Jón Gnarr* brást snarlega við og mun loka slysagildru strax í dag! Fyrirmyndarvinnubrögð og borginni til sóma.
Eftirfarandi kom fram áðan í athugasemdakerfi við pistil minn Barnaslys í boði borgarinnar? :
„Komdu sæll Hallur,
Nú í morgun var athygli mín vakin á bloggi þínu. Við erum búin að fara á staðin og skoða aðstæður. Þakka þér fyrir réttmæta ábendingu um að þarna vantar handrið. Við sáum ekki ummerki um að þarna hafi áður verið festingar fyrir handrið.
Við munum lagfæra þetta í dag.
Kveðja,
Sighvatur Arnarsson,
skrifstofustjóri á framkvæmdasviði Reykjavíkurborgar“
Það ber að þakka þessi skjótu viðbrögð! Nú er ég ánægður með Jón Gnarr.
*Jón Gnarr er hér tákngervingur borgarkerfisins og ber ekki að taka þetta sem persónulega athugasemd við borgarstjórann – þótt hann hafi vald til þess að koma æskilegum breytingum af stað. Þetta er sérstaklega tekið fram fyrir þá sem áður hraunuðu yfir persónu fyrri borgarstjóra án þess að blikna – en fara af límingunum ef Jón Gnarr er tákngerður sem borgarkerfið.
Hallur Magnússon
stundum er í lagi að gefa tröllunum að borða
Þegar málefnið er gott
Það geta ekki allir verið Ómar Ragnarsson
Handriðið komið á sinn stað! Rölti niður Tunguveginn þar sem nú er búið að loka slysagildrunni. Snaggaralega gert.
Steini.
Ertu á einhverju?
Þetta er leyst farsællega.
En mér leikur forvitni á að vita svar þitt við spurningu Karls Sigurðssonar – Baggalúts – Hverjir innan borgarinnar voru látnir vita af þessari slysagildru? Þeir virðast ekki kannast við þessar fjölmörgu kvartanir sem þú talar um.
Búinn að senda honum upplýsingar um það.