Sunnlendingar eru afar feitir. Sérstaklega Árnesingar. Af Árnesingum eru Selfyssingar feitastir. Ég hafði orð á þessu þegar ég kom til starfa við Sunnlenska fréttablaðið fyrir tíu árum. Hafði búið Í Reykjavík og á Höfn og sá strax að þetta fólk var öðruvísi. Sérstaklega eru ungar konur feitar. Offita er sem faraldur meðal þeirra. Fólkið fékk sér kjöt og sósur í hádeginu. Það hafði ég ekki séð lengi. Vinir mínir á Höfn og í Reykjavík átu fisk og grænmeti í hádeginu. Nú er komið í ljós að Íslendingar eru afar feitir á heimsvísu. Að mínu viti eiga Sunnlendingar metið hér innanlands. Hefur nokkur rannsakað það annars. Það þarf ekki að taka það fram að samstarfsmenn mínir hlógu að hugarburði mínum gera sjálfsagt enn. Hvergi á byggðu bóli taka menn minna mark á því sem aðfluttir segja en á Suðurlandi.
Þarna hittir þú naglann á höfuðið þetta er mjög áberandi hvað börnin eru feit þegar maður fer í sund á Selfossi.
Það er búið að rannsaka þetta og niðurstaðan er sú að
Húnvetningar séu lang mest feitastir, en það er af því að húsmæðurnar eru langsamlegast duglegastar að baka og elda – þær gera yfirleitt 17 sortir eftir fjós á morgnanna, fyrir hádegi, búnar klukkan eitt, fara þá í fjárhúsið og svo aftur í fjós. Það slær þeim enginn við í neinu.
Áreiðanleiki þessarar rannsóknar er mikill.
Selfyssingar eru með breiðum sérhjóða í samræmi við holdafarið. þ.e. það er skrifað eð ypsiloni. Ekki Selfissingar, enda væru þeir líklega grennri ef þetta væri ritað með grönnum sérhljóða.
Holdafarið fer ákaflega mikið eftir nafni byggðarlagsins, það er enginn feitur á Mjóafirði, en á Breiðdal mega menn fara að vara sig. Höfn er ákaflega stutt nafn og menn því eðlilega stuttir og rýrir þar.
Þetta skal ég leiðrétta Berglind. Mér þótti eitthvað mjóslegið við Selfissinga en fattaði ekki hvað það var. Selfyssingar, auðvitað. Bkv. baldur
Hæ Baldur!
Prófaðu að skipta orðinu „feitur“ út fyrir „heimskur“ – eða „ljótur“.
Það er ekki bara miklu fyndnara – heldur myndi það poppa þér upp í klassa byggðarasista par excellence!
Án gríns – af hverju er eina undantekningin á því að það sé ófagurt að draga fólk í dilka eftir kyni, hneigð, trú, lit, gáfum, menntun, etc. – mismunun vegna holdafars?
P.S. Berglind er sniðug .-)