Þjálfaramál HSÍ voru rædd af hita í þættinum utan vallar á sýn í kvöld. Fulltrúi HSÍ forn í skapi og hafði flest á hornum sér. Sló blaðamann moggans svo hressilega út af laginu að hann snarmóðgaðist og dró sig nánast í hlé. Þarna var líka nýdæmdur orðdólgur sem þjálfar stjörnuna í kvennahandbolta. Hann hélt upp heiðri sínum og kom sér upp þrasi. Kostulegt allt saman.
Málefnaleg umræða lögð til hliðar og engu líkara en menn hafi haldið að þeir væru á kaffistofu HSÍ en ekki í beinni. Slæm auglýsing fyrir handboltann.
Röggi.
Rögnvaldur Hreiðarsson
Þorbergur var bara í ruglinu. Hvað er maðurinn að meina með því að gefa uppi hvað átti sér stað í samningaviðræðum. Af hverju er hann að úthúða tveimur af þeim kandidötum sem komu til greina í starfið? Ívar gerði nákvæmlega það sem átti að gera í stöðunni, það þýðir ekkert að eiga orðastað við menn sem ekki hlusta, Ívar bað Þorberg að róa sig … það var rétt hjá honum. Aðalsteinn reyndi að halda uppi rökræðum og fékk í staðin dónaskap og fyrirlitningu. Þorbergur var HSÍ ekki til sóma í þessum þætti.