Í dag og næstu daga, þ.e. til hádegis þriðjudaginn 14 mars nk., standa yfir kosningar hjá Verzlunarmannafélaginu (VR) bæði til stjórnar og til formannsembættis þessa fjölmenna aðildafélags Alþýðusambands Íslands (ASÍ). Ef þú ert félagsmaður getur þú farið hér beint á vef VR og greitt Ragnari Þór Ingólfssyni atkvæði þitt. Hvers vegna ættir þú að gera það?

Ragnar Þór Ingólfsson sem formann VR

Að hafa áhrif

Frá hruni fjármálakerfisins hefur verkalýðshreyfingin á Íslandi lítið lagast ef svo má að orði komast. Það er þegar nánast búið að hreinsa út einn flokk á Alþingi sem hefur stýrt verkalýðshreyfingunni og lífeyrissjóðum landsins í áratugi. Í dag og í gegnum verkalýðsfyrirkomulagið hefur lífeyrissjóðum verið stýrt bæði illa og af mörgum einstaklingum án þekkingar á áhættu og ávöxtun.

Þar hafa hagsmunir fremur ráðið för en almenn skynsemi. Hver þekkir þá sögu ekki eftir sífelldar skerðingar á lífeyrisréttindum og blæti fyrir bönkum fyrir hrun? Þú hefur nú tækifæri að breyta og hafa áhrif. Þitt atkvæði gæti hér vegið mun þyngra en atkvæði til Alþingis svo þú hefur virkilega áhrif þegar þú kýst formann VR sem og stjórn. Þetta snýst aðeins um að velja rétt, ekki rangt.

Kjóstu einstakling eins og þig

Með því að kjósa Ragnar Þór Ingólfsson ertu að kjósa einstakling úr grasrótinni, mann með þekkingu og getu til að breyta. Ef þú kýst hann ekki og velur annað hvort að eyða ekki smá tíma í tölvunni við að kjósa eða ákveður að kjósa einhvern annan ertu ekki að breyta nokkrun sköpuðum hlut heldur viðhalda stöðnuðu kerfi sem hefur ekki sýnt að það sé alfarið traustsins vert eða sannað getu sína sem nútíma verkalýðs- og lífeyriskerfi.

Ragnar Þór er rétt eins og þú, starfsmaður verslunar, er verslunarmaður sem þjónustar fram í fingurgóma, heill og ekki bundinn á klafa vinstri eða hægri í íslenskri pólitík. Hann er harður nagli sem og ljúfur drengur. Hann lætur ekki eitthvað óhreint fara í gegnum kerfið óþvegið. Kjóstu því einstakling eins og þig. Hann er ósköp venjulegur félagsmaður sem hefur burði til að verða formaður VR.

Stöðvum samkeppni lífeyrissjóðina við fólkið í landinu

Um þessar mundir standa illa skipaðir, illa áttaðir og fremur fáfróðir stjórnendur lífeyrissjóða í því að keppa við sjóðsfélaga sína um íbúðir á fasteignamarkaði. Nú er þeim heimilt, eftir ákveðinni forskrift þar um, að fjárfesta erlendis og hví nýta þeir ekki krafta sína í að finna tækifæri erlendis í stað þess að keyra upp fasteignaverð hér á landi?

Gamlar tuggur í þessu efni og þröngsýn afstaða til veraldarinnar, heimóttaleg áhættufælni og vanþekking veldur því ásamt klíkumyndun að fremur er fjárfest í kringum vini og vandamenn en í besta kostinum. Það gerðist einnig fyrir hrun fjármálakerfisins. Það þekkja flestir.

Þarna þarf nýja hugsun, ekki hvatvísa heldur skynsama og áræðna er byggir á kunnáttu en ekki kunningjavæðingu. Þar hafa oft komið sér saman ólíkustu aðilar sem leitt hafa saman hesta sína innan vébanda þessa kerfis og sogið þaðan fjármagn sem súrefni að eigin eldi. Þessu ber að breyta og treysti ég Ragnari Þór til þess að vera sú rödd sem þörf er á innan vébanda verkalýðshreyfingarinnar á Íslandi. Tími hinna er liðinn. Nú er tækifæri þitt til að fjárfesta skynsamlega í góðum einstakling með því að kjósa Ragnar Þór.

Kynni af Ragnari

Ragnar Þór er þannig maður að honum er fullkomlega treystandi. Hann er gæddur hæfileikum og þekkingu til að setja sig í flókin og viðamikil mál. Hann er með yfirgripsmikla þekkingu á lífeyrismálum og rekstri sem mikilvægt er að hafa þegar kemur að stórri félagasamstæðu sem VR er í raun og sann. Hann er fylginn sér og hefur kosti að bera til að vera leiðtogi, sanngjarn og heill leiðtogi sem virðir jafnrétti í víðum skilningi þess orðs.

Ég hef þekkt Ragnar Þór um langa hríð og kynnst verkum hans, skrifum og einnig áhugamálum í tengslum við hjólaferðir um þvera og endilanga Suðaustur Asíu. Ragnar er vandaður maður og viljasterkur þegar kemur að baráttumálum fyrir almenning, félagsmenn VR og lífeyrisþega.

Sem ungur maður vann ég eilítið fyrir verkalýðshreyfinguna og kynntist fólki sem þar starfaði vel. Ég tefldi oft ungur við Guðmund Jaka og fékk þar fyrst í nefið. Það er enginn Guðmundur Jaki hér í dag og skarð hans verður ekki fyllt nema að við breytum rétt, kjósum rétt. Ég tel að Ragnar Þór sé sá maður sem getur fyllt í skarðið og skiptir engu þó hann taki ekki í nefið. Hann er rétti einstaklingurinn í verkið og af þeirri kynslóð sem á að taka við í dag.

Greiðið Ragnari Þór Ingólfssyni ykkar atkvæði fram til hádegis þriðjudaginn 14. mars næstkomandi og skorið á alla ykkar vini og ættingja að greiða honum atkvæði.

Áfram Ragnar Þór Ingólfsson !

Embættistaka Donald Trump – 45. forseti Bandaríkjanna 20. janúar 2017

Við þekkjum það Íslendingar að fjölmiðlar fara oft óvarlega og bera enga ábyrgð á því sem þeir segja eða gera. Þetta er oft kallað fjórða valdið en það sem þetta vald hefur umfram annað vald í lýðræðislegu þjóðfélagi er að það lýtur öðrum lögmálum en löggjafar-, dóms- og framkvæmdavald. Það virðist ekki bera ábyrgð og þarf ekki að axla ábyrgð. Í lögum er gert ráð fyrir að þingmenn þurfi að svara á fjögurra ára fresti fyrir gjörðir sínar, sama á við ráðherra séu þeir ekki utan þings og svo dómskerfið og dómarar sem má víkja frá störfum ef svo ber undir. Allt er þetta í lögum og tækt að grípa inní. Þetta á ekki við um fjölmiðla og þá er hægt að kaupa og selja, fjárfesta í fréttaskotum og með auglýsingasamningum beinlínis koma að efni sem hentar framleiðendum eða þeim sem hafa efni á að koma einhverju fram. Er þetta eðlilegt? Nei, þetta er ekki alveg eðlilegt. Hvað er til ráða?

Trump og bandarískir fjölmiðar sem og alþjóðapressan

Mynd sem á að sýna mismunandi vinsældir milli Obama og Donald Trumps – Mótmælendur hömluðu stuðningsmönnum Donald Trumps að mæta á staðinn.

Flestir þekkja þá umræðu sem verið hefur í gangi varðandi kjör á nýjum forseta í stærsta lýðræðisþjóðfélagi heims, Bandaríkjunum. Þar hefur verið fjallað um að Pútín hafi komið Trump til valda. Einnig hefur verið rætt um að frægar stjörnur demókrata hafi ekki viljað syngja við innsetningu Trumps, sem reyndar er enginn furða, auk þess sem nýleg umfjöllun um mætingu við innsetningu Trumps

þar sem þar er látið í veðri vaka að lítill áhugi hafi verið á Trump og innsetningu hans í embætti forseta Bandaríkjanna. Lítum aðeins á tölurnar.

Samanburðartafla – Obama og Trump

Hér í töflunni má sjá að fylgi Demókrata í höfuðborg Bandaríkjanna er 91% og sé tekið tillit til þess að mesta fylgi Trumps er í miðríkjum Bandaríkjanna er ljóst að þeir þurfi, þ.e. stuðningsmenn Trumps, að ferðast um langan veg til að mæta við innsetningu hans en t.d. um eða yfir hálf milljón manns fyrir Obama er sjálfir búa í höfuðborg Bandaríkjanna þar sem athöfnin fer fram. Við svona athafnir mæta margir og taka börn sín jafnvel með. (Heimild með fyrirvara um gæði þeirra upplýsinga: Time, Wikipedia)

Demókratar hafa ekki langt að fara til höfuðborgar Bandaríkjanna

Sé leiðrétt fyrir þessu kemur í ljós að Trump er að gera betur en Obama gerði við innsetningu hans árið 2013 (Ath. ekki fræðileg rannsókn en segir einhverja sögu engu að síður). Þess ber að geta að rétt áður en Obama var kjörinn sat pistlahöfundur á 17. júní stræti í Berlín og hlustaði á Obama halda ræðu ásamt fjölskyldu sinni og þúsundum íbúa og gesta þar í borg. Óhætt er að segja að þar fór maður sem braut ísinn með því að verða fyrsti forseti Bandaríkjanna sem gat rakið ættir sínar til Afríku. Það þótti tíðindum sæta.

Því var um stórmerkileg tímamót að ræða árið 2009 umfram aðrar innsetningaathafnir forseta í Bandaríkjunum þegar Obama var setturn fyrst í embætti. Þrátt fyrir það nær Trump að hafa langt upp í þær tölur en slær Obama algjörlega út sé miðað við árið 2013 og þá eftir leiðréttingu á gríðarlegu fylgi Demókrata í höfuðborg Bandaríkjanna. Svo má geta þess að gríðarleg mótmæli í borginni urðu til þess að þúsundir stuðningsmanna Trumps gátu ekki mætt við innsetningaathöfnina. Það skekkir myndina vissulega mikið.

Múgæsing fjölmiðla

Stór þáttur í umfjöllun um Donald Trump hefur byggst á því að hann sé með orðum sínum og gjörðum að stuðla að e.k. múgæsingu. RÚV hefur meðal annars lagt meira í orð páfans í Róm þegar þeir leggja blessuðum páfanum sjálfum beinlínis orð í munn og segja hann hafa líkt Trump við Hitler þegar hann sjálfur talaði almennt um málið og hefði það alveg eins geta átt við Pútín en ekki Trump. Það er nú aldeilis guðræknin á þeim bænum.

Hafa því fjölmargir fjölmiðlar víða um heim lagst á eitt í að grafa undan lýðræðislega kjörnum forseta Bandaríkjanna sem aðeins getur stuðlað að því að efla þá sem standa honum andspænis, þ.e. Pútín í Rússlandi, Xi Jinping í Kína og öðrum af þeirra kaliber. Er það sem við viljum?

Trump og Obama ásamt glæsilegum eiginkonum sínum

Það eru haldnar kvennagöngur gegn Donald Trump þrátt fyrir að hann hafi misst út úr sér svipuð ummæli og höfð voru eftir Theodore Roosewelt fyrrum forseta Bandaríkjanna en þá átti það við karlmenn, ekki konur. Ekki mæli ég þessum ummælum bót en vil samt benda á vægi umræðunnar konur vs karlar. Þar er farið að halla mikið á og ber að merkja þennan halla sérstaklega þegar kemur að umgengnisrétti feðra á Íslandi og víðar eftir skilnað. Einnig má geta umræðunnar varðandi skólakerfið og unga drengi sem fá þar ekki karlfyrirmyndir til að kenna sér lengur m.a. vegna þess hve öflug kvennastétt kennarastéttin er orðin.

Það má því ætla að fylgismenn Demókrata, og þá með gífurlega háum styrkjum til handa þess flokks og tengsl við fjölmiðla, séu einmitt þeir sem stuðla að múgæsingu en slíkt má einnig rekja til Íslands þar sem vinstri menn eru bæði hávaðasamir en fremur afkastalitlir þegar kemur til kastanna við stjórn ríkissjóðs og á Alþingi. Til þess arna hafa þeir stuðning frá fjölmiðlum sem virðast telja sig hafa vald til að segja hvað sem er án ábyrgðar.

Það eitt sem hægt er að gera er að kalla eftir meiri ábyrgð til handa fjölmiðlum og ber þó að gæta að því að standa vörð um rit-, tjáningar- og prentfrelsi. Þessi ábyrð byggist aðallega á því að við, sem látum okkur umfjöllun sem þessa í léttu rúmi liggja, skrifum sjálf okkar hugrenningar um þessi málefni og birtum almenningi.

Donald Trump 45. forseti Bandaríkjanna

Pistlahöfundur er ekki einhver sérstakur stuðningsmaður Donald Trumps þó margir gætu lagt framangreint efni síðar fram og talið svo hafa verið. Ég hef bara afskaplega litla skoðun á mönnum fyrr en þeir fara að láta verkin tala. Það er mikilvægt að mótmælendur fái að koma sínum málum á framfæri en við verðum samt sem áður að tala um sanngjarnari umræðu sem litast ekki stöðugt af undirliggjandi þörfum viðkomandi til að draga úr vægi lýðræðislegs stjórnkerfis. Slík undirmál munu aðeins leiða til þess að þeir sem hafa engan áhuga á slíku kerfi eflist og þeim megin verði til þeir leiðtogar sem blessaður páfinn í Róm vildi minnast á en RÚV snéri því á eigin veg sem mætti svo sannarlega teljast ámælistvert.

Donald Trump getur beinlínis reynst vel. Það þarf að auka tekjur og atvinnu í Bandaríkjunum. Obama gerði ekkert í því og skilar hann við verra búi en hann tók við. Það er vegna þess að fólk kaus Donald Trump en ekki Hillary Clinton og þrátt fyrir að Hillary hafi hlotið fleiri atkvæði á landsvísu er Donald Trump kosinn skv. þessu kerfi eins og flestir ef ekki allir fyrrum forsetar Bandaríkjanna. Leikreglurnar eru þekktar fyrirfram og þetta urðu úrslitin.

Vilji fólk annað kerfi en þetta er rétt að það standi upp og tjái sig einmitt um það, kanni hvaða hljómgrunn það nýtur og draga svo ályktanir út frá því.

Annars óska ég bandarísku þjóðinni til hamingju með nýjan forseta og megi honum vegna vel í embætti, fara vel með það embætti og megi hann einnig tryggja enn frekar gott samband við Ísland.

Um þessar mundir er mikið rætt um lágskattasvæði og ber Panama þar hæst á Baugi. Fyrir kosningarnar 2013 réð hér ein argasta vinstri stjórn sem uppi hefur verið á vesturlöndum þó víðar væri leitað, jafnvel í Svíþjóð

Lágskattasvæði vinstri manna

Þessi íslenska vinstri ríkisstjórn samþykkti tilskipun frá ESB þess efnis að lágskattasvæði yrðu áfram í seilingarfjarlægð frá íslenskum fjárfestum rétt eins og öðrum fjárfestum innan EES svæðisins.

Hitt stendur eftir að þeim ber, vilji þeir eiga fjármuni og reka fyrirtæki frá lágskattasvæði, að gefa slíkt upp til skatts í heimalandi sínu. Reyndar, sbr. pistil minn frá því í apríl 2016, óskaði Ríkisskattstjóri (RSK) eftir því, þ.e. í umsögn sinni varðandi frumvarpið sem varð síðar að lögum, að Alþingis leitaðist við að setja strangari reglur þar sem dótturfélag á lágskattasvæði yrði skattlagt sér.

Ef vinstri stjórnin hefði, rétt fyrir kosningarnar 2013, farið eftir umsögn RSK varðandi frumvarpið yrði ekki lengur heimilt móðurfélagi á Íslandi að nýta skattalegt tap á Íslandi til frádráttar af hagnaði dótturfélags á viðkomandi lágskattasvæði. Það gerði þessi vinstri stjórn ekki og því er þetta alveg eins og áður var. Að auki afnám vinstri stjórnin svarta lista lágskattasvæða eftir ábendingar um slíkt frá ESB.

Áhangendur ESB á Íslandi, eins og fulltrúar Viðreisnar, ættu að efna til námskeiðahalds hvers vegna heimilt er á Íslandi að eiga fyrirtæki á lágskattasvæðum og hvers vegna það kom til með tilskipun frá ESB. Það að nýta sér töf á birtingu á skýrslu um þetta fyrirbæri til að hefja sig upp í umræðunni er lágkúra af verra taginu. Menn þar á bæ vita betur um tilvist þess arna í íslenskri löggjöf auk vinstri manna er allt þetta hafa samþykkt á Alþingi Íslendinga.

Erindisbréf starfshóps

Í 3. kafla skýrslu fjármála- og efnahagsráðuneytisins, Eignir Íslendinga á aflandssvæðum, kemur eftirfarandi fram:

Með erindisbréfi dags. 10. júní 2016 skipaði fjármálaráðuneytið starfshóp með það fyrir augum að „leggja mat á umfang fjármagnstilfærslna og eignaumsýslu á aflandssvæðum, þ.e. í ríkjum sem skilgreind eru sem lágskattasvæði og takmarka miðlun upplýsinga um eignir og tekjur milli landa.“ Enn var áskilið að áætla skyldi „mögulegt tekjutap hins opinbera af slíkum umsvifum.“ Var mælst til þess að starfshópurinn lyki störfum fyrir lok júlímánaðar og legði fram skýrslu sem ráðherra myndi í framhaldinu kynna Alþingi.

Bjarni Benediktsson lagði áherslu á að skýrslan bærist sem fyrst

Ráðuneyti Bjarna Benediktssonar lagði ríka áherslu á að skýrslan kæmi út fyrir lok júlímánaðar 2016 og yrði þar af leiðandi tilbúin tímanlega til umfjöllunar á Alþingi fyrir væntanlegar kosningar og til almennrar birtingar. Hins vegar tókst það ekki. Segir um það í 3. kafla (3.1.) framangreindrar skýrslu.

Enda kom í ljós að meiri tíma þurfti til verksins en ætlað var í upphafi og tókst ekki að skila skýrslu fyrr en nokkuð var liðið á september.

Reyndar kom skýrslan inn í ráðuneytið ekki fyrr en 13. september 2016 eða um einum og hálfum mánuði síðar en áformað var skv. skipunarbréfi frá fjármála- og efnahagsmálaráðherra.

Gefa skýrsluhöfundar eftirfarandi skýringar vegna tafanna.

• Ítarleg skoðun frum- og lýsigagna
• Viðtöl við þá er gerst þekkja til aflandsviðskipta
• Setja upplýsingar í samhengi
• Ýmis önnur heimildaröflun
• Sumarleyfi tafði gagnaöflun
• Tókst ekki af afla skýringa hjá sérfræðingum
• Gögn bárust þegar langt var liðið á ágústmánuð

Skýrslan átti að birtast fyrr eða fyrir lok júlí 2016

Það kemur skýrt fram í skýrslunni sjálfri að ætlunin var að skila henni snemma eða undir lok júlímánaðar. Tafir urðu sem starfshópurinn hafði ekkert með að gera og hvað þá fjármála- og efnahagsráðherra sem vildi fá skýrsluna sem fyrst svo koma mætti henni til umræðu í þinginu fyrir þinglok. Markmið ráðherrans var að skýrslan fengi vandaða umfjöllun og yfirvegaða. Það sem menn eru hins vegar sammála um er að skýrslan bætir ekki miklu meira við það sem þegar hefur komið fram.

Enginn mælir því hins vegar mót að málið þurfi að rannsaka mun betur og það kemur skýrt fram hjá aðilum stafshópsins, sem skýrsluna unnu, að mun meiri vinnu þarf til svo ná megi betur utan um efnið sem er til umfjöllunnar. Það yrði því baglegt ef þetta efni og þessar áherslur verði undir sökum yfirlætislegrar umræðu þess efnis að skýrslan átti að hafa birst fyrr sem tókst ekki m.a. vegna þess að starfshópurinn vildi vinna verkið betur, eiga fund með sérfræðingi sem kom ekki til landsins fyrr en 21. júlí 2016 og taka saman gögn sem tafðist vegna sumarleyfa. Áður, eða í maí 2016, hafði fjármála- og efnahagsráðherra lagt fram frumvarp á Alþingi um aðgerðir stjórnvalda til að sporna við skattsvikum vegna eignarhalds í lágskattaríkjum.

1. Erindisbréf barst stafshópnum 10. júní 2016
2. Fyrsti fundur haldinn 15. júní 2016
3. Dr. James S. Henry fundar með starfshópnum í hádeginu 21. júlí 2016 eins og kom fram í frétt á vef fjármála- og efnahagsráðuneytisins
4. Dr. James S. Henry heldur fyrirlestur um efnið í Háskóla Íslands 21. júlí 2016 – The Global Haven Industry: Size, Growth, and Key Impacts
5. Væntanleg skil skýrslunnar 31. júlí 2016 eða á mánudaginn 1. ágúst 2016
6. Skýrslan send fjármála- og efnahagsráðuneytinu 13. september 2016
7. Kynning á skýrslunni 5. október 2016 hjá fjármála- og efnahagsráðuneytinu og aðeins 5 virkir dagar til þingloka
8. Fjórir fundir hjá efnahags- og viðskiptanefnd Alþingis í millitíðinni fyrir þinglok og kosningar
9. Bjarni Benediktsson í ræðu undir liðnum óundirbúnar fyrirspurnir 10. október 2016: ,,Að öðru leyti hvað varðar aflandsfélög þekkja menn að við höfum lagt hér inn ítrekað tillögur, frumvörp, og ég mun (Forseti hringir.) á næstu dögum sömuleiðis skila skýrslu um þau mál sem ég boðaði í vor varðandi umfang þeirra mála“. Kom fram á fésbókarsíðu Björns Bjarnasonar 11. janúar 2016. (*)
10. Þinglok en Sigurður Ingi Jóhannsson las forsetabréf um þingfrestun 13. október 2016
11. Kosningar til Alþingis 29. október 2016
12. Bjarni Benediktsson fær fyrstur umboð til stjórnarmyndunar 2. nóvember 2016
13. Bjarni ræðir við fulltrúa Pírata, VG, Viðreisnar, Samfylkingarinnar, Framsóknarflokksins og Bjartrar framtíðar
14. Bjarni slítur viðræðum við Viðreisn og Bjarta framtíð, Óttarr Proppé tekin í sátt sbr. frétt í visir.is 15. nóvember 2016
15. Þing kallað saman til að ljúka gerð fjárlaga 6. desember 2016
16. Fjórir fundir í efnahags- og vipskiptanefnd eftir að þing kom aftur saman eftir kosningar
17. Frestun þingfunda eftir afgreiðslu fjárlagafrumvarps 22. desember 2016
18. Skýrslan birt á vef fjármálaráðuneytisins 6. janúar 2017
19. Þrír flokkar samþykkja að mynda stjórn, þ.e. Sjálfstæðisflokkurinn, Björt framtíð og Viðreisn 9. janúar 2017

Enginn var áhuginn að kalla eftir skýrslunni þegar ljóst var að Bjarni minntist á að hún væri til staðar 10. október 2017.

Álagið mikið fyrir kosningar – Óskir stjórnarandstöðunnar um þingrof og kosningar

Álagið fyrir kosningar má lýsa með orðum Svandísar Svavarsdóttur á 164. fundi 145. löggjafaþingsins einmitt þann sama dag og Bjarni Benediktsson fékk kynningu á skýrslunni sem mikið er rætt um í dag, þ.e. 5. október 2016:

Virðulegi forseti. Staðan er sú að nú hefur þetta þing, 145. þing, lokið öllum þeim mikilvægu málum sem rædd voru í apríl. Búið er að ljúka húsnæðismálunum, búið er að ljúka haftamálunum að mestu og hér ættum við að ljúka atkvæðagreiðslu eftir 3. umr. um höft og hætta svo. Það er eina málið sem stendur út af, eitt þingmál, að ljúka atkvæðagreiðslu eftir 3. umr. um höft.

Virðulegi forseti. Íslandssögunni lýkur ekki 29. október. Það er ekki þannig. Öll þau mál sem eru hér á dagskrá og sem eru á listanum langa frá núverandi ríkisstjórn eru þeirrar gerðar að nýtt þing getur unnið úr þeim. Það er þannig. Nýtt, lýðræðislega kjörið þing sem hefur raunverulegt umboð til þess, sem núverandi, fráfarandi ríkisstjórn hefur sannarlega ekki.

Virðulegi forseti. Það á að ljúka þessari einu atkvæðagreiðslu og senda þingið heim þannig að allir sitji við sama borð í kosningabaráttu fyrir kosningarnar að þessu sinni.

Hér kemur því fram að Svandís taldi ríkisstjórnina ekki hafa umboð til að mæla fyrir öðrum málum og vildi hún fara heim en ekki ræða neina skýrslu hvort hún hefði vitneskju um hana eður ei. Hún fullyrðir hér sjálf að nýtt þing geti tekið þessi mál að sér. Nú er komið að því og hvers vegna þá að þrátta um hvenær skýrslan kom fram í dagsljósið?

Engar fyrirspurnir um skýrsluna á meðan stjórnarmyndunarviðræður fóru fram

Svo virðist sem aðilar í stjórnarmyndunarviðræðunum, sem flestir áttu að vita af stofnun starfshópsins í júlí 2016, höfðu lítinn sem engan áhuga á að kalla eftir þessari skýrslu eða rannsókn fyrr eða síðar og þá sérstaklega eftir að stjórnarmyndunarviðræðurnar hófust frá og með 2. nóvember 2016 til og með 6. janúar 2017 þegar skýrslan birtist á vef fjármála- og efnahagsráðuneytisins. Þetta vekur sérstaka furðu enda öllum opinbert að starfshópurinn var starfandi fyrir kosningar og átti að skila af sér undir lok júlímánaðar skv. erindisbréfi.

Sjá má hér að vefmiðillinn Kjarninn, þ.e. 16. júní 2016, fylgdist vel með þróun mála og því undarlegt að þingmenn hafi ekki verið vakandi um efnið allan þennan tíma en það er reyndar skýringar á því. Sjá má hér að framan að mikið álag var á Alþingi fyrir kosningar en stjórnarandstaðan þrýsti mjög á um að ákveðin afmörkuð mál, ekki önnur, yrðu tekin fyrir á þinginu, önnur ekki.

Það sætir undrun að þar sem að starfshópurinn hafi verið stofnaður eftir að þingsályktunartillaga þingmanna VG var samþykkt og því í raun og sann að undirlægi þeirra að þeir sjálfir hafi ekki fylgst betur með og kallað eftir skýrslunni þegar þeir höfðu umboð til stjórnarmyndunnar fyrir áramót og jafnvel fyrr. Þeim var það í lófa lagið hefðu þeir á annað borð mikinn áhuga á efninu, þ.e. efni sem varðar lágskattasvæði sem þeir samþykktu sjálfir í lög ásamt breytingum fyrir kosningarnar 2013.

Bætir skýrslan einhverju við?

Skýrslan bætir litlu við sem ekki var þekkt. Vitað var að einhverjir svíkja undan skatti og aðrir ekki. Það sem kemur í ljós er hve lítið starfshópurinn virtist vita um umfangið sem hann tók að sér og leggur hópurinn ríka áherslu á að rannsaka þurfi efnið frekar til að ná betur utan um það og fá heildaryfirsýn. Skýrslan er í raun enn drög að stærra verki að mati starfshópsins.

Hins vegar virðist vanta í skýrsluna hverjir það eru sem standa að baki skattsvikunum og tel ég að skattborgarar á Íslandi bíði eftir þeim lista. Hann birtist ekki í þessar skýrslu enda verkið ekki fullunnið, aðeins komin skýrsla sem skýrsluhöfundar segja sjálfir að sé alls ekki tæmandi. Það má vænta að væri þessi listi birtur yrði hann langefstur á Baugi í umræðunni. Það yrði mikil Viðreisn í því ef menn legðu upp úr með að skýra fyrir almenningi lágskattasvæði og hví þau eru í íslenskri löggjöf. En víst er að á Kaupþingum heimsins þekki margir til lágskattasvæða og skattaundanskota en við hér á Íslandi erum rétt að byrja á því námskeiði þar sem væntanlega verður fjallað um efnisval ESB í íslenska löggjöf.

Svo virðist einnig að dr. James S. Henry hafi í raun komið til landsins til að taka starfshópinn í n.k. endurmenntun á sviði aflandsviðskipta, viðskipta sem eru lögleg eftir að Alþingi Íslendinga samþykkti slíkt, m.t.t. tilskipunar frá ESB, inn í lög um tekjuskatt og staðgreiðslu opinberra gjalda.

Því spannar skýrslan efni sem varðar bæði lögleg viðskipti sem og ólögmæt viðskipti. Við þekkjum slíkt hér heima þegar menn svíkja undan sköttum og einnig þegar menn fara að lögum. Því er þetta ekki frétt fyrr en tekið er á þeim sem brjóta af sér enda vitum við öll að mikið er um skattalagabrot frá tímum þeim er við flúðum hingað frá Noregi.

Það sem skýrslan sýnir umfram allt er hve víðæk vanþekking stjórnsýslunnar er, þingheims og almennings á Íslandi á alþjóðaviðskiptum og þeim viðamiklum viðbótum sem innleiddar eru í íslenska löggjöf í formi tilskipanna frá ESB sem Alþingi virðist samþykkja möglunarlaust og greinilega blindandi.

Það lýsir þessu best að þegar breytingar fóru í gegnum þingið fyrir kosningarnar 2013 tók aðeins einn maður til máls umfram framsögumenn en það var Pétur heitinn Blöndal. Hann var líklega eini þingmaðurinn sem vissi ítarlega hvað var á ferðinni þegar þetta rann í gegnum þingið á sínum tíma.

Hvaða þingmenn greiddu götu lágskattasvæða á Alþingi 2013?

Þeir sem greiddu lögmæti lágskattasvæða atkvæði sitt á Alþingi Íslendinga árið 2013 voru eftirtaldir þingmenn sem enn eru á þingi:

• Birgitta Jónsdóttir
• Katrín Jakobsdóttir
• Svandís Svavarsdóttir
• Steingrímur J. Sigfússon ofl.

Nánar má sjá skammstafanir þeirra er samþykktu lögin:

AtlG, ÁI, ÁPÁ, ÁÞS, ÁsbÓ, ÁRJ, BirgJ, BJJ, BjG, BjarnB, BVG, GuðbH, GÞÞ, GBS, HHj, IllG, JóhS, JBjarn, JRG, KJak, KaJúl, KÞJ, KLM, LMós, LGeir, MT, MÁ, OH, ÓGunn, PHB, REÁ, SII, SF, SJS, SSv, TÞH, UBK, VBj, ÖJ.

(*) Aths. Uppfært 12. janúar 2017 eftir að Björn Bjarnason setti á fésbókarsíðu sína tilvitnun í ræðu Bjarna Benediktssonar frá 10. október 2016 (3 dögum fyrir þinglok og tíminn þá liðinn til að leggja málið fyrir þingi).

Það þykir lýsa ljúfum Íslending að óska landa sínum og öðrum til hamingju með afmælið og óska fólki gleðilegra Jóla og farsældar á komandi ári með þökk fyrir allt gamalt og gott. Þegar fólk á erfitt, gengur í gegnum erfiðleika, missir ástvini og ættingja syrgjum við með þeim og samhryggjumst náunganum, sýnum skilning og vilja til hjálpar.

Hjá Ríkisúvarpinu (RÚV) virðist þessu öðruvísi farið hjá einhverjum starfsmönnum þar á bæ. Fá þar einhverjir einstaklingar frjálsar hendur til þess að bæði útvarpa og sjónvarpa sínum persónulegum skoðunum og beita sér gagnvart fólki í þessu landi með gögnum sem hvorki sanna sekt né siðferðisbresti nema helst þeirra sem tóku þau saman og fluttu þau á öldum ljósvakans.

100 ára afmæli Framsóknarflokksins

Í tilefni 100 ára afmælisveislu Framsóknarflokksins norðan heiða, sem þar var haldin til að koma á móts við landsbyggðarfólk nú á aðventunni, sendi starfsmaður RÚV skeyti með SMS til fyrrverandi forsætisráðherra og formanns Framsóknarflokksins og óskaði eftir viðtali. Því skeyti var ekki svarað. Þess í stað ákvað starfsmaður RÚV að skella sér í veisluna óboðinn og óskað þar eftir viðtali við Sigmund Davíð Gunnlaugsson þingmann flokksins sem hann veitti góðfúslega enda hátíðarstund.

Ég hafði óskað eftir viðtali við hann í tilefni dagsins með SMS-skilaboðum, en engin svör fengið. Við ákváðum því að fara á staðinn og kanna hvort hann myndi veita viðtalið, (Heimild: www.visir.is)

Sjá má hér að þó þingmaðurinn svari ekki skeytinu frá þessum starfsmanni RÚV er ekki þar með sagt að hann hafi ekki lesið það.  Fái fólk heillaóskaskeyti frá RÚV með SMS eða önnur skeyti frá vinum og ættingjum er ekki þar með sagt að það sendi annað skeyti til baka heldur tíðkast fremur að hitta viðkomandi og þakka fyrir skeytið.

Ljóst er hér að starfsmaður RÚV mætti þarna í ,,tilefni dagsins“ en ekki í tilefni nokkurs annars og því undarlegt að það þurfi að spyrja starfsmann yfir 86 ára stofnunar (nú opinbert hlutafélag) og þar af 50 ára sjónvarps hvert erindið er fyrir viðtal þegar ,,tilefnið“ hefur þegar verið gefið upp. Því er það starfsmaðurinn sem greinilega gaf upp hvert tilefni viðtalsins var og á fólk ekki að fara í grafgötur með það.

Hvers vegna ekki spurt út í merka sögu Framsóknarflokksins á þessum tímamótum?

Framsóknarflokkurinn átti 100 ára afmæli 16. desember síðastliðinn og var flokkurinn stofnaður þennan dag árið 1916. Fréttamaður RÚV mætti í veislu í ,,tilefni dagsins“ en tók viðtal er fjallaði alls ekki um ,,tilefni dagsins“. Fréttamaðurinn er fæddur 1983 og er sagður verðlaunaður blaðamaður og því talsvert yngri en Framsóknarflokkurinn en aðeins nokkuð yngri en viðmælandinn.

Þingmaðurinn er fæddur 1975 og settist í stól forsætisráðherra 38 ára sem einn þeirra yngstu í sögu þjóðarinnar. Hermann Jónasson var 37 ára þegar hann varð forsætisráðherra, Ásgeir Ásgeirsson var 38 ára og Tryggvi Þórhallsson einnig 38 ára. Allir þessir menn voru framsóknarmenn. Það er einmitt Framsóknarflokkurinn sem sýnt hefur ungu fólki að innan hans er ungu fólki treyst fyrir æðstu embættum þjóðarinnar. Til samanburðar hafa elstu forsætisráðherrar þjóðarinnar komið úr röðum Sjálfstæðisflokksins og Samfylkingarinnar, fylkingar sem reyndar aðeins einu sinni hefur náð svo langt á sínum skamma ferli og er nú nánast horfin fyrir vikið.

Hvers vegna í ósköpunum var ekki hægt að spyrja út í sögu Framsóknarflokksins af þessu ,,tilefni“ hafi verið ætlunin að mæta af því ,,tilefni“ að flokkurinn var hvorki meira né minna en 100 ára og sá flokkur sem lengst hefur verið í ríkisstjórn á Íslandi?

RÚV hefur verið að halda uppá yfir 50 ára sögu sjónvarpsins með sögubrotum frá 50 ára ferli og nýtt sinn vettvang til að koma slíku á framfæri svo greina má yfirflæði af endursýndu en áhugaverðu efni í ríkisfjölmiðlinum sem vissulega sparar talsverða fjármuni. Hér að neðan má greina frá hvaða flokkur stóð að stofnun RÚV til að upplýsa land og lýð um menningu og svo margt annað fróðlegt, græðandi og gefandi. Leitt er þó að fjármunum þeim sem sparast á afmælisári sjónvarps RÚV er þess í stað varið í að ráðast á sitt eigið fólk og draga þjóðina sundur og saman í ágreiningi sem í raun er lítill og talsvert smáræði.

Mótmæli og mæting ferðamanna við Austurvöll virðist heldur ekki góð mæling á ágreining gagnvart ríkisstjórn sé miðað við síðastliðnar kosningar.

Sigmundur Davíð og saga Framsóknarflokksins í ófáum dráttum

Sigmundur Davíð Gunnlaugsson hefur svo sannarlega sannað sig og gerði það sem fáum hugnaðist að tækist. Hann kallaði eftir hugarfarsbreytingu fyrir kosningarnar 2013 sem miðaði að því að leggja skatt á kröfuhafa hinna föllnu banka með lögmætum hætti og innheimta um 300 milljarða til handa þjóðinni, Íslendingum. Hann gerði gott betur en það eftir að hafa sannfært sjálfstæðismenn um myndun þeirrar stjórnar sem nú situr enn þrátt fyrir ákall vinstri manna um ótímabærar kosningar síðastliðið haust.

Á þeim 100 árum sem Framsóknarflokkurinn hefur dafnað á meðal íslensku þjóðarinnar hefur þessi flokkur setið í ríkisstjórn í 62 ár og á afmæli flokksins var forsætisráðherra þjóðarinnar einmitt úr þessum merka flokki, þ.e. Sigurður Ingi Jóhannsson. Aðeins þetta eitt og sér ætti að gefa fréttamanni RÚV tilefni til fjölmargra spurninga í ,,tilefni dagsins“.

Hér að auki skal stiklað á stóru úr sögu Framsóknarflokksins og íslensku þjóðarinnar sem er samofin:

• Þróun íslenskra stjórnmála úr sjálfstæðisbaráttu í efnahagsbaráttu og uppbyggingu
• Fullveldi Íslands 4. janúar 1917 eða fáeinum vikum eftir stofnun Framsóknarflokksins
• Landverslun stofnuð til að efla utanríkisverslun
• Kaupfélög stofnuð víða um land
• Framsóknarflokkurinn lagði mikla áherslu á milliríkjaverslun til að efla framboð á nauðsynjavörum
• Kreppan mikla á 3. áratug 20. aldarinnar þar sem myndað var bandalag við Alþýðuflokkinn
• Stofnun Síldabræðslu ríkisins á Siglufirði, stofnun Skipaútgerðar ríkisins, stofnun RÚV, efling Landhelgisgæslunnar var verk Framsóknarflokksins ásamt samstarfsflokki hans
• Stórsókn í skólamálum með stofnun Héraðsskóla um land allt
• Stjórn hinna vinnandi stétta eftir alþingiskosningarnar 1934
• Iðnaður efldur umtalsvert og heildstæðu almannatryggingakerfi komið á
• Sjálfstæði Íslands í kjölfar innrásar Þjóðverja í Danmörk og heimstyrjaldarinnar eftir 1939
• Ríkisstjórn Hermanns Jónassonar lagði áherslu á bæta skilyrði sjávarútvegs og gera hann sjálfbærann
• Efnahagsástandið batnaði og lifði þessi þjóðstjórn til 1942 þegar Ólafur Thors myndaði stjórn (Ólafíu)
• Stofnun Atlandshafsbandalagsins (NATO) 1949 þar sem Framsóknarflokkurinn klofnaði í afstöðu sinni og Hermann Jónasson sat hjá
• Kosningabandalag vinstri flokka og stjórn Hermanns Jónassonar 1956 sem var ósamstíga, t.a.m. í utanríkismálum
• Útfærsla landhelginnar í 12 mílur 1958
• Ólafur Jóhannesson myndaði stjórn 1971 eftir að Framsóknarflokkurinn hafði verið utan stjórnar í 12 ár og farið aftur í stækkun landhelginnar, nú úr 12 í 50 mílur
• Árið 1975 var landhelgin svo færð úr 50 mílum í 200 mílur og var þetta gríðarlega mikið hagsmunamál fyrir Íslendinga en skóp engu að síður miklar deilur við Breta
• Sættir við Breta 1976 eftir að Íslendingar höfðu slitið stjórnmálasambandi við þá
• Verðbólgutímabilið 1980-1991 þar sem Framsóknarflokkurinn var í stjórn
• Efnahagsuppgangur og kerfisbreytingar 1995 þegar Framsóknarflokkurinn var í ríkisstjórn Davíðs Oddssonar
• Icesave þar sem Sigmundur Davíð Gunnlaugsson var framarlega á meðal jafningja í að krefjast þess að íslenskir skattgreiðendur gengust ekki undir skuldbindingar fyrir einkafyrirtæki sem stefndu í þrot í kjölfar fjármálahruns
• Endurreisn efnahagslífsins undir forystu Framsóknarflokksins 2013 til dagsins í dag
• Endurútreikningur og endurgreiðslur til þeirra er fengu ekki leiðréttingar á lánum sínum eftir hrun fjármálakerfisins
• Álagning skatts og samningar við kröfuhafa föllnu bankanna sem kallaði eftir a.m.k. 300 milljörðum sem Sigmundur Davíð Gunnlaugsson gat um fyrir kosningarnar 2013 og efndi á liðnu kjörtímabili og gott betur.
• Nýting fjármuna sem fengust úr höndum kröfuhafa með lögmætri skattlagningu og samningum ráðstafað til að leiðrétta A-hluta lífeyrissjóðs opinberra starfsmanna, sem hefur verið í umræðunni um árabil, um rúma 100 milljarða
• Ný fjárlög sem miða nú fremur að því fyrir árið 2017 að skapa ekki verðbólgu en mæta nauðsynlegum umbótum á heilbrigðis-, mennta- og samgöngukerfinu.

Ætla mætti að þetta hafi getað gefið fréttamanni RÚV tilefni til margra spurninga í ,,tilefni dagsins“ á 100 ára afmæli þessara merku stjórnmálasamtaka á Íslandi.

Viðhorf og sátt

Í Suður Afríku ríkti aðskilnaðarstefna lungað úr þeim tíma sem þessi 100 ár hafa varað frá stofnun Framsóknarflokksins. Hún varði frá 1948 til 1991 en vissulega var hún viðloðandi í raun og sann alla tíð fyrir kosningarnar 1948 þó hún hafi sérstaklega verið tekin upp á því ári. Þessi skelfilega stefna gerði það að verkum að fólk átti mjög bágt svo orðum verður vart komið þar að til að lýsa hörmungunum.

Hitt stendur þó eftir en það er sú sátt sem náðist undir lok tímabilsins og eftir það. Þar markaði einn maður umfram aðra djúp spor í sandinn. Lögfræðingurinn Nelson Mandela var leystur úr haldi árið 1990 eftir að hafa setið inni í 27 ár í fangelsi á Robben Eyju (e. Robben Island), Pollsmoor fangelsinu og Victor Vestor.

Þrátt fyrir þær hörmungar myndaðist sátt í þessu landi langt suður af Íslandi og nærri öðrum pól en þeim sem við búum við. Talið er að þetta sé ein merkilegasta sátt sem náðst hefur varðandi heimsfrið í sögunni.

Hvers vegna getum við Íslendingar ekki fundið þessa sátt í hjörtum okkar?

• Er ekki óþarfi fyrir Ríkisútvarpið, sem svo sannarlega á að leita svara við mörgum spurningum fyrir land og lýð, að stuðla að sundrungu í eigin landi eftir þá erfiðleika sem þjóðin hefur nú gengið í gegnum?
• Er ekki rétt að við gerum þá kröfu til Ríkisútvarpsins að það ritrýni þær skýrslur og það efni sem berst þeim áður en það fer í loftið samanber umfjöllun um Panamaskjölin svokölluðu þar sem allt var lögmætt þar á ferð varðandi fjölmarga og saklaust fólk borið saman við harðvítuga alþjóðlega glæpahunda?
• Er ekki rétt að Ríkisútvarpið meti þá löggjöf sem í gildi er á Íslandi á hverjum tíma (sbr. lög um lágskattasvæði sem samþykkt voru eftir endurskoðun á Alþingi fyrir kosningarnar 2013) áður en umfjöllun fer í loftið?
• Er ekki rétt að ræða um 100 ára afmæli hafi á annað borð verið sent skeyti þess efnis að markmið viðtalsins væri að ræða við viðkomandi í ,,tilefni dagsins“?

Það er ekkert að því að spyrja spurninga en það skiptir máli hvaða hugur býr að baki. Það er allt í lagi að koma fólki á óvart en slíkt verður að miðast við almennt velsæmi. Það er allt í lagi að birta myndir af fólki en það verður einnig að vera í samræmi við almennt velsæmi og virðingu við þann sem myndin er af.

Við höfum öll áhrif á umhverfið okkar. Sum viljum við undir þrýstingi (e. peer pressure) fullnægja óskum hópsins sem við vinnum í kringum. Við viljum einnig vinna til verðlauna og fá viðurkenningu á okkar starfssviði.

Með vísan í okkar forfeður skiptir máli orðstýr og það er hverjum sem er heimilt að verja sinn orðstýr sé að honum vegið. Eftir allt ber ég mikla virðingu fyrir Sigmundi Davíð Gunnlaugssyni þó svo að hann sé eins og hann er, þrasgjarn eins og ég sjálfur, fastur fyrir og sérlundaður eins og við öll erum í raun og sann.

Berum virðingu fyrir náunganum og látum ekki leiða okkur út af sporinu sem þjóð.

Deyr fé,

deyja frændur,

deyr sjálfur ið sama.

En orðstírdeyr aldregi

hveim er sér góðan getur.

(Heimild: Úr Gestþætti Hávamála)

Gleðileg Jól kæru lesendur og hamingjuríkt ár 2017, þakka liðið.

Bjarni Benediktsson, formaður Sjálfstæðisflokksins

Það var ánægjulegt að vakna upp hér í höfuðborg Kambódíu í morgun. Eftir langa rigninganótt gekk maður út í sólina og naut þess þegar hitinn læsti sér í þykkt holdið. Eftir að hafa fengið ótal hitaeiningar í skrokkinn gekk maður aftur inn, hitaði sér kaffibolla, kveikti á kælingunni og las afar ánægjulegar fréttir að heiman hér í morgunsárið. Þá er klukkan um 1 eftir miðnætti heima á Íslandi enda 7 tíma munur.

Nú hefur konan haldið af stað í búddahofið ásamt dætrunum, afa og ömmu (langafa og langömmu dætranna). Þar munu þau öll fylgja búddamunkum í lofsöng enda Kathina hátíðin gengin í garð hjá Theravada búddistum með tilsvarandi bænum. Kathina athöfnin var upphaflega haldin af Buddha sjálfum til handa ófaglærðum í búddafræðum í lok 3. mánaðar Vassa. Búddismi er hófsöm trú þar sem djúpvitur heimspeki er reifuð og beðið um fátt annað en að gerast betri, mun betri í dag en í gær.

Hátíðarhöldin heima snúast nú um stórsigur frjálslyndra og hægriafla á Íslandi. Þegar tölur eru skoðaðar sé ég í fyrstu á Bjarni Benediktsson vinnur stórsigur í eigin kjördæmi, þ.e. Suðvesturkjördæmi. Þar hlýtur listi Sjálfstæðisflokksins tæplega 35% atkvæða og 5 menn inn. Vilhjálmur Bjarnason er því inni ásamt fríðu liði undir forystu Bjarna. Hitt sem stendur eftir er afhroð Samfylkingarinnar sem er með undir 7% fylgi og nær engum manni inn í Suðvesturkjördæmi. Nú er svo komið að þegar þetta er ritað, rétt eftir miðnætti heima á Íslandi en snemma morguns hér í Kambódíu, hafa verið talin rétt rúm 26 þúsund atkvæði í þessu kjördæmi einu og tæp 64 þúsund á landsvísu.

Árni Páll Árnason er dottinn út af þingi. Það er stórfrétt ef það verður niðurstaðan (64 þús atkv. talin). Nýjar tölur voru að berast. Árni Páll er inni en þess í stað datt Össur út. Þetta fer að minna mann á þegar Samúel Örn Erlingsson, Framsóknarflokki, var inni og úti alla nóttina hér um árið. Nú hafa verið talin 79 þúsund atkvæði fyrir landið allt þegar þessu var bætt við. Svo virðist sem Samfylkingin sé, nú þegar þetta er ritað, að halda í uppbótarþingmann sem rokkar á milli kjördæma. Því eru líkur að annaðhvort fari Árni Páll út eða Össur inn, þ.e. ekki báðir. Nýjar tölur voru að berast. Talin hafa verið tæplega 87 þúsund atkvæði og er þá Árni Páll dottinn út af þingi en þess í stað er Sigríður Ingibjörg Ingadóttir inni sem uppbótarþingmaður. Össur er því enn úti.

Guðlaugur Þór, Áslaug og Birgir eru inni í Reykjavík norður og Ólöf Nordal tekur Brynjar og Sigríði Á. Andersen með sér á þing. Þetta eru því 6 menn úr Reykjavíkurkjödæmunum. Samfylkingin nær engum inn í Reykjavík suður en einum í Reykjavík norður. Sjá má að Píratar eru heillum horfnir í Reykjavík frá því sem skoðanakannanir höfðu gefið í skyn.

Formaður Samfylkingarinnar kemst á þing. Í Suðurkjördæmi fær Samfylkingin einn mann. Oddný er því ekki dottin út af þingi skv. þessum tölum. Páll Magnússon tekur með sér 3 þingmenn og vinnur góðan varnasigur í Suðurkjördæmi fyrir Sjálfstæðisflokkinn með samtals 4 menn á þing. Hann er að standa sig mjög vel þar.

Unnur Brá Konráðsdóttir hefur greinilega hvatt konurnar á kjörstað sem og aðra öfluga stuðningsmenn sína. Unnur heldur sæti sínu á þingi skv. þessum tölum og það er vel. Píratar fá þar aðeins einn mann kjörinn og í þessu sterka Framsóknarflokkskjördæmi nær formaður Framsóknarflokksins 2 inn. Það er vissulega varnarsigur, ekki meira en það þó.

Smári McCarthy Pírati og forsætisráðherraefni þeirra er komin á þing gangi þetta eftir og hefur þá fengið lýðræðislegt umboð skv. stjórnarskránni sem í gildi er til að láta ljós sitt skýna á næsta kjörtímabili. Má ætla að þar geti hann lagt fram tillögur um borgaralaun og frumvarp til laga um a.m.k. 40% atvinnuleysi.

Sé litið á Norðvesturkjördæmi má sjá þar Teit Björn Einarsson komast á þing en hann er sonur Einar Odds Kristjánssonar heitins. Mjög öflugur maður þarna á ferð sem vissulega mun láta að sér kveða. Þaðan koma 3 þingmenn inn fyrir Sjálfstæðisflokkinn.

Í Norðausturkjördæmi nær Valgerður Gunnarsdóttir inn og Sjálfstæðisflokkurinn þar því með 3 þingmenn. Þetta er afar ánægjulegt enda Valgerður vönduð kona og öflugur þingmaður. Þar kemur að auki inn á þing nýr og skeleggur sjálfstæðismaður að nafni Njáll Trausti Friðbertsson. Framsókn heldur þar tveimur og nær því Sigmundur, fyrrverandi formaður Framsóknarflokksins, inn tveimur mönnum þar eins og Sigurður Ingi fyrir sunnan. Þessi tvö sterkustu kjördæmi Framsóknarflokksins eru ekki að skila fleiri þingmönnum en 4. Þar er mikið verk að vinna fyrir þann flokk að ná til baka því fylgi þó síðar verði.

Því er ljóst að Bjarni Benediktsson, fylgismenn hans og Sjálfstæðiflokkurinn eru sigurvegarar þessarar kosninga. Þetta er síðast en ekki síst sigur sjálfstæðisfólks um land allt og sjálfstæðisstefnunar sem byggist á traustum grunni frelsis og ríkrar lýðræðisvitundar flokksmanna.

Til hamingju kæru flokksfélagar.

Með kveðju,

Sveinn Óskar Sigurðsson, Phnom Penh borg, Kambódía

Hér stendur maður enn á ný á kínverskri grundu.

Það kvað vera fallegt í Kína.

Keisarans hallir skína

hvítar við safírsænum.

En er nokkuð yndislegra

– leit auga þitt nokkuð fegra –

en vorkvöld í vesturbænum?

Þannig orti Tómas Guðmundsson en hér lýsir skáldið einum fegursta bæjarhluta Reykjavíkur og yndisleik Kína sem enn má fynna hér í ,,vesturbænum“ í Peking, þ.e. í bæjarhlutanum Sanlitun. Hér í Kína þrengja vinstrimenn reyndar ekki göturnar eins og heima á Íslandi.

Laugardaginn 29. október næstkomandi ganga Íslendingar að kjörborðinu, sem reyndar er ekki í boði hér í Kína, a.m.k. ekki enn sem komið er, og kjósa sér fólk til setu á Alþingi. Ófáir sem eru framboði hafa boðað byltingu, æft sig í margvíslegum vopnaburði fyrir þessi átök sem nú standa yfir en þó oftar en ekki eru þau vopn okkar ástkæra ylhýra, penninn og rökfræðin.

Það eru þó ófáir frambjóðendur nú sem eru tilbúnir í enn frekari átök, atlögu að kjarna íslenskrar þjóðmenningar. Ætlunin er að misbeita valdinu, gjörbylta stjórnarskránni og ná völdum til frambúðar með það að leiðarljósi að ná fram sínum hugmyndum um vinstra Ísland, nýkommúnisma með tilsvarandi blekkingum og óhróðri. Til þess arna vilja þessir aðilar fjölga vinstri mönnum með því að hækka eymdarvísitöluna eins og kostur er og tryggja að eymdinni sé dreift jafnt á milli manna, þ.e. karla og kvenna, barnafólks og aldraðra. Það eiga því allir að ,,njóta“ eymdarinnar jafnt.

RÚV hefur riðið á vaðið á þessu ári og nú rétt fyrir kosningar var Kastljós með hundgamalt innlegg en setti það í annan búning til að tryggja enn frekari óhróður til að koma byltingunni á, breytingum sem geta valdið straumhvörfum í íslenskum stjórnmálum. Þar verður frelsið undir, eignarrétturinn og súrefni sogað frá atvinnulífinu.

Það er þekkt að það fyrsta sem byltingarmenn taka yfir eru sjónvarps- og útvarpsstöðvar. Það er löngu orðið ljóst hvert stefnir. Fjölmargir lepja þetta upp og það er með ólíkindum hve margir fylgja vinstri öflum nú að máli. Það er ógn við öryggið í landinu, ógn við viðskiptaumhverfið, stöðugleikan og framtíðaruppbygginu á Íslandi.

Byltingin á Íslandi er rétt að hefjast en hverjir munu mæta á kjörstað nú og standa vörð um frelsið, árangurinn, lýðræðið, lýðveldið og menningu okkar?

Mætið á kjörstað eða missið verðmæti ykkar ella.

Árangurinn sem náðst hefur er ekki og var ekki sjálfsagður hlutur. Ekki mun bylting á stjórnarskrá ná verðbólgunni neðar eða lækka vexti, tolla, gjöld og aðra skatta.

Hinir mætustu einstaklingar eru ataðir auri, reknir af vellinum með sóðaummælum sem engar stoðir eru fyrir en efnið sett í áróðursbúning sem við værum öll búsett í Norður Kóreu en ekki í Kína. Íslensk fjölmiðlun er lömuð og léleg. Fjölmiðlamenn margir hverjir skilja ekki áhættuna sem í þessu felst. Efnafræði stjórnmálanna verkar á fólk rétt eins og hvarfgjörn efni neðarlega í lotukerfinu. Séu óvitar að verki eru meiri líkur á að illa fari.

Íslensk fjölmiðlun er orðin öllu verri en í Kína þar sem Keisarans hallir skína. Það er þó einhver gleði innan um allt ruglið. Enginn er nú keisarinn og hallirnar vart sjáanlegar fyrir mengun. Við búum við mengun af öðru tagi á Íslandi í dag. Sú mengun stafar af strompleiknum á RÚV. Fólk er þar tekið af lífi pólitískt og það opinberlega af ríkisfjölmiðli og oftar en ekki í beinni útsendingu. Lögreglan er lömuð og öll öryggissjónarmið dregin í efa, dómstólar talaðir niður og grunnstoðir aðrar veikburða.

Eigum við að gera aðra tilraun á Íslendingum og hleypa nú óvitunum að stjórnartaumunum? Vinstri menn stjórna ESB, Venesúela, Vesturbænum og einnig Kína. Vinstri menn stjórna RÚV og verkalýðshreyfingum Íslands. Vænta má að þeir stjórni brátt Alþingi Íslendinga.

Hvað munt þú gera gegn vinstri vá?

Nú kýst þú Sjálfstæðisflokkinn.

Áfram Ísland !

Með kveðju frá Peking.

PS. Höfundur er á framboðslista Sjálfstæðisflokksins í Suðvesturkjördæmi fyrir næstkomandi kosningar. Kosið var utankjörfundar áður en haldið var til Kína og hér með er skorað á alla að mæta og kjósa utankjörfundar verði fólk ekki heimavið á kjördag.

Kæru Íslendingar.

Í dag var með þessum lögum HÉR samþykkt frá Alþingi Íslendinga að afnema fjármagnshöft í landinu.

Þessi fyrsti áfangi er stórkostlegt afrek en aðallega má rekja þennan árangur til staðfestu fyrrverandi forsætisráðherra, Sigmundar Davíðs Gunnlaugssonar. Ekki má gleyma traustu samstarfsfólki hans og samstarfsflokki í ríkisstjórn en hann lagði upp með þetta sem var eitthvað er fáir höfðu trú á.

Því er tilefni til að fagna og þakka honum þennan árangur, þakka honum fyrir gott starf fyrir land og þjóð sem og öllum öðrum er lögðu þarna hönd á plóg.

Nú er bjart yfir Íslandi þrátt fyrir miklar rigningar þessi dægrin.

Til hamingju Íslendingar.

Sjálfstæðisflokkurinn er breiður og opinn stjórnmálaflokkur

Nú rétt eftir að RÚV bar sigur úr býtum í tveimur kosningum, þ.e. fyrst til forseta og svo til formanns í Framsóknarflokknum, er stefnan tekin á Alþingiskosningarnar. Í gær var viðtal við McCarthy sem virðist hafa slegið nýtt met í ótrúlegri ósvífni gagnvart vinnandi fólki á Íslandi og lagði til e.k. letingjalauna sem kostað gætu landsmenn um eða yfir þúsund milljarða á ári eða sem nemur um 150% af tekjum ríkisins. Sjálfsagt að hjálpa fólki sem á erfitt en þetta er of mikið af hinu ,,góða“ enda ógerlegt. Ekki að undra að fleiri vilja fá sér jónu eftir að RÚV birti þetta viðtal og telja má að stjórnendur þáttarins hafi tekið slatta af verkjatöflum til að eiga við efnið. Þegar menn ræða um áfallahjálp er rétt að geta þess að ef maður lokast í lyftu stendur slíkt í boða en ekki eftir að hafa kveikt á RÚV og meðtekið ruglið sem þar fer fram.

Einhverjir örvæntingafullir vinstri menn hafa hannað e.k. skoðanakönnun sem fer nú eins og eldur í sinu um netheima. Þar eru ásarnir í tvívídd en eins og allir vita lifa vinstri menn ekki í þrívídd, aðeins í tvívídd. Benda má m.a. á að Reykjavíkurborg, þ.e. meirihlutinn þar, hefur andúð á flugi og þrengir vegi sem bendir til þess að þar á bæ starfi menn ekki með það í huga að flug, og þá sérstaklega sjúkraflug, sé mikilvægt. Ætti það að færa sönnur fyrir því að þeir hugsi fremur í tvívídd í stað þrívíddar. En þar sem þeir lifa í þrívídd en hugsa í tvívídd bendir slíkt til alvarlegra þrenginga.

Nú er svo komið að tvívíddin er á tveimur ásum hnitakerfisins. Á öðrum enda x-ássins (þ.e. lengst vinstra megin) er höfð félagshyggjan eins og þessir spekingar orða það og á hinum endanum (þ.e. lengst hægra megin) er höfð markaðshyggjan. Á y-ásnum trónir efst alþjóðahyggja en neðst þjóðhyggja sem er alveg ótrúlega vitlaus nálgun. En svona er þetta lagt upp. Sé Sjálfstæðisflokkurinn settur í þessa tvívídd vinstri manna kemur í ljós að hann spannar allt sviðið á meðan aðrir flokkar raða sér með einhverjum óreglulegum hætti á vinstri hliðina þar sem neikvæðu stærðirnar er að finna.

Heimild: Hagstofa Íslands (Okt. 2016)

Félagshyggja

Vinstri flokkar á Íslandi eru ekki félagshyggjuflokkar. Það er Sjálfstæðisflokkurinn sem er félagshyggjuflokkur. Hinir flokkarnir eru byltingaflokkar byggðir á afar veikum stoðum þar sem ekki virðist hægt að safna saman nægjanlegum fjölda til að kjósa þar með lýðræðislegum hætti um menn og málefni innanbúðar. Sjálfstæðisflokkurinn byggir á því að tryggt sé að hægt sé að efla atvinnulíf það mikið að fólk haldi atvinnu, geti fengið mannsæmandi laun, að atvinnuleysi sé lítið og að skatttekjur til hins opinbera íþyngi fólki ekki heldur stuðli að því að skapa tekjur með sjálfbærum hætti til að bera megi uppi öflugt heilbrigðis-, mennta- og tryggingakerfi.

Markaðshyggja

Það vita það allir að við verðum að láta neytendur ráða verðlagi með því að virkja samkeppni á markaði og tryggja að markaðslögmálin séu virk og markaðurinn sé sem skilvirkastur. Það að treysta ekki á að samkeppnis- og eftirspurnarlögmálin virki er eins og að afneyta þyngdarlögmálinu. Þeir sem vinna og starfa í tvívídd gætu svo sem lagt slíkt til en það er fásinna að halda öðru fram en að það geti komið almenningi til góða að það sé einmitt hann sem velur tannkremið og ekki sé e.k. ríkistannkrem aðeins í boði Marteins Mosdals. Markaðurinn á að velja og hafna því sem í boði er en vinstri menn vilja ríkisvæða allt og treysta sjálfum sér og öðrum ekki fyrir því að velja sér lækna og fullyrða að læknum sé ekki treystandi til að reka sín fyrirtæki eins og bifvélavirkjar fá að gera í dag.

Alþjóðahyggja

Við vitum að vinstri menn margir vilja ganga í ESB. VG barðist fyrir því fyrir kosningarnar 2009 að ekki yrði gengið í ESB en braut það loforð, þ.e. forystumenn VG. Það er ekki alþjóðahyggja að vilja fara í búrið hjá ESB. Þar rís nú girðingaveggur um allt og gaddavírsframleiðendur í Ungverjalandi hafa ekki undan sökum eftirpurnar. Þar sjá þeir reyndar að eftirspurnar- og framboðslögmálin gilda þó svo að þeir sem vilja fara inn í girðinguna og eru frá Íslandi skilji það ekki. Nei, Sjálfstæðisflokkurinn hefur starfað ötullega að því að tryggja sjálfstæði Íslands ásamt því að gera milliríkjasamninga, án framsals fullveldis, og auka viðskipti á milli landa. Það eru því til fleiri lönd en þau innan ESB sem nú búa innan gaddavírs.

Þjóðhyggja

Þjóðarvitund, tungumálið og trúin eru þeir þættir sem gera okkur að þjóð. Um þetta ber að standa vörð. Þjóðverjar átta sig á þessu þó þeir búi innan ESB enda hafa þeir tryggt að evruseðlarnir, sem þýska ríkið tryggir, séu sér merktir ef skipta ætti út fyrir markið síðar. Þeir vita alveg hvað þeir syngja og nú eru þeir að fara að losa sig við Merkel sem hefur farið á skjön við lögmál eftirspurnar- og framboðs en þar má sjá að framboð vinnuafls er að aukast og nú eru komnir fleiri en það og svo miklu fleiri en það til viðbótar. Það kallar á kostnað og því er verið að leggja gaddavír við landamæri ESB og Schengen sem átti að vera opið og bert í báða enda. Við erum þjóð, eða er það ekki? Nú þá skulu menn koma fram og segja mér annað ef þeir vilja ekki vera hluti af íslenskri þjóð. Vinstri menn hafa ávallt, og þá sérstakleg kommúnistar, brjóta niður kirkjur, trú og traust á yfirvöldum til að koma sjálfum sér að. Það er vel þekkt en við hin, sem viljum þá ekki, verðum bara að þekkja þá og svara þeim.

Kjósum XD – Áfram Ísland !

Sigurður Ingi Jóhannsson

Sigurður Ingi Jóhannsson, forsætisráðherra var rétt í þessu kjörinn formaður Framsóknarflokksins með 41 atkvæði umfram það sem fyrrverandi formaður flokksins, Sigmundur Davíð Gunnlaugsson, hlaut. Sigurður hlaut 370 atkvæði en Sigmundur 329.

Kosningaþátttakan vekur athygli en aðeins 703 greiddu atkvæði í þessum mesta kosningaslag um æðsta embætti Framsóknarflokksins sem sögur fara af og það á 100 ára afmæli flokksins. Það greiddu aðeins 67,40% þeirra sem atkvæðabærir voru í þessum kosningum en þeir voru 1.043. Það vekur sérstaka undrun.

Niðurstaðan liggur fyrir og það virðist sem mikið verk bíði Sigurðar Inga við að byggja upp flokkinn innávið, tryggja stoðirnar og ráðast í erfiða kosningabaráttu nú fyrir Alþingiskosningar.

Sigurður Ingi Jóhannsson, 54 ára að aldri, má vel við una enda virðist sem Sigmundur Davíð Gunnlaugsson, 41 árs að aldri, hafi mikið fylgi innan flokksins. Framsóknarflokkurinn hefur kosið sér afar góðan formann með mikla reynslu. Vakti það athygli að Sigurður Ingi, í ræðu sem hann flutti eftir að niðurstaðan í formannskjörinu var orðin ljós, bað alla fundarmenn að rísa úr sætum, þakkaði Sigmundi Davíð fyrir góð störf á erfiðum tímum og bað fundarmenn með þessu að votta honum virðingu sína.

Sigurður Ingi hefur því hafið sáttaferlið. Hann á að geta unnið það verk og sameinað Framsóknarmenn að baki sér. Hann er maður sátta þrátt fyrir allt sem á undan er gengið. Þegar þetta er ritað eru sterkar líkur á að Lilja Alfreðsdóttir verði kjörin varaformaður og breytist þá ásýnd flokksins mikið.

Gangi ykkur vel Framsóknarmenn og til hamingju með nýjan formann.

Sigmundur Davíð Gunnlaugsson formaður Framsóknarflokksins

Frá því löngu fyrir Krist hafa menn fjallað um réttlætið. Þrátt fyrir að í árhundruði hafi menn fjallað um þetta hugtak virðist sem að þroskinn sé ekki meiri en svo að heimskan eigi ekki greiða leið að hugskotssjónum manna. Um þetta hafa heimspekingarnir rætt um í aldir. Eitt sem virðist þó einkenna þekkingagrunn þjóða sem hafa náð langt er að þorri almennings er bæði vel læs og skrifandi.

Fjölmiðar gegna mikilvægu hlutverki. Það sem hefur gerst frá því fyrir Krist og til miðalda er að í stað steinblokka, papírus og kálfskinns kom pappír og svo prenttæknin. Ljósvakarnir ollu byltingu og nú samfélagsmiðlar eftir að netnotkun er orðin almennari um allan heim.

Eitt gott dæmi um þessa öru þróun og byltingu nú um okkar daga er að það er talið vera mannréttindarmál að byggðir utan þéttbýlis í Bandaríkjunum hafi greiðan og hraðan aðgang að upplýsingum um ljósleiðara. Þetta óttast ríkisfjölmiðlar og róa um þessar mundir lífróður. RÚV hefur valið leið rætninnar, óvandaðrar fréttamennsku sökum illa launaðra ríkisstarfsmanna og sérhæft sig í neikvæðri fréttaumfjöllun í almennri dreifingu til að halda athygli almennings að einhverju spennandi þó slíkt sé rekið á kostnað skattgreiðenda, almenns siðgæðis og réttlætis.

Það er ekki gott að verða undir þessum ríkisrekna en úrelta valtara og vera svo tekinn upp með kíttispaða … ójbara.

Á Íslandi hefur hraðinn aukist og svo mikið að saman fer nú bæði ígrunduð skynsemi og mikill sori á ljóshraða manna í millum. Keppnin snýst nú ekki um gæðin lengur heldur að í stað hávaða og nánast útdauðrar einokunar komi fjöldi rætinna skilaboða. Hvers vegna má það vera? Er Gróa á Leiti ekki löngu dauð?

Vil ég í þessu efni minnast á tvær vísur sem styðja við að Gróa mun líklega lifa flesta heimspekinga af:

Vondra róg ei varast má

varúð þó menn skeyti,

mörg er Gróa málug á

mannorðs þjófa Leiti.

Það hefur verið lengi vitað að Gróa á Leiti var ein söguhetja Jóns Thoroddsens, skálds og sýslumanns, afa Gunnars heitins Thoroddsens fyrrum forsætisráðherra. En framangreind vísa var ort  af Sigurbirni Jóhannssyni (ljóðabók hans, Winnipeg 1902) frá Fótaskinni, sem fluttist til Kanada, faðir skáldkonunnar Jakobínu Johnson.

Síðar orti okkar ástkæra skáld, Þórarin Eldjárn, eftirfarandi kvæði:

Þegar hún Gróa á Efstaleiti lýgur

er ljósvakinn varla nægur

og orðrómurinn um allar jarðir flýgur,

svo óhlutdrægur.

Svo er komið nú að RÚV hefur með afgerandi hætti gengisfellt fréttamennsku á Íslandi með framferði sínu síðustu ár. Allt er slíkt unnið sökum þess að ríkismiðillinn rær lífróður. Óvönduð meðferð gagna og upplýsinga um samborgara okkar og ráðamenn hefur leitt af sér undirmál og um samfélagið streyma nú ótrúlegar samsæriskenningar um fyrrum forsætisráðherra Íslands, þ.e. Sigmund Davíð Gunnlaugsson.

Það er hreint með ólíkindum hve langt RÚV hefur náð með því að ganga þarna, hugsanlega ómeðvitað, erinda kröfuhafa og vinstri öfgaafla á Íslandi. Má ætla að einstaka embættismenn rói einnig undir. RÚV er reyndar uppfullt af embættismönnum hjá hinu opinbera einokunarhlutafélagi. Flestir hafa þeir fjárfest í sama lottómiðanum. Þeir hafa tekið áhættu í störfum sínum við samninga við kröfuhafa og með því að deila meiðandi upplýsingum sem leitt hafa til ólgu og uppreisna. Flest er þetta allt að ósekju nú allra síðustu ár. Auk þess er verið að grafa undan þrískiptingu ríkisvaldsins með því að framkvæmdavaldið seilist enn lengra en áður í að rægja þingmenn í gegnum RÚV og hafa í hótunum við þá á opinberum vettvangi eða með beinum hætti. Viljum við þetta Ísland?

Það er því mikið undir fyrir þessa aðila að ná að svæla ,,óværuna“, kraftmikinn einstakling sem stóð við kosningaloforðin, út af Alþingi Íslendinga og eyðileggja orðsporið eins og kostur er. Allt er þetta til þess eins að geta þæft glæpinn gegn Íslendingum og dregið fjöður yfir eigin gjörðir síðustu árin, þ.e. bæði fyrir og eftir hrun. Fremst í flokki fer RÚV og þar er enn og aftur nýtt almannafé rétt eins og við greiðslu launa þeirra embættismanna sem vildu selja Ísland með ICESAVE. Allt þetta er gert til að róa að því öllum árum að ná af almenningi eina rétti sínum, þ.e. rétti sínum til að geta sýnt saklausum réttlæti.

Varaformaður Framsóknarflokksins er vandaður maður og fer enginn í grafgötur með það. Hins vegar verða Framsóknarmenn að gera það upp við sig um næstu helgi hvort þeir vilji að RÚV verði hampað eða réttlætinu.

Framsóknaflokkar þurfa að sýna styrk.