Það vantar ekki lýsingarnar af fundinum á Ísafirði um óvissu í sjávarútvegi. Við sumar þeirra kannast ég en aðrar ekki. Var ég þó á fundinum sem fundarstjóri.
Sagt er að hiti hafi verið í fundarmönnum. Þarna hafa líklega verið um 150 manns. Tveir menn gripu fram í fyrir framsögumönnum af og til. Það var nú allur hitinn.
Að loknum fundi sátu örfáir eftir og ræddu málin. 90% fundarmanna fóru af fundinum þegar honum hafði verið slitið.
Það má vissulega gagnrýna fundarformið, þ.e. að ekki hafi verið umræður á eftir. Fundurinn var þannig settur upp að framsögumenn voru sex talsins og fjölluðu um málin frá hinum ýmsu hliðum. Það var sem sagt haldinn fundur um óvissu í sjávarútvegi og að honum stóðu ýmsir aðilar.
Mér finnst miklu frekar ástæða til að gagnrýna ríkisstjórnina fyrir að halda ekki upplýsingafundi um það hvernig þessi fyrningarleið er hugsuð og hvað er framundan í sjávarútveginum. Ekki hefur örlað á viðleitni til þess.
Mér fannst áhugavert það sem einn útgerðarmaður sagði við mig í gær. Hann sagðist hafa verið 7 ára gamall þegar kvótakerfið var sett á. Samt sé enn talað um 1983 sem einhvern útgangspunkt í umræðum um sjávarútvegsmál. Hann segist einfaldlega hafa unnið sig upp í kerfinu á undanförnum árum en nú eigi að taka það af honum með fyrningarleið.
Smá spurning: Hvaða ár frá 1950-2010 hefur ekki verið haldinn hitafundur um sjávarútvegsmál á Vestfjörðum?
Halldór Halldórsson
Svo vísað sé í ruv (http://www.ruv.is/frett/hitafundur-um-sjavarutvegsmal) þá kemur fram að 40 manns af þessum 150 hafi setið eftir. Það þýðir að mun fleiri en 10% hafi setið eftir.
Raunar spyr maður sig hvað þú vitit um fjölda þess sem sat eftir hafandi yfirgefið fundinn sjálfur…
Haddi, þetta var upplýsandi fundur. Skrípaleikurinn sem Ólína setti á svið er henni einfaldlega til skammar og afhjúpar hún enn og aftur öfga afstöðu sína og ómálefnanlegheit.
Þar sem ég kom seint inn missti ég af fyrstu ræðunum en vonandi verður þetta aðgengilegt einhversstaðar á netinu.
Það kannast fáir við þær fréttir sem maður les af þessum fundi og sýnir manni glöggt afbökun í fjölmiðlum og hversu tilbúnir þeir eru að búa til æsing.
Það verður gaman þegar Ólína ætlar svo að koma og fræða okkur um fyrningarleiðina, því það þyrfti miklu frekar að upplýsa okkur um þau mál. Helst mætti hún ráða einhvern með sér í verkið sem getur reiknað og hefur komið nálægt atvinnulífinu á einhvern hátt svo maður fái ekki bara eitthvað bull.
Ég horfði á fundinn í útsendingu á BB. Það er engan veginn hægt að segja að ræðurnar hafi verið einhliða. Þarna komu sérfræðingar sem hafa unnið vandaða úttekt á afleiðingum fyrningar aflaheimilda. Formaður Verkalýðsfélags Vestfjarða. Alþingismaður VG og varaformaður sáttanefndar um stefnu í sjávarútvegi. Allir voru málefnalegir og þetta var góður fundur. Eina var hvimleitt, alla vega við það horfa og hlusta í gegnum netið, það voru einhverjir sem voru alltaf að gjamma framí.
Ég held að það yrði fróðlegt fyrir allmarga þingmenn að fá Ragnar Árna til að fara yfir sína úttekt á málinu.
Mikið afskaplega er ég ánægður með, að Líjúgararnir eru nú að ganga gersamlega fram af þjóðinni.
ÞEtta styrkir verulega vígstöðu okkar andstæðinga allra Kratrakerfa á Landsfundinum næstkomandi. Ef Guð lofar.
Nú léttist róðurinn gegn kvótakerfinu verulega með þjóðinni og hlakka ég mjög til átakanna.
Vissulega verður enn ,,langborð“ á Landsfundinum, hvar hagsmunaaðilar (njótendur úthlutunarinnar, svona líkt og aðrir njótendur úthlutunar gæða í svovétkerfum annarstaðar í heimi hér) munu sitja með leiguþý sínu og arga hundum sínum á forystumenn míns elskaða Flokks.
Munurinn á vístöðunni er einfaldlega sá, að nú eru venjulegir fundamenn búnir að sjá afhjúpaðar geiflurnar í kjafti þeirrar ófreskju sem þetta lið hefur orðið og sukkið sem viðgengist hefur í skjóli lyginnar um ,,hagræðingu í greininni“ möntru sem hvergi fær staðist ef marka má skuldsetningu ,,greinarinnar“ og þeirra aðrgreiðslna sem greiddar hafav erið út úr sama geira.
Svo bítur nú höfuðið af skömminni, að lesa um einn framsögumanninn, oddvita Tálknafjarahrepps. Hún hefur verið all stórtæk til fjárins, sem veitt var til sveitafélagsins vegna KVÓTALEYSIS eftir að seldur hefur verið í burtu veiðiréttur íbúann án bóta til hinna sléttu í búa þar, sem og annarstaðar um byggðir landsins.
Hlakka til að takast á við ykkur kvóta þuli á næsta Landsfundi.
Bjarni Kjartansson
Miðbæjaríhald
fyrrum Vestfjarðaríhald af gömlu sortinni.
Þú verður glæsilegur arftaki Einars Kristins á hinu háa alþingi…
Halldór, ef þú kynnir að skammast þín myndir þú biðjast afsökunar á því að hafa tekið þátt í þessum skrípaleik í boði LÍÚ. Gott á ykkur að hafa verið rassskelltir duglega og vona ég að svíði undan lengi og vel.
Ætli Jóhanna verði aftur hissa þegar þau varnarorð sem hafa heyrst frá nánast öllum hagsmunaaðilum í sjávarútvegi byrja að rætast.
Útgerðir um allt land fara á hausinn, skuldatryggingarálagið hækkar, fólk á landsbyggðinni missir vinnuna, markaðir taka ekki við vörum úr ósjálfbærum sjávarútvegi, gæði afurða hrynja, afhendingaröryggi hverfur, langtímahugsun hverfur, fjárfestingar í þróun og markaðssetningu hverfur o.s.frv.
Það er kostulegt að fylgjast með athugasemdum frá fólki sem telur „kvóta“ vera hreint ígildi fjármuna. Fólk sem ekki hefur áhuga á að starfa í sjávarútvegi en vill samt að aðrir geri það, en helst ekki þeir útgerðarmenn sem nú starfa í greininni akkúrat núna heldur einhverjir aðrir útgerðarmenn…nýjir útgerðarmenn, útgerðarmenn ríkisins.
Bjarni Kjartansson, …en þú styður það að landsbyggðin verði „leiguþý“ ríkisins? Svo virðist þú hreint ekki þekkja vel til sögu Sovétríkjanna og ættirðu að lesa þér til um hvernig Sovét-ríkið hafði jarðirnar og kornið af bændum og drap þá úr hor og neyddi út í mannát. Saga Zimbabwe er ekki ósvipuð þar sem bændur voru hraktir af jörðum sínum svo „nýjir og réttmætir“ bændur sem nutu velþóknunar ríkisins mættu nýta þær. Örlög Zimbabwe eru flestum kunn. Ofstækið, rökleysan og heiftin í Samfylkingunni er að varða þessa sömu leið fyrir okkur Íslendinga. Það er hreint með ólíkindum að þú sjáir ekki hvernig öfgarnar í ríkisstjórninni brjótast fram í öfgafullum boðum og bönnum, árásum og dylgjum á allt og alla.
Halldór Halldórsson. Þú verður að núllstilla þig og átta þig á því, að það eru framin mannréttindabrot með kvótakerfinu. Skilur þú það ekki? Með misrétti við úthlutun aflaheimilda, atvinnu Íslendinga frá upphafi byggðar. Það er algjörlega óviðunandi að svona sé í pottinn búið. Enda hefur Mannréttindanefnd úrskurðað framkvæmdina mannréttindabrot. Þjóðin mun aldrei sætta sig við það, SÞ ekki heldur, ESB ekki heldur. Þetta er grundvallarmál og þú verður að endurskoða allt sem þú segir í þessu máli ef þú ætlar að halda trúverðugleika.
Jónas Bjarnason,
lestu álit mannréttindanefndar SÞ. Í fyrsta lagi þá dæma þeir ekki. Í öðru lagi þá úrskurðu þeir framkvæmdina ekki mannréttindabrot. Nefndi skilaði áliti um að árið 1984 hefðu stjórnvöld afhent öllum þeim sem voru við veiðar á árunum 1981 – 1983 veiðiheimildirnar án endurgjalds, og að árið 1990 hefði myndast einkaeignarréttur á Veiðiheimildum eftir að Alþingi setti lög um rétt til framsals ofl.. Þess vegna var það álit Nefndarinnar að þeir sem óskuðu eftir umfjöllun nefndarinnar ættu að fá bætur frá Ríkinu. Þetta er ekki dómur og hefur ekkert lagalegt gildi.
Jónas Bjarnarson
hvernig væri að þú kæmir með rök fyrir því hvar þessi mannréttindarbrot sem þú og margir aðrir er svo tíðrætt um séu?
Eina sem kom var að nefnd sem kennir sig við sameinuðuþjóðinnar en fellur ekki undir lög og starfsemi SÞ, gaf ráðgefandi álit um að upphafleg úthlutun sem var fyrir 27 árum síðan, hafi verið ósanngjörn. ekki ólögleg eða brot á mannréttindum þó þú ljúgir til um annað. nefndin taldi síðan að ekkert væri að aflamarkskerfinu sjálfu og nefndu ekkert því tengt.
við þetta má svo bæta að Mannréttindardómstóll (taktu eftir þessu Jónas, dómstóll ekki kaffiboðsnefnd ríkja sem pynta eigin þegna og stunda aftökur) dæmdi um að Íslenska aflamarkskerfið væri löglegt og bryti engin mannréttindarlög eða ákveði. en þú tekur kannski meira mark á fulltrúum ríkja sem horfa með velvilja á þjóðarmorð Súdana í Darfúr?
ef eitthvað er mun þjóðnýting á sjávarútvegi leiða til þess að Ísland lendi á sama stað og Zimbabwe þar sem þjóðnýting fór fram á landareign. Jónas þú sem hámenntaður maður ættir að hafa vit á því að ræða mál eftir staðreyndum en ekki byggja málfluttning þinn á lýgi og persónuárásum. það sýnir bara og sannar að þú hefur ekkert fyrir þér og málstaður þinn er svo slæmur að þú verður að fegra hann með ósannindum.
Sæll Halldór.
Þér hefði verið nær að tylla þér með okkur hinum sem höfðum þor til að sitja lengur og ræða málin. Þá myndirðu líka vita að hópurinn taldi mun meira en 15 sálir líkt og þú gefur í skyn.
En auðvitað var óþarfi að sitja lengur og ræða við einhverja „helvítis kommunista“ (líkt og einn flokksfélagi kallaði okkur)þar sem síðasti frummælandin var búinn að setja fram óhrekjanlegar staðreyndir.
hvaða landsbyggð verði leiguþý ? Er ekki verið að tala um örfáar hræður sem “ eiga “ kvótann? Er landsbyggðin ekki þegar „leiguþý“ ? Þar sem svokallaðir “ kvótaeigendur “ ( tökum dæmi oddvitann á Tálknafirði “ leigja sinn kvóta frá sér ( einhverjir , (leiguþý) , leigja) og svo fær „kvótaeigandinn byggðakvóta líka ? Og hverjir eru á Kanarí meðan leiguþýið er að fiska ? Það þarf að taka til í þessu kvótakerfi. Og á landsbyggðin að borga ( afskrifa) skuldir útgerðarinnar og útgerðin samt að halda kvótanum sínum ? Eitthvað sem ekki stemmir við þennan útreikning en reyndar myndi FInnur bankastjóri best treysta þessum sömu útgerðarmönnum til að halda áfram að reka fyrirtækin því þeir einir kunni þetta !!! LOL
þeir einu sem eru á kanarí eru þeir sem seldu kvótann frá sér. þeir skipa sér þétt í raðið stjórnarflokkanna og þá sérstaklega hjá samfylkingunni. þar á bæ eru ansi margir sem fóru með milljarða út úr kerfinu og grenja í dag um að fá endurgjöf.
Ég er ekki hissa að staða fjármála Ísafjarðarbæjar sé eins og raun ber vitni ef bæjarstjórinn er ekki betri í prósentureikningi en þetta. Ég taldi 43 á seinni fundinum það er meira en 10% af 150.
Svo vil ég bæta því við að mér finnst alveg ótækt að bæjarstjóri einn síns liðs geti bendlað Ísafjarðarbæ við slíka lákúru sem þessi fundur LÍÚ var.
Seinni fundurinn var góður
kv sighaf
Kerfi sem byggir úthlutanir kvóta á rannsóknum er ekki slæmt sem slíkt, þ.e.a.s. ef reglurnar sem fylgja eru í lagi. Það er mergurinn málsins. Með framsalinu varð til ný stétt fólks sem líkja má við lénsherra. Stigið var skref aftur í aldir. Með ótakmarkaðri veðheimild á óveiddum fiski færðist það fólk í annað veldi, stór hluti þess fór offari í fjármálakerfinu og átti ríkan þátt í því hruni sem hér varð. Nú er þjóðin reynslunni ríkari og meirihluti hennar vill sjá á bak því lénsfyrirkomulagi sem ríkir í sjávarútveginum. Það eiga ekki aðrir að hafa ráðstöfunarrétt yfir auðlindum þjóðarinnar eða njóta arðs ef þeim en þjóðin sjálf. Ég geri greinarmun á arði af auðlindinni og eðlilegum arði fyrirtækja sem nýta sér auðlindina. Lénsherrarnir í sjávarútveginum taka allann arðinn til sín og það er ekki sanngjarnt.
Einhver nefnir sig Ganti hér að ofan, en hann þorir ekki að skrifa undir nafni. Það er mikil hugprýði – þora ekki að segja til nafns og bulla svo bara.
Víst felldir Mannréttindanefnd SÞ dóm í máli íslenskra sjómanna. Kerfið íslenska fremur mannréttindabrot gegn íslenskum sjómönnum. Auðvitað hef ég lesið dóminn og tilraunir Ganta til að blaðra eitthvað um bætur. Gjörsamlega út úr öllu korti og bara þvættingur. – Auðvitað hafa ekki erlendir dómstólar lagastöðu á Ísland; Alþingi verður að staðfesta slíka dóma. Svo hefur verið um marga dóma í útlöndum, t.d. um aðskilnað dómsvalds og rannsóknavalds. – Svo kemur þessi Fannarh enn einu sinni og málflutningur hans er með eindæmum. Ég á að koma með rök fyrir mannréttindabrotum kerfisins. Hér að ofan hef ég sagt frá dómi Mannréttindanefndar SÞ. Þetta er það einfaldasta sem til er. Íslenskum sjómönnum er mismunað við starf sitt. Sumir róa á skipum, sem hafa fengið úthlutuðum réttindum einhvern tímann í fortíð án greiðslu, en aðrir verða að kaupa sér réttindi af hinum, sem hafa. Þetta er það sama og upp kom við úthlutun matvæla hjá matvælaúthlutun Mæðrastyrksnefndar. Mismunun þarf ekki að rökstyðja, menn sjá hana og skynja. Einn fær en annar ekki af því að hann er á einhvern hátt öðru vísi.
nú komdu þá með tilvitnun úr honum og tengill inn á þá heimild.
og komdu líka með tilvitnun og heimildir fyrir því að þessi nefnd hafi dómsvald.
Hvað kom ríkisstjórnin og fundarherferð um fyrningu fundarstjórn við? http://www.youtube.com/watch?v=UhvQgzECoGc&feature=player_embedded
Þú verður aðeins að muna að þú ert í forsvari fyrir SÍS.
Gísli, er ekki nóg að samfylkingin reyni að ritskoða og hleypa upp óæskilegum fundum úti í bæ, er hún nú komin með menn í að ritskoða á internetinu.
Hve lágt ætlið þið að leggjast?
Ég verð að viðurkenna að ég skil spurningu Gísla ekki.
Hins vegar vakti hann athygli mína á þessu myndbandi sem einhver hefur sett á vefinn. Þar kemur fram að gripið var fram í fyrir fundarstjóra hvað eftir annað.
Myndbandið er merkt þannig að þetta sé fundarstjórn fyrir sérhagsmuni. Já það er nefnilega það. Er kannski átt við þátttöku varaformanns sáttanefndarinnar, hinn Vinstri Græna Björn Val? Eða formann Verkalýðsfélags Vestfirðinga?
Þarna var málið skoðað frá ýmsum hliðum af hálfu framsögumanna.
Tilraunir til að gera svona mikið úr málinu renna vitanlega út í sandinn. Fundurinn sem haldinn var á eftir þessum fundi var fámennur. Allt í einu fann þingmaður Samfylkingarinnar fyrir mikilli þörf til að halda fund um sjávarútvegsmál. Ekki hefur farið mikið fyrir því til þessa. Ég minnist ekki fundar þar sem hún hefur boðið almenningi að kynnast fyrningarleiðinni sem Samfylkingin boðar. Man einhver eftir slíkum fundi?
Skrambi eru menn nú ósammála um allt og ekkert. Held að Guðmundur Halldórsson hafi hitt naglann á höfuðið þegar hann sagði á fundi hinum seinni að eina lausn þessarar eilífðardeilu væri að setja hana í dóm þjóðarinnar.
LÁ