Gunnari Helga Kristjánssyni tókst að gera mér til geðs í speglinum eftir fréttir í kvöld. Hann kom mér þægilega á óvart þegar hann sagði forsetann vart geta annað en synjað undirskrift Icesafe laganna vilji hann láta taka eitthvert mark á sér og vera sjálfum sér samkvæmur.
Þetta vita allir auðvitað en fáir búast við að Ólafur láti smámuni sem þessa trufla sig þegar kemur að því að hann finni sig knúinn til að iðka stjórnmál frá Bessastöðum. Sagan vinnur ekki með karlinum í þessum efnum.
Kannski bjarga óhlýðnir stjórnarþingmenn Ólafi frá hneisunni í þetta skiptið…
Röggi
Rögnvaldur Hreiðarsson
Hvort heldur þú að ORG velji milli gömlu félaganna í allaballaríinu sáluga, eða þjóðarinnar, komi sú staða upp? Síðast þegar kosið var um forseta árið 2004, fékk ORG 90 þús atkvæði. Líklega verð hátt í helmingur af þeim sem kusu ORG búnir að skora á hann að senda lögin um Icesave ábyrgðirnar í þjóðaratkvæðagreiðslu með því að skrifa undir.Ég tippa á að hann verði að spila á fiðluna góðu á Neró ráðstefnu úti í heimi þegar kemur að því að staðfesta lögin. Hann láti bara lögum unga fólksins aka. Ástu Ragnheiði Jónsdóttur um það skítverk.Atli Gísla er farinn í frí. Guðfríður Lilja er líka farin í frí. Skipperinn frá Ólafsfirði fór í frí i sumar þegar var verið að ræða Icesave. Félagi þeirra ORG fer líklega bara líka í frí til að vera stikk í þessu máli.