Í ályktun þingmannanefndar sem samþykkt var 63-0 segir að fara skal fram óháð og sjálfstæð rannsókn á starfsemi lífeyrissjóðanna frá 1997. Í framhaldinu skal fara fram heildarendurskoðun á stefnu og starfsemi lífeyrissjóðanna.
Þegar þetta var samþykkt lág fyrir að lífeyrissjóðirnir ætluðu sjálfir í óháða rannsókn. Þrátt fyrir það samþykkti Alþingi að fara sjálft í rannsókn.
Nefnd Landssamtaka lífeyrissjóða skýrir það best sjálf af hverju. Rannsóknarnefnd á vegum lífeyrissjóðanna getur aldrei haft sömu valdheimildir og rannsóknarnefnd á vegum Alþingis. Eftirlitsstofnanir gátu borið fyrir sig þagnarskyldu, ekki var hægt að kveða fólk til skýrslutöku vildi það ekki gefa skýrslu og nefndin gat ekki gert rannsóknir á starfsstað.
Ég ítreka því afstöðu mína að Alþingi þarf að fara að eigin ályktun og setja á stað rannsóknarnefnd um lífeyrissjóðina.
Þar þarf að fara yfir starfsemi og stefnu sjóðanna frá 1997 þegar lög um skyldutryggingu lífeyrisréttinda voru sett til dagsins í dag.
Þar þarf að bera saman laga- og starfsumhverfi lífeyrissjóðanna við sjóðakerfi nágrannalanda okkar.
Þar þarf að skoða hugsanlega ábyrgð; stjórnenda, stjórnarmanna, endurskoðenda, eftirlitsaðila, stjórnmálamanna og ráðherra.
Strax.
Eygló Harðardóttir
ályktanir alþingis gleymast strax. bæði hjá almenningi og svo hjá sjálfu alþingi. maður mun sennilega ekkert heyra frá þessari þingsályktun frekar en örum álíka
Sammála þér Eygló, hér þarfa að fara fram opinber rannsókn á lífeyrissjóðaruglinu.
Nú þegar hefur innanríkisráðherrann þvegið hendur sínar af sukkinu. Og skýring hans er ,,froða“.
Þetta er honum engan vegið samboðið. Hann var í forsvari fyrir LSR á ,,froðuárunum“.
Hvað heyrðist í honum þá?
Ég hef greitt í LV í 34 ár samviskusamlega. Eftir að hafa skoðað hrikalegt tap LV,telst mér til að ég hafi einungis greitt í 24 ár.
Tíu ára sparnaður horfinn,,,froðan“ hans Ögmundar horfin út í buskann.
Eg vil fá að vita meira og hverja SKAL draga til ábyrgðar.
Einn aðalsökudólgurinn hjá LV Þorgeir Eyjólfsson er komin í skjól í Seðlabankann.Eftir hörmulega frammistöðu fyrir LV.
Gunnar Páll Pálsson var látinn taka poka sinn með skömm.
Þeirra þáttur í ruglinu innan LV var stór en það eru fleiri, sem þurfa að axla ábyrgð.