Ég hvet alla þá sem hafa gaman að farsakenndu rugli og týndir rökhugsun í bland

Ég veit ekki hvort nokkurrar sanngirni sé gætt þegar ég ákveð að skrifa um gamla gúanórokkarann Bubba Morthens og afburðamerkilegt viðtal hans á rás 2 í morgun. Mig grunaði fyrirfram að rökuhugsun væri honum framandi og grunurinn er staðfestur.

Bubbi trúir því að enn að Davíð sé eini seki maðurinn og engu skipta staðreyndir sem blasa við um skipulagðann þjófnað eigenda bankanna, stöðutöku gegn krónu og ég veit ekki hvað. Allt þetta eru aukaatriði í munni kóngsins. Og það er rökstutt með því að þeir sem áttu að koma í veg fyrir það hafi ekki fattað að þetta var í gangi. Bubbi má semsé fara niður á Lækjartorg og brenna mann þar lifandi af því að það er ekki tiltekið nákvæmlega í lögum að slíkt sé glæpsamlegt. Bubbi heldur í barnið í sér…

Rökleysan og þvælan í laxveiðimanninum góðkunna var slík í þessu viðtali að með ólikindum er. Hann óð úr einu í annað og á tímabili hélt hann því fram að Davíð hafi viljandi hjálpað bankaþjófunum að ná peningum út úr bönkunum. Kallinn talar um að menn séu að hirða Ísland. Stríðið um landið standi yfir en sér ekki hverjir eru að vinna stríðið.

Jón Ásgeir er eignalaus fullyrðir og Bubbi gerðir sér það upp að muna ekki hvað Hannes Smárason heitir. Hann þolir ekki að fólk sem liggur undir rökstuddum grun skuli yfirheyrt í sérstökum herbergjum. Bubbi sér samsæri eins og við hin flest en samsærið hans Bubba er gegn þjófunum.

Ég er ekki viss um verið sé að bera fé á kallinn þó hann væri auðvitað afar auðvelt og hentugt skotmark. Ég held hreinlega að kallgarmurinn trúi sjálfum sér þegar hann talar. Sorglegt á hvoru tilfellinu sem er..

Bubbi talar mikið um AMX og hefur áhyggjur af því hver á það apparat. Vissulega hefur AMX hamast nokkuð hraustlega og stundum truntulega á stjórnvöldum núna og bankaræningjunum hans Bubba og enginn þarf að velkjast í vafa um hvaðan AMX er að koma.

Bubbi hefur aftur á móti minni áhyggjur af því hver leggur fé i síðuna þar sem hann opinberar skoðanir sínar. Hverjir ætli það séu?

Össur Skarphéðinsson ráðherra ESB hamrar nú sem aldrei fyrr á ágæti inngöngu okkar. Allt gott um það að segja enda eðlilegt að stjórnmálamenn fylgi sannfæringu sinni eftir. Ég er þó hugsi yfir sumu sem Össur segir en dáist um leið að snilld spunameistarans…

Össur sér áhuga erlendra fjárfesta stóraukast við inngöngu í ESB. Þetta finnst mér áhugavert. Össur tilheyrir nefnilega ríkisstjórn sem hefur sérstaka óbeit á slíku. Hvað heldur Össur að muni geta dregið erlenda fjárfesta til Íslands? Kannski bankakerfið? Ilmrækt? Hmm, ég bara spyr… Nei, líklega eitthvað sem ekki má nefna í dagsbirtu þegar VG er annars vegar.

Eva Joly sem er nýjasta besta vinkona Össurar eftir að hún trúði okkur fyrir þvi að okkur væri best borgið inn í ESB talar helst út frá hagsmunum ESB þegar hún rökstyður þá skoðun. ESB hafi svo mikið hingað að sækja. Hvað myndi það vera??

Ég er reyndar alls ekki einn af þeim sem sé ofsjónum yfir því að ESB telji sig hafa hag af okkar inngöngu. Mér finnst eðlilegt að báðir aðilar hafi eitthvað á málinu að græða. Ég held hins vegar að bakland Össurar muni ekki þola ESB og „erlendu fjárfestunum“ hans áhuga á því sem er kallað auðlindir landsins.

Össur er seigur og sér eins og nánast allir aðrir en samráðherrar hans að nú er nauðsyn að laða erlent fé til landsins annað en AGS fjármagn. Þess vegna reynir hann að slá tvær flugur í einu höggi og reimar þetta tvennt saman. Inngöngu í ESB og stóraukna erlenda fjárfestingu hér.

Sniðugt en heldur varla vatni….

Röggi

Nú er tími uppgjörs. Við ætlum okkur að ná þrjótunum sem rændu okkur og komu á kaldann klakann. DV fer mikinn og mörgum finnst þeir fara fremst og best í að fletta ofan af. Kannski það en

Jóhanna Sigurðardóttir heldur áfram með leikritið sem hún setti af stað þegar mótmælin stóðu sem hæst. Lokaatriðið hefur hún samið líka og það verður á þann hátt að öllum öðrum en henni sjálfri verður um kennt hvernig staðan er.

Stjórnarandstaðan verður talin standa í vegi fyrir lausnum og allir hagsmunaaðilar sem um lausnirnar hennar Jóhönnu hafa fjallað líka. Þetta fólk allt ásamt þeim sem eiga bankana núna og hafa flestir unnið sér það helst til saka að hafa lánað þeim peninga á sínum tíma verður líka vonda fólkið.

Þetta er söguþráðurinn í þeirri sápu sem ríkisstjórn Jöhönnu og Steingríms er með á fjölum núna. Töfralausnir á töfralausnir ofan er boðskapurinn. Engar fastar skoðanir eða kjarkur heldur bara hrakist undan háværum kröfum fjölskyldna og loforðum sem byggð eru á hreinni óskhyggju.

Hvers vegna stígur Jóhanna ekki niður? Auðvitað getur verið að þeir sem eru þjakaðir af pólitískum rétttrúnaði kaupi það að vondir menn í þjóðfélagi ætli að koma í veg fyrir að ríkisstjórnin leysi vandann á augabragði með einu pennastriki. En meginþorrinn þarf væntanlega að hafa mikið fyrir því að sjá ekki í gegnum skrípaleikinn.

Verkefni ríkisstjórnarinnar hefur mistekist hrapalega. Helsta baráttumál Steingríms um að borga Icasave upp í topp ætlar líklega ekki að ganga eftir heldur eingöngu fyrir styrk stjórnarandstöðunnar. Það eina sem tekist hefur afar vel hjá ríkisstjórninni er að leggja stein í götu atvinnulífs og framfara.

Verkefnið var einmitt að byggja upp en ekki rífa niður allt þrek og frumkvæði. Ég bjóst alls ekki við því að nein ríkisstjórn eða stjórnmálaleiðtogar gætu komið með töfralausn. Grundvallarskoðanir vinstri stjórnarinnar eru þannig að hún á ekkert erindi núna.

Það tók þau tvö ár að reyna að taka á vandanum og ég ætla rétt að vona að þau taki ekki næstu tvö að koma sér úr ráðherrastólum sínum. Þjóðin hefur ekki lengur efni á þessari mislukkuðu tilraun sem vinstra vorið var alltaf.

Þessi sýning féll með stæl….

Röggi

Félagi Ögmundur Jónasson telur að Sjálfstæðismenn sjái bara álver eða dauða þegar kemur að lausnum í atvinnu og efnahagsmálum. Kannski ekki alveg svona einfalt en þó er einhver broddur í þessu hjá ráðherra aðgerðaleysisstjórnarinnar.

Ögmundur sér nefnilega dauða þegar kemur að álverum og framkvæmdum hverskonar öðrum en fjölgun opinberra starfsmanna og auknum skattaálögum. Það sem við höfum horft upp á í tvö ár er svo sannarlega dauði.

Og það er að hluta til vegna erfiðra aðstæðna en að stærstum hluta vegna þess dauða sem Ögmundur og félagar hafa dregið yfir allt frumkvæði og allar tilraunir til að koma af stað atvinnuskapandi atburðarás.

Vaxtabroddur Ögmundar er nefnilega ekki í iðnaði. Hann liggur í „einhverju“ allt öðru. Þetta hefur félagi Ögmundur alltaf vitað og nú lemur hann höfðinu við steininn og kann ekki að skipta um skoðun.

Líklega á Ögmundur þægilegt sæti við samráðsborðið góða sem enginn hefur nennt að sitja við í tvö ár. Þar gefst Ögmundi kærkomið tækifæri til að láta ljós sitt skína og kenna okkur hvað hann hefur til málanna að leggja annað en að drýgja tekjur ríkisins með því að seilast í galtóma vasa fólks og fyrirtækja.

Ef ég ætti að skipta á álversframkvæmdum nú eða dauðanum sem ríkisstjórnin hans Ömma býður upp á er valið auðvelt.

Röggi

Félagi Ögmundur telur að Sjálfstæðismenn sjái bara álver eða dauða þegar kemur að launsum í atvinnu og efnhagsmálum.

þór Saari er merkilegur fýr. hann nýtur sín út í ystu æsar nú um stundir og setur ný viðmið í lýðskrumi nánast daglega og fær þó harða samkeppni víða. Eftirspurnin er til staðar og Þór fyllir upp í hana samviskusamlega.

Pressan vitnar í Þór þar sem hann hneykslast á bankastjórum sem hafa efasemdir um almenna niðurfellingu skulda eins og hún er kynnt núna.

Þær stöllur Björk og Eva Joly eru á móti nýtingu orkuauðlinda landsins. Þær eru í hópi ofstækisfólks sem hefur gert það að karríer að vera á móti iðnaði og orkunýtingu. Þetta fólk hefur komist að þeirri niðurstöðu að nóg sé af verksmiðjum sem framleiða málm og að nóg sé virkjað.

Ég spyr. Nóg fyrir hvern? Hvernig nóg? Þetta fólk ásamt öðrum í þeirra andstöðuiðnaði fabúlerar út í eitt um að nóg sé að gert en rökstyður það afar fátæklega. Þau notast við orðfæri sem færustu áróðursmeistarar sögunnar hefðu verið fullsæmdir að.

Það eru alver út um ALLT. Það á að virkja ALLAR sprænur. ALLIR sem vilja vinna í þessum bransa eru vont fólk, líklega útlendingar, sem vilja það eitt og helst að græða peninga á litlum varnarlausum þjóðum. Orðin alltaf og allsstaðar eru í öndvegi. ALLIR íslendingar sem vilja skoða nýtingu og aukna framleiðslu eru hirðulausir um umhverfi og náttúru. Ílla meinandi fólk sem vill sjá eiturspúandi málmverksmiðjur um allar koppagrundir….Eru ekki örugglega 20 álver á Íslandi?

Félagi Ögmundur fer mikinn núna og talar um þá sem vilja skynsamlega nýtingu í sátt og samlyndi við Guð og menn.

Það fólk vill bara álver eða dauða segir Ömmi. Ofstækið er augljóst og þegar gengið er á hann með hugmyndir um nýtingu auðlinda eða atvinnulíf almennt kemur annað orð sem atvinnuandstæðingarnir nota mikið. Við gerum auðvitað „eitthvað annað“. Hvað það er höfum við séð undanfarin tvö ár.

Það er enginn pressa á að auka framleiðslu segja græninginn og söngkonan. Ég held því fram að því sé öfugt farið en hávaðinn í þessu liði og aðgengið að fjölmiðlum er stórt. það er pressa á að auka framleiðslu á Íslandi. Við getum ekki öll lifað á því að vera listamenn eða atvinnustjórnmálamenn með aðsetur erlendis.

Skoðum okkar möguleika í sátt við Guð og menn. Náttúru og umhverfi. Og losum okkur við þvælukreddur og ofstæki í leiðinni. Dellan um að við „þurfum“ ekki að framleiða meira af rafmagni er svo fáránleg firra að engu tali tekur og líka að öll slík framleiðsla sé vond fyrir land og þjóð, náttúru og umhverfi.

Hverjum dettur í hug að Norðmenn eigi að hætta að vinna olíu úr sjó af þeirri ástæðu að nóg sé komið? Og það þeir ættu að snúa sér að „einhverju öðru“?

Röggi

Þær hafa snúið bökum saman græninginn Eva Joly og poppstjarnan Björk og lagst gegn raforkuframleiðslu og iðnaði á Íslandi. Þær tilheyra öðrum iðnaði sem við þekkjum í formi ýmissa samtaka sem hafa birst hér af og til áratagum saman og sagt okkur hvernig við eigum ekki að nýta auðlindir okkar.

„það er engin pressa á að auka framleiðslu á Íslandi“ Þetta les ég haft eftir stöllunum og leyfi mér að halda því fram að þetta sé umhverfisvænt o0g tandurhreint bull. það er víst pressa á að nýta auðlindir okkar. Og það er líka pressa á að styrkja og efla iðnað í hvaða formi sem er.

Björk segir að það sé nóg af alverum hér og trúir þvi um leið og hún heyrir sig segja það. Ég er nokkuð viss um það að ef gerð yrði skoðanakönnum myndu fólk halda að á Íslandi væru 20 álver. Mér er sagt að þau séu 3. Það þykir söngspírunni sem mér skilst að ali manninn erlendis að mestu nóg handa okkur hér. Af hverju er það nóg? Fyrir hvern er það nóg? Hvað eru aðrar þjóðir að hugsa í þessum efnum? Vita Norðmenn ekki að þeir eiga nóg af peningum og olíu og ættu í raun og veru að hætta að nýta auðlindir sínar…

það er ekki verið að tala um barnaníðinga þegar talað er um nýta orkuauðlindir eða að smíða verksmiðjur sem framleiða málm. Þeir sem tiheyra ofstækissiðnaðinum sem ekki vill gera neitt í þá veru að nýta auðlindir landsins nota sífellt gamallt afbrigði áróðursmeistaranna og tala um alltaf og allsstaðar.

Það á að nýta allt og það á að setja niður verksmiðjur út um allt. Þetta á allt að gerast á kostnað umhverfis og náttúru og helst án alls samráðs við nokkurn mann. Þetta vonda fólk sem vill gera þetta er glæpalýður frá útlöndum helst og það vill græða peninga. Enginn veit víst hvaða fólk þetta er og nú er nýjasta trikkið að tala um að hér sé i uppsiglingu nýtt bankaævintýri í orkugeiranum!

Fanatíkin er augljós og illa rökstudd en frasarnir eru á hreinu. Allt er vont sem úr þessari áttinni kemur. Þegar rök þrýtur eru búnir til glæpamenn sem fara um allan heiminn og vilja græða peninga. Það eru kannski bara atvinnugræningjar og söngkonur sem mega leyfa sér þann munað að vilja efnast á vinnu sinni?

það er pressa á að auka orkunýtingu á Íslandi. Sú pressa er ekki ný af nálinni en hún hefur aukist til muna nú þegar skóinn kreppir að. Innlegg þeirra sem ekki vilja gera neitt í þessum efnum er auðvitað bara ágætt og líklegt til þess að við gætum jafnvægis milli nýtingar og umhverfismála.

En það er enginn eftirspurn á mínu heimili efir ofstæksskoðunum eins og þeim sem Björk og Eva standa fyrir. Að sjálfsgöðu eigum við að skoða möguleika okkar á nýtingu umhverfisvænustu orku sem finnst. Og við eigum ekki að taka mark á fólki sem setur fortakslaust þá fyrirvara við slíkar hugmyndir sem þessar ágætu konur gera.

Við eigum að vanda okkur að sjálfsögðu en ekki ákveða fyrifram að allt sem tengist nýtingu orkuauðlinda sé af hinu vonda sé skipulagt af vondu fólki gjarnan frá útlöndum sem vill bara græða peninga. Ég veit að jarðvegurinn fyrir slíkt tal er frjór og hann yrkja þær stöllur ásamt felirum af mikilli snilld