Á bloggsíðu sinni upplýsir Halldór Jónsson okkur um hápunktana í ræðu formanns Sjálfstæðisflokksins á fundi með félögunum í Kópavogi núna um helgina.
Þar fjallaði Bjarni meðal annars um frumvarp til náttúruverndarlaga sem núna er á borðum okkar í umhverfis- og samgöngunefndinni – og Bjarni hefur greinilega fengið um málið meiri upplýsingar en við:
Fyrirliggjandi Náttúrverndarlagafrumvarp yrði til vandamála. Forsjárhyggjan væri mikil. Nútíma tölvu-og gervihnattatækni gæti jafnvel verið látin drepa á bílum ef þeir færu útaf slóð, þannig að menn gætu orðið að hringja í umhverfisráðuneytið ef þeir vildu snúa við til að starta bílnum aftur!
Einmitt svona eru snjallir stjórnmálaforingjar. Þeim tekst á augabragði að greina aðalatriði frá aukaatriðum í flóknum textum – frumvarpið er 97 greinar – og setja fram viðhorf sín í örstuttu máli þannig að allir skilja:
Umhverfisráðherra ætlar í stjörnustríð gegn saklausum ökumönnum á hálendinu. Bara slökkt á bílnum þangað til stormsveitirnar koma og klófesta sárasaklaust fólk.
Kærar þakkir, Bjarni Benediktsson.
Drepa á? kemur bara Dróni og afgreiðir málið….
Tæknin bíður uppá þetta segir Möllerinn. Ég trúi honum.
Það verður gaman þegar BjarN1 Ben verður kominn til valda og getur t.d.stöðvað vinstra hyskið og gluggaskrautin á leiðinni á kjörstað. Þá þarf ekki að kvíða þjóðaratkvæðagreiðslum!
Ef VG opna á sér þverrifuna þá er það alltaf á einn veg þetta má ekki við ætlum að breyta þessu setja í nefnd. Það má ekki fara um landið þá eyðileggjum við það, er betra að það fari í órækt vegna sinu.