Guðni Ágústsson féll fyrir lambakjötinu og var festur á filmu við iðju sína þar sem hann lét vel að innra læri, bóg og lambaskönkum. Ráðherrann fyrrverandi var ásamt konu sinni Margréti Hauksdóttur í heimsókn hjá Guðmundi Gíslasyni matreiðslumanni sem hefur að undanförnu haldið úti frábærum matreiðsluþáttum á ÍNN!
Guðmundur hefur í þáttum sínum „Eldhús lambsins“ á einfaldan og skýran hátt sýnt hvernig unnt er að matreiða ljúffengt íslenskt lambakjöt á mismunandi vegu. Skylduáhorf fyrir matgæðinga og þá sem vilja gera góða rétti úr íslensku lambakjöti!
Eins og áður segir var ástsælasti landbúnaðarráðherra þjóðarinnar gegnum tíðina- Guðni Ágústsson og kona hans Margrét Hauksdóttir- gestir í „Eldhúsi lambsins“ í gærkvöldi og smökkuðu á kræsingunum. Það var greinilegt að innra lærið, bógurinn og skankarnir smökkuðust frábærlega. Það var nánast hægt að finna lyktina gegnum skjáinn!
Þau yrðu góð saman Nigela og Gummi Gísla 🙂
Hallur Magnússon
Ekkert jafnast á við blessað íslenska lambakjötið.
Skrítið hjá þér að stunda það að búa til nýja fortíð á óuppgerðum tíma. Guðni misfór með opinbert fé samkvæmt skýrslum. Sunnlendingum fannst enginn missir í honum en fannst Halldór haga sér ruddalega við að losa framsóknarflokkinn við hans hringlandahátt. þþ
„ástsælasti landbúnaðarráðherra þjóðarinnar“ – Jesús minn!
Þau eru greinilega lífseig framsóknargenin.