Þriðjudagur 25.09.2012 - 11:28 - 5 ummæli

Spillingin, fúskið og fjórflokkurinn

Tvær fréttir í gær voru um frekar ógeðfellda hluti: Annars vegar um hundruða milljóna sjálftöku slitastjórna, hins vegar um tvö þúsund og fjögur hundruð prósenta framúrkeyrslu við gerð hugbúnaðarkerfis (sem þar að auki hefur enn ekki verið klárað, þrátt fyrir yfirlýst verklok).  Til að bíta höfuðið af skömminni fylgdu í kjölfarið yfirlýsingar frá embættismönnum um að það gæti stórskaðað almannahagsmuni að almenningur fengi innsýn í þessi hagsmunamál sín. Þetta eru samt engin einsdæmi, því fréttir af þessu tagi hafa dunið á okkur frá hruni.
Nákvæmlega ekkert bendir til að breytingar séu í vændum á þeirri hrikalegu spillingu og fúski sem gegnsýrir íslensku valdakerfin, og sem þetta eru bara tvö dæmi um af mýmörgum.
Hefur einhver heyrt einhvern fjórflokkanna, þessara sem hafa farið með öll völd í landinu í áratugi, tala um að uppræta þessa spillingu og þetta fúsk?  Um einhver plön þessara flokka í þá veru?
Bara datt svona í hug að spyrja, ef ég skyldi hafa fylgst illa með …

Flokkar: Óflokkað

«
»

Ummæli (5)

  • Þorsteinn Úlfar Björnsson

    Slitastjórnin er heppin að Ríkisendurskoðun/Skýrr málið kom upp samtímis. Ég held að það sé ansi hætt við að Skýrr/Ríkisendurskoðun fái forgang í fjölmiðlum og hitt „gleymist“.

  • Ábyggilega allt Davíð að kenna.

  • Garðar Garðarsson

    Þessi skýrsla Ríkisedurskoðunar hefði ekki komið til nema vegna fyrirspurnar Jóhönnu Sigurðardóttur.

  • Og allt Jóhönnu að þakka.

  • Jón Óskarsson

    Er ekki bókhaldskerfismálið orðið 10 ára gamalt?

    og eru það ekki dómstólar sem skipa slitastjórnir en ekki ríkisstjórn

    Launin eru tekin frá kröfuhöfum og þetta hefur verið vitað í fjögur ár að þeir taka ríflega til sín.

Rita ummæli

Kæfuvörn:   Hver er summan af fjórum og tveimur? Svar:

Höfundur

Einar Steingrímsson
Nánar um höfund ...
RSS straumur: RSS straumur