Af einhverjum ástæðum birtust ekki myndir af verkum Björns Hallssonar með síðustu færslu.
Ég ætla að bæta úr því í dag og setja nokkrar myndir af nýlegum verkum Björns og kynna hann lítillega fyrir lesendum. Það er vilji minn að kynna lauslega þá arkitekta, landslagsarkitekta. innanhússarkitekta sem tjá sig hér á bloggi mínu um málefni líðandi stundar í skipulags- og byggingamálum. Björn sendi mér skoðanir sínar á málefnum LSH sem birtar voru i síðustu færslu.
http://blog.eyjan.is/arkitektur/2010/01/22/bjorn-hallsson-lsh/#comments
Björn Stefán Hallsson nam arkitektúr í City of Leicester Polyteknics, nú Montfort University School of Architecture á Englandi og lauk þaðan prófi 1978. Hann vann stuttan tíma hjá Ólafi Sigurðssyni og Guðmundi Kr. Guðmundssyni arkitektum þar til hann stofnaði eigin teiknistofu sem hann rak til 1991 þegar hann flutti til Bandaríkjanna.
Hér heima vann hann nokkrar samkepppnir sjálfur og í félagi við aðra.
Meðal verka hans má nefna Setbergsskóla í Hafnarfirði, nokkrar framúrskarandi skolpdælustöðvar sem sjá má víða við strandlengjuna, Sundlaug í Árbæ með Jóni Þór Þorvaldssyni arkitekt og fl.
Þau tæp 20 ár sem hann hefur starfað í Bandaríkjunum hefur hann verið umsvifamikill í sínu fagi og unnið til margvíslegra verðlauna svo sem Distinguised Building Award, Award for Excellence in Masonry Design o.fl.
Hér að neðan eru nokkrar myndir af verkum sem Björn Hallsson hefur unnið að undanfarin ár.
Northern Arizona University
Foxconn China Headquarters
Temps La Defence í París
Temps La Defence í París
North Grand High School í Chicago
Hilmar Þór Björnsson arkitekt
Good article!
Já, Sigurlaug, laun heimsins eru vanþakklæti.
Ég held þó að ástandið hafi batnað mikið frá byggingartíma SPRON.
Öll mín viðskipti við Borgarskjalasafn hafa verið með miklum ágætum ( á árunum 2012-2014).
En þetta var flott hjá þér með uppmælinguna.
Þú átt hrós skilið.
Kveðja, Gunnar.
Hús SPRON
03.02.2010
Í tilefni af því að hús SPRON á Skólavörðustíg 11, Reykjavík, kom við sögu í bloggpistlinum Arkitektúr, skipulag og staðarprýði, þann 3. febrúar 2010, langar mig til að ryfja upp, hvað stóð á lóðinni á undan SPRON: Það var lítið íbúðarhús af gerðinni steinbær eins og voru byggð í Reykjavík á fyrstu dögum borgarinnar, þegar fólkið var að yfirgefa torfbæjina í sveitunum og flytjast „á mölina“ eins og sagt var.
Hús þetta var kallað Tobbukot. Þar bjó kona að nafni Þorbjörg Jónsdóttir og var ljósmóðir.
Öllum virtist standa á sama um, hvað yrði um þetta litla hús, sem var fyrir, þar sem það stóð og átti að rífa vegna nýbyggingar SPRON. Engin teikning eða mynd var til af því, hvorki í fórum Reykjavíkurborgar né SPRON.
Ég fór þá með málband og teikniáhöld og mældi húsið og teiknaði upp. Teikninguna fór ég með til Borgarskjalasafnsins og afhenti hana Lárusi Sigurbjörnssyni, sem sá um Borgarskjalasafnið, þá í Skúlatúni 2. Ekki var minnst á borgun, honum þótti bersýnilega sjálfsagt að fá teikninguna að gjöf fyrir Skjalasafnið. Ég vona að hún sé ennþá til í safninu.
Sigurlaug Sæmundsdóttir
arkitekt FAÍ
Þetta eru magnaðar byggingar. Virkilega djarfur arkítektúr.
Það væri gaman að sjá hann vinna meira hérna heima.
Guð veit að Reykjavík þarf á því að halda