Bílar eru vissulega hluti af umhverfinu og hafa meiri áhrif á það en marga grunar. Útlit þeirra og litir skipta líka máli þegar talað er um staðarprýði.
Hér eru birtar myndir af nýjustu afurð Mercedes Benz. Þetta er hönnun eftir Steel Drake sem endurvekur hér skörpu línurnar í bifreiðahönnun.
Allir muna blöðruskódann frá sjöunda áratugnum sem hafði þau áhrif að flestir bílar urðu blöðrulegir í útliti áratugum saman í kjölfarið.
Þessi gerð af bens heitir Mercedes-Benz SF1 og markar sennilega nýja nálgun í bílahönnun. Minnir mig nokkuð á svörtu hljóðfráu bandarísku orustuþotuna „F-117 Nighthawk“ sem er á neðstu myndinni.
Hilmar Þór Björnsson arkitekt
Ég veit nú ekki hvort að SF1 marki nýja nálgun í bílahönnun. Mér finnst honum svipa til þess sem Lambhorgini hefur verið að gera undanfarin ár. Hægt er að skoða t.d. Revénton og Sesto Elemento. Og jafnvel bara Aventador.
En þetta er ansi flottur bíll hjá Mercedes Bens, því verður ekki neitað.
Brjálæðislega flottur bíll og minnir á tilburði í nútíma arkitektúr eins og kannski nýja Porsche safnið. Það er samt umhugsunarvert að línurnar í bílnum undirstrika hraða og hreyfingu, línurnar í byggingunni líka. Maður spyr sig um metaforið því þessar línur má finna í byggingum öðrum en bílasöfnum…
Hvaða Ítali teiknaði þennan bíl?
Er þettta ekki vefurinn þar sem farið hefur fram linnulaus áróður gegn einkabílnum?
Jesss.. Rosalegur.
Hvenær verður svona bíll kominn á göturnar í Reykjavík?