Kannski ekki beinlínis óvænt: Ef ég hefði kosningarétt í Frakklandi væri Hollande, frambjóðandi sósíalista, líklegasti kosturinn. Næstu menn væru –- nokkurnveginn í sömu fjarlægð – miðjumaðurinn Bayrou og græninginn Joly. Þetta er niðurstaðan úr spurningaprófi á vefnum hjá dagblaðinu Ouest-France. Sjálfur hefði ég kannski haldið að Mélenchon, frambjóðandi Vinstrifrontsins, stæði mér nær en Bayrou, en þótt við séum á svipuðum stað á öxlinum íhald-frjálslyndi er hann langt til vinstri við mig á efnahagsöxlinum.
Þar reyndist Árnason reyndar vera talsvert til hægri við franska sósíalistann en þó nær honum en miðjumanninum hinumegin vinstri-hægri-línunnar í efnahagsmálum. Kom mér aðeins á óvart … Eva Joly er hinsvegar til vinstri við Hollande og heldur frjálslyndari en við Hollande og Mélenchon.
Nokkurnveginn eins langt frá mér og hægt er, og í svipaðri fjarlægð, eru þau Marine Le Pen úr nýfasistaflokknum og Sarkozy forseti. Þar eru svör mín við spurningunum oftast nokkuð langt frá þeirra stefnu, en þó vorum við Marine sammála í þremur svörum um velferðar- og skattamál – og ég reyndist hafa sömu skoðun og Frakklandsforseti á ESB og evrunni!
Þetta er fyrst og fremst skemmtilegt en soldið að marka líka einsog sjá má. En það er líka talsverður munur á íslenskri pólitík og franskri – og svo kemur fyrir að maður skilur ekki alveg spurningarnar …
Prófiði sjálf hér –- það þarf ekki annað en kunna hrafl í frönsku. (– Og hægt að stilla líka á ensku, er réttilega bent á í athugasemdum.)
Niðurstaðan hjá mér var Bayrou.
Það er boðið upp á enska útgáfu.
Sá rauði Mélenchon með íhaldssömu ívafi.
Bayrou er maðurinn, miðjumaður og bókmenntamaður eins og þú, Mörður. Hollande er bara kerfiskarl, svona Gunnlaugsson.
Rétt fyrir ofan hausinn á Hollande. Ogn frjálslyndari en hann.
Það er alltaf jafn stórfurðulegt að frambjóðendur sem kenna sig við sósíalisma skuli yfir höfuð fá eitt atkvæði í kosningum. Svona í ljósi sögu síðustu 100 ára og öllu blóðinu sem hefur verið úthellt í nafni sósíalisma og algjört hrun hans á síðustu metrum 20. aldarinnar.
Það eina sem er algjörlega á hreinu er að Frakkland þarf eins mikið á vinstri manni að halda í forsetaembættið og Bretland þarf á íhaldsmanni að halda í forsætisráðuneytið…
Ætli Joly hafi dottið á höfuðið af því að það var svo mikið myrkur?
Frambjóðendurnir hafa mestar áhyggjur af hjásetu kjósenda, sérstaklega Hollande og gæti hjásetan orsakað endurkjör Sarkozy, 32% kjósenda ætla ekki að mæta á kjörstað.
Líta sér nær – vinsældarlaus ríkisstjórn við völd, árangursleysi markvisst og vonleysi í bónus.