Þriðjudagur 28.01.2014 - 11:49 - 11 ummæli

Jóhanna Vigdís og systir hennar

Í sjónvarpsfréttum RÚV í gærkvöldi var fjallað um lekamálið í innanríkisráðuneytinu.  Fréttin var kynnt með þessum orðum í upphafi fréttatímans, nokkurn veginn eins og ætla mætti að ráðherrann Hanna Birna hefði sjálf samið innganginn:
„Innanríkisráðherrann grunar að umræða um meintan leka á persónuupplýsingum snúist ekki um hælisleitandann heldur um eitthvað allt annað, eins og að koma höggi á hana sjálfa.  Hart var sótt að ráðherra á Alþingi í dag.“
Kynningin fjallar sem sagt ekki um það sem málið snýst um, meintan alvarlegan leka úr ráðuneytinu, heldur bara um skoðun ráðherra á hvötum þeirra sem vilja fá svör við þeim áleitnu spurningum sem ráðherrann hefur komið sér hjá að svara hreinskilnislega.
Það er þó annað sem er ekki síður athyglisvert við þessa frétt.  Ráðuneytisstjórinn í innanríkisráðuneytinu ber, ásamt ráðherra, höfuðábyrgð á starfi ráðuneytisins, og hefur að sjálfsögðu haft mikil afskipti af þessu máli.  Ráðuneytisstjórinn er Ragnhildur Hjaltadóttir.  Hún er systir Jóhönnu Vigdísar Hjaltadóttur, fréttamanns á RÚV, sem skrifaði fréttina.

 

Flokkar: Óflokkað

«
»

Ummæli (11)

  • Þorsteinn Úlfar Björnsson

    Blóð er þykkara en vatn og víða liggja blóðslóðir um „kerfið“, enda þjóðin fámenn.

  • er Islenska tjòdin svo fàmenn ad ekki er hægt koma i veg fyrir àrekstur?

  • Haukur Kristinsson

    Þetta er nú meiri óþverrinn. Ráðherrann, Hanna Birna, er fórnarlambið, en ekki hælisleitandinn. Á hann er ekki minnst, eins og hann væri ekki til.

    Aðeins skíta karakterar haga sér eins og Hanna Birna og hennar aumingjar í ráðuneytinu.

    Kellingin á að segja af sér og það strax. Hún er ílla innrætt og landinu til skammar. „Hello folks, wake up.“

  • Hronn Geirsdottir

    Er ekki kominn tími a að JVH viki ur stóli fréttastofu vegna hlutdrægni!

  • Hanna Birna á í vök að verjast víðar…nú blandar hún sér í forsjármál sem fallið hafa íslenskri konu í óhag með þeim orðum að ísl. ríkið þurfi að vernda ísl. ríkisborgara. Réttakerfið má fara ansk. til…http://forrettindafeminismi.com/2014/01/28/brottnams-og-talmunarmal-hjordisar-svan-hanna-birna-svarar/

    Ferill Hönnu Birnu byrjar ekki vel sem ráðherra!

  • Bjarnveig Ingvadóttir

    Helga Dögg ég er svo sem sammála því að gæta þarf að því að réttindi allra þar með talið barna Aðalheiðar Svan séu vernduð. Að því sögðu veit ég ekkert um það hvort hag þeirra er betur borgið hjá móður eða föður. Hallast helst að því að þau séu bæði vonlausir foreldrar.

  • Fréttin endaði nú samt með Merði
    sem fullyrti blákallt að hann þekkti vel handarskriftina og lyktina
    af þessu ástarbréfi

  • rithöndina

  • Guðný Ármannsdóttir

    Það eru allir skyldir eða tengdir öllum í þarna. Ragnheiður Ríkharðs er tengdamóðir Þóreyjar. faðir Sigurjóns Kjærnested er framkvæmdastjóri rekstrarfélags stjórnarráðsins….

  • Sigmundur Guðmundsson

    ****************************************************************************************

    Íslendingar eru OF FÁIR til þess að reka nútímalegt lýðræðisríki

    ****************************************************************************************

Rita ummæli

Kæfuvörn:   Hver er summan af sex og sjö? Svar:

Höfundur

Einar Steingrímsson
Nánar um höfund ...
RSS straumur: RSS straumur