Miðvikudagur 18.05.2011 - 11:36 - Rita ummæli

Ímynd og útvegsbændur

Ég er farin að heyra auglýsingar frá útvegsmannafélögum hringinn í landið.   Í auglýsingunum er bent á mikilvægi íslensks sjávarútvegs og fjölda þeirra starfa sem atvinnugreinin skapar.

Þetta er gott framtak hjá aðildarfélögum Landssambands íslenskra útvegsmanna.  Alveg bráðnauðsynlegt í ljósi slakrar ímyndar sambandsins og greinarinnar í heild, sérstaklega eftir mistökin í tengslum við síðustu kjarasamninga.

Við þurfum nefnilega að benda á það jákvæða í starfsemi íslensku sjávarútvegsfyrirtækjanna.  Þannig rökstyðjum við af hverju núverandi handhafar aflaheimilda eiga að fá nýtingarsamninga um rúmlega 90% af aflaheimildunum, og hlutdeild í framtíðaraukningu til a.m.k. 20 ára.

Því þau skapa störf, þau eiga framleiðslutækin, þau hafa þekkinguna, – og við viljum treysta þeim til að fara vel með sameign þjóðarinnar.

Það traust kemur með skilyrðum, en ég efast ekki um að þau munu standa undir þeim.

Flokkar: Óflokkað

«
»

Rita ummæli

Kæfuvörn:   Hver er summan af fimm og einum? Svar:

Höfundur

Eygló Harðardóttir
og lífið eftir pólitík.
RSS straumur: RSS straumur