Laugardagur 02.05.2015 - 18:00 - 2 ummæli

Auðlind á silfurfati

Allar viðvörunarbjöllur landsins hringja nú um að hægristjórnin sé að stíga stórt skref í að einkavæða auðlindir þjóðarinnar. Frumvarp hefur verið lagt fram á Alþingi sem í raun er gjöf á makrílkvóta til nokkurra útgerða til langs tíma. Skýrt kemur fram í frumvarpinu að óheimilt er að fella 6 ára úthlutun úr gildi með minna en sex ára fyrirvara og gildistíminn framlengist sjálfkrafa um eitt ár í senn. Við álagningu veiðigjalds á makríl er engin tilraun gerð til þess að nálgast sannvirði nýtingaréttarins á auðlindinni, til dæmis með útboðum.  Engin kvótasetning hefur enn átt sér stað á makríl og því er tækifæri nú til að skipta um stefnu með þessa nýju fisktegund sem ratað hefur á Íslandsmið.

Tillaga hægristjórnarinnar er að festa nýju tegundina rækilega í gamla kerfinu sem leyfir enga nýliðun í greininni nema gegn greiðslu til þeirra útgerða sem fá makrílkvóta gefins. Þjóðin ber hins vegar skarðan hlut frá borði þegar auðlind hennar er metin til fjár.

Hvað gerir forsetinn?

Getur verið að hagsmunaðilar í útgerð og ríkisstjórnin hafi fundið leið til þess að læða í gegn stórtækri breytingu á úthlutun aflaheimilda og útreikningi veiðigjalda án þess að þjóðin taki eftir því? Forseti Íslands sagði árið 2012 að mál sem varða auðlindir þjóðarinnar séu vel til þess fallin að setja í dóm þjóðarinnar. Honum bárust 35.000 undirskriftir árið 2013 og hann beðinn um að staðfesta ekki lög um veiðigjöld sem fólu í sér mikla lækkun gjaldanna. Hann réttlætti staðfestingu þeirra laga með þeim rökum að lögin væru aðeins til eins árs. Hann hlýtur því að bregðast við ótímabundinni úthlutun á makrílkvóta.

Makrílfrumvarpið kann að láta lítið yfir sér við fyrstu sýn, en þegar betur er að gáð er það líklega eitt stærsta skref í átt að einkavæðingu auðlinda þjóðarinnar sem tekið hefur verið. Og auðlindaákvæði vantar enn í stjórnarskrá Íslands.

Þessi grein birtist í Fréttablaðinu 27. apríl 2015

Flokkar: Óflokkað

«
»

Ummæli (2)

  • 110% – leiðin fyrir ríkasta fólkið.

    Leið Samfylkingarinnar.

    Hvers vegna skrifar þú ekki um það?

    Og hvernig sú leið gagnaðist ríka liðinu?

    Skilur þú ekki að við höfum fengið nóg?

    Nærðu þessu ekki?

    Alevg nóg – takk – farðu og finndu þér heiðarlega vinnu.

    Láttu okkur í friði – plís

  • kristinn geir st. briem

    hugmyndin um að láta landsspítalan fá þennan hvóta er hugmindarinar virði.
    sem þarf að skoða. 6.ára hugmyndin skil ég ekki þar sem mér skilst að menn gjéti notað sömu skip og við loðnuveiðar. það þarf að koma margfalt meiri undirskriftir til þess að forsetin neiti staðfestíngu því þettað eru ekki grundvallarlög. sem er að vísu teigjanlegt hugtak. er samála ðddnýju að það væri kjörið tækifæri að pufa ethvað annnað kerfi með þessa úthlutun. ekki stór skaði þó það mistækist

Rita ummæli

Kæfuvörn:   Hver er summan af þremur og einum? Svar:

Höfundur

Oddný G. Harðardóttir
Þingmaður Samfylkingarinnar jafnaðarmannaflokks Íslands.
RSS straumur: RSS straumur