Bæklingurinn um þjóðaratkvæði um breytingar á stjórnarskránni er kominn í hús. Um leið og ég blaða í gegnum hann, fannst mér tilvalið að deila kosningaauglýsingu okkar Framsóknarmanna frá síðustu Alþingiskosningum um breytingar á stjórnskipun og stjórnarfari.
Hér má einnig finna ályktanir flokksins frá flokksþinginu 2011 um það sem við teljum mestu skipta við breytingar á stjórnarskránni og grein sem ég skrifaði eftir forsetakosningarnar um að þjóðarvilji ráði för.
Eygló Harðardóttir
Nokkrir þingmenn Framsóknarflokksins, þ.á.m. formaðurinn, reyndu með málþófi að tefja og koma í veg fyrir þjóðaratkvæðagreiðslu um tillögur stjórnlagaráðs sem eru mjög í anda þeirra breytinga sem kveðið er á um í auglýsingunni ykkar.
Hvort er stefna flokksins að styðja þessar breytingar sem talað er um í auglýsingunni eða standa gegn þeim, veist þú það?
Sæl Eygló
Það væri kannski ráð að senda Sigmundi, Vidgísi og fleirum í þínum flokki þessa auglýsingu…svona af gefnu tilefni.
kveðja
Páll
Stefna flokksins liggur fyrir og áherslur í breytingum á stjórnarskránni. Hins vegar skal viðurkennt að þingmenn flokksins hafa haft misjafnlega mikla þolinmæði gagnvart vandræðaganginum í kringum ferlið.