Laugardagur 24.12.2011 - 09:26 - Rita ummæli

Rauðar jólakúlur, Stollen og Jamie.

Jólin eru að koma.  Vindurinn gnauðar fyrir utan, Herjólfur siglir ekki en það er hlýtt og notalegt inni í gamla húsinu mínu.

Bergsson og Blöndal í útvarpinu.  Jólatréð er skreytt rauðum jólakúlum. Trönuberjasósan ilmar af eplum, kanil og appelsínum. Stollen hvílir í hvítum sykurhjúpnum á eldhúsborðinu og kalkúninn bíður eftir að komast að í ofninum.

Jólastollen

Jólastollen

Undanfarin ár hefur hátíðarmáltíð Williams frænda verið á borðum mínum á aðfangadag.  Jamie Oliver náði að troða sér aðeins inn á matseðilinn í ár, þökk sé sjónvarpsþætti hans á Stöð 2. Má sjá áhrif hans í rósarkálinu, rauðkálinu, sósunni og snickers ísnum. Lakkrísbragðið kemur sérstaklega á óvart í rauðkálinu og sósunni.

Að auki prófuðum við hjónin í fyrsta skipti að baka La bûche de Noël (jólatrédrumb).

Jóladrumbur

Jóladrumburinn

Vatn í munninn bara við að skrifa þetta…

Ég óska lesendum gleðilegra jóla og góðra samverustunda með fjölskyldu og vinum.

Flokkar: Matur

«
»

Rita ummæli

Kæfuvörn:   Hver er summan af fimm og átta? Svar:

Höfundur

Eygló Harðardóttir
og lífið eftir pólitík.
RSS straumur: RSS straumur