Gaman að sjá hina pólitísku sjamöra Baldur Óskarsson og Guðna Ágústsson í viðtalsþætti hjá einu trölli til viðbótar Ingva Hrafni. þetta eru tröll já á sinni tíð en dálítil nátttröll líka. Þá félaga dreymir um frið og einingu á pólitíska sviðinu, sterka forystu, sterkan forseta, hóflega orðræðu, agaðan bloggheim. Þjóðfélag sem framleiðir, framleiðir og framleiðir og allt er í gangi og ein þjóðarsál. þessi tími kemur vonandi ekki. Þetta er kommúnísk orðræða þá betur er að gáð. Draumsýn kúgaðs öreigasamfélags austur þar á fyrri hluta 20. Aldar. Á lítið erindi inn í tæknivætt, upplýst, lýðræðissamfélag 21. aldar. Eða hvað? Er það kommúnisminn sem blívur? Samfélag framleiðslu og þagnar?
En nafni minn og Guðni eru samt miklir snillingar. (var hugsað sem græskulaust einkum gagnvart nafna Baldri Óskarssyni sem ætti hiklaust að endurvekja pólitískan feril sinn! (fólk sem fer að þvæla um presta og Samfylkingu Og ESB í tilefni af þessari færslu ætti hiklaust að fara í bað)
Nátttröll eru þeir öðru fremur.
,,Draumsýn kúgaðs öreigasamfélags austur þar á fyrri hluta 20. Aldar. Á lítið erindi inn í tæknivætt, upplýst, lýðræðissamfélag 21. aldar.“
Já. Í fljótu bragði mundi maður ætla að slíkt forynjutal ætti lítið erindi inní árið 2012. En, EN, menn skulu sjá og greina hvað sumir, ótrúlega margir að mínu mati, eru að skrifa á bloggum og þess háttar, td. moggabloggi. það er bara með ólíkindum. Alveg með ólikindum. þar er draumlandið og paradísin í einhverjum höftum og þjóðarsameiningu eða samstöðu o.s.frv. Og allt sem því fylgir, framleiðsla, króna etc. Einangrun frá vondum útlendingum o.þ.h.
Ofanefnt viðhorf er nefnilega alveg með ólíndum útbreitt á þessu skeri hérna. Segir alveg sína sögu þegar hluti þeirra sem kalla sig ,,vinstri menn“ eru í raun ekkert annað en þjóðrembingar.
það er alveg hefð fyrir því að þeir sem kalla sig vinstri – þeir beiti í raun þjóðrembingi. það var gert í Norður Kóreu. þar var yfirlýst stefna og prógram sett í gang þar sem landið átti að verða sjálfu sér nóg um allt. Að sumu eiti má etv. rekja upphafið þar í landi til viðskiptahindranna umheimsins en samt sem áður tóku Norðu kóresk yfirvöld þetta plan bókstaflega og hafa af einbeitni framfylgt essari stefnu. Menn sjá afleiðingarnar. Og þetta vilja sumir innbyggjarar hérna!! Eins og eg segi, bara alveg með ólíkindum sumir innbyggjar hérna. Forpokaðar forynjur.
Ekki er ég vinstri maður en ég held að það sem þessir menn voru að segja sé sannleikurinn. Þið viljið greinilega frekar láta innlima ykkur inn í ESB sem þræla. Er það ÞAÐ sem er svo kúl og nútímalegt? Oft er gott sem gamlir kveðja.
En sjaldan hef ég lesið grein sem er svo uppfull af rætni vel falda inn í skjalli, ekki er þetta nú prestlegt verð að segja það.
Hafir þú ætlað að særa mig Ásthildur þá tókst þér það.Ég var nú einkum að stríða tveimur góðum vinum mínum sem þola það vel.