Þriðjudagur 04.02.2014 - 00:36 - Rita ummæli

Stríðni vegna holdafars

Ég starfaði í nokkur ár sem námsráðgjafi í grunnskóla. Í skólanum komu oft upp mál er snertu líðan nemenda, félagstengsl, stríðni og nám. Í skólanum vann ég verkefni  í tengslum við stríðni vegna holdafars sem mig langar að deila með ykkur.

Kennari hafði áhyggjur af stríðni meðal nemendanna vegna holdafars eins þeirra. Stríðnin virtist hafa slæm áhrif á líðan allra sem að málinu komu. Kennarinn óskaði eftir aðstoð samstarfsmanna sinna og vildi stöðva stríðnina og um leið bæta líðan og líkamsmynd nemendanna.

confident-kids-logo

Við fórum af stað með verkefni og fræðslu í bekknum. Nemendur voru beðnir um að velta fyrir sér kostum mismunandi útlita. Ákveðið útlit var tekið fyrir í einu og kostir eða jákvæðir eiginleikar þess útlits kortlagðir, til að mynda kostir þess að vera hávaxinn, lágvaxinn, grannur eða feitur. Þegar nemendur voru búnir að nefna marga jákvæða eiginleika eða kosti áttu þeir að nefna fyrirmyndir sem pössuðu inn í hvern flokk. Sem dæmi má nefna það að ef nemendur nefndu að þeir sem væru hávaxnir gætu orðið góðir í körfubolta hentaði vel að nefna góðan körfuboltaleikmann sem fyrirmynd.

Dæmi um verkefni nemenda:

Hávaxinn

Lágvaxinn

Grannur

Feitur

Kostir:

Góður í körfubolta

Góður í fótbolta

Góð í handbolta

Góð í marki

Getur hjálpað öðrum t.d. náð í hluti sem eru hátt uppi

Góður í frjálsum íþróttum

Sterk

Sér vel á tónleikum

Góður leikari

Góður söngvari

Kostir:

Góður í dansi

Góður í fimleikum

Getur falið sig vel í feluleik

Góð í handbolta

Góður í fótbolta

Góður í marki

Góður í frjálsum íþróttum

Góð í ballet

Góður söngvari

Góður leikari

Liðugur

Góð barnapía

Kostir:

Góð í fimleikum

Góður í ballet

Góður í karate

Kemst á milli þröngra staða

Góður í að fela sig í feluleik

Góður í frjálsum íþróttum

Liðugur

Góður í jazzballet

Sterkur

Góður söngvari

Góður leikari

Kostir:

Sterk

Góður í fótbolta

Góð í marki

Góður í handbolta

Góður í glímu

Góð í karate

Góður söngvari

Góður leikari

Góður í lyftingum

Góður í frjálsum íþróttum

Góð í júdó

Góður í boxi

Liðugur

Fyrirmyndir:

Ólafur Stefánsson

Nicole Kidman

Uma Thurman

Jón Arnór Stefánsson

Liv Tyler

 

Fyrirmyndir:

Justin Bieber

Bjarki Sigurðsson

Gróttu stelpurnar

Tom Cruise

Johnny Galecki

Fyrirmyndir:

Justin Bieber

Gróttu stelpurnar

Karate Kid

Kári Steinn

Selena Gomez

Fyrirmyndir:

Adele

Ólafur Darri

Margir júdómenn

Auðunn Jóns.

Christina Aguilera

Lauren í Glee

Út frá verkefninu komu skemmtilegar umræður. Til að mynda fannst nemendum áhugavert að sjá hve marga góða kosti útlitin áttu sameiginleg og töluðu nemendur um að útlit, kyn eða aðrir þættir höfðu greinilega ekki mikil áhrif á það hvað krakkar gætu gert, æft eða haft gaman af. Í þessum hópi nefndu nemendur til dæmis að það vera feitur eða grannur hafði lítið um það að segja hvort viðkomandi gæti orðið góður í frjálsum íþróttum. Í framhaldinu er gagnlegt fyrir kennara að draga fram fleiri atriði þar sem holdafar og líkamsstærð skiptir engu máli. Allir geta dansað, sungið, synt, o.s.frv. og leggja áherslu á að flest færni er óháð því hvort við erum hávaxin eða lágvaxin, gannvaxin eða feitlagin

Nemendur voru líka meðvitaðir um það að allar tegundir útlits ættu að þykja eðlilegar og fallegar þar sem við fæðumst ólík. Sumir eru dökkhærðir, aðrir ljóshærðir, sumir verða hávaxnir meðan aðrir verða lágvaxnir. Eins er holdafar okkar ólíkt frá náttúrunnar hendi.

Þetta verkefni getur verið góð leið til að hefja umræður um hve líkamsstærðir eru ólíkar og  hvort líkamsstærðin skipti endilega máli? Feit manneskja getur t.d. verið mjög liðug þótt það sé ekki partur af staðalmyndinni og grönn manneskja getur verið sterk. Allir geta dansað. Að mestu leyti veltur færni ekki á holdafari heldur á þjálfun og hæfileikum sem allir geta ræktað með sér.

Verkefni hvetur vonandi nemendur sem og okkur starfsmenn skólanna til að fagna fjölbreytileikanum.

Greinin birtist upphaflega á sjalfsmynd.com

 

Flokkar: Fjölbreytileiki · Líkamsvirðing

«
»

Rita ummæli

Kæfuvörn:   Hver er summan af núlli og átta? Svar:

Höfundur

Líkamsvirðing er vettvangur þeirra sem vilja breytt samfélagsviðhorf varðandi útlit, heilsu og holdafar. Við viljum efla heilbrigði í víðum skilningi, vellíðan og virðingu fyrir fjölbreyttum líkamsvexti. likamsvirding@gmail.com