotið gegn því eða það virkilega hefur ekki nógu góð kjör til að lifa, en það er ótrúlega pirrandi þegar fólk er að væla um eitthvað svona í fjölmiðlum. Ég mundi elska það að fá tækifæri til að geta fengið sekt á rándýra bílinn minn, sem ég á ekki. Þetta fólk kann bara ekki að meta hvað það hefur. Ef þú ert virkilega svona fátækur þá skalltu bara losa þig við bílinn þinn. Fólk ætti alveg að geta haft ofan af fyrir börnunum sínum án þess að það kosti peninga, t.d. bara að fara með barnið út í smá fótbolta, eða einhverja álíka leiki. Nema ef þú hefur ekki efni á bolta. þá ertu í vondum málum.
Gvuð forði okkur frá því að Framsóknarmenn nái völdum í Reykjavík ef Halli tækist að fá þá til að raða endalausum bílastæðum til að þjóna illa skipulögðu og/eða lötu fólki.
Ég bý í Reykjavík og nota jöfnum höndum Strætó, reiðhjól og einkabílinn sem er aðeins 1 af þremur valkostum og sjaldnast notaður til vinnu.
Lítið mál.