Það var eins gott að Jesú kom fyrir daga Gutenbergs áður en bækur urðu markaðsvara. Sjáiði fyrir ykkur Matteus koma inn með Matteusarguðspjall til forleggjarans sem hafnar bókinni með þeim orðum að Markús nokkur hafi fengið gefna út samskonar bók fyrir nokkrum árum. Bók með sama söguþræði, heilu kaflarnir séu meira að segja orðréttir eins. Og svipaða útreið hefðu Lúkas og Jóhannes fengið. Málsókn ekki útilokuð.
Guðspjöllin eru sem sagt fjórar svipaðar bækur. Þær þrjár fyrstu kallaðar samstofna, ritaðar upp úr sömu heimildinni en Jóhannesarguðspjall tekur málið aðeins lengra.
Síðan er fyllt upp í með bréfum, flest eftir skipsbrotsmanninn Pál. Alls eru þetta 27 ritvek. Guðspjöllin læsilegust og Postulasagan einnig en það er samtímasaga með þræði. Bréfin eru torlæsari, sum mjög svo.
Það hefði verið ekkert mál að fá að hafa bækur Gamla Testamentisins með því þær voru löngu komnar úr öllum höfundarrétti. Skrifaðar mörg hundruðum árum fyrr (miðað við raunverulegan ritunartíma hins Nýja)
Kannski hefðu Gyðingar að breyttu breytenda gert einhverjar athugasemdir því að Gamla Testamentið er Biblía þeirra – samansafn 39 bóka.
Ástæðan fyrir því að kristnir tóku þeirra Biblíu með er tvíþætt. Jesú var Gyðingur og GT því hans trúarbók og flestir fyrstu aldar kristnir umsnúnir gyðingar og bókin þeim því hjartfólgin. Svo spáir GT fyrir um Jesú segja menn og Jesú sjálfur tengdi boðun sína trúarhugmyndum þaðan og saga gyðingþjóðarinnar undirbygging fyrirheita Guðs sem rættust í Kristi.
Jæja, hvernig á að skilja þessa blessuðu bók. Sumir halda því fram að hún sé Guðs orð. Guð hafi beinlínis stýrt penna rithöfundanna. Því beri mönnum að elta hven stafkrók, sníða af sêr hendur, rífa úr sér augun. Aðrir telja að Biblían sé innblásið orð Guðs þ. e. höfundanir uppblásnir af Guði ef svo má segja en hver stafur sê þar af leiðandi ekki heilagur því enginn maður sé fullkominn.
Flestir lærðir guðfræðingar og alvöru háskólar hallast að síðari kostinum enda flýgur sá fyrri í fasið á allri lágmarksskynsemi. Þá væri heimurinn skapaður á sex dögum og mannlegt samfélag hefði fljótlega staðnað hefði bókafstrú orðið okkar hlutskipti. Við hræðumst íslamska bókstafstrúarmenn og það með réttu, gyðinglegir bókstafstrúarmenn næra skopskynið og ég held að það sé kominn tími til að við hættum að láta kistna bókstafstrúarmenn vaða uppi með fordóma gegn samkynhneigðum og ýmis konar bull og vitleysu.
Code orð yfir Gt er lögmál. Boðskapur Nt er kallaður fagnaðarerindi. ,,Rétttrúarlínan“er sú að aðeins sé mark takandi á því í Gt sem standist kærleiksboðskap Jesú Krist (sem helst má ná með gullnu reglunni: Allt sem þér viljið að aðrir……). Þar með hendum við burt mest af regluverki Mósebóka sem fjallar með öðru um það hvernig á að umgangast konur og svín.
En hvað með bréf Páls postula þar sem örlar á skoðunum sem mannrêttindahyggja 19. Og 20. aldar hefur ýtt út af borðum. Guðfræðin hefur sett undir það. Aðeins það sem má rekja beint til orða Jesú ber að taka bôkstaflega. Allt annað er fyrst og fremst leiðbeinandi og til íhugunar. Og guðfræðingar eru nokkuð sammála um hvað megi rekja beint til Jesú og finna það út með samanburði á guðspjöllunum. Þetta gefst nokkuð vel því að orð Jesú standast t.d mannréttindahugsun nútímans sem auðvitað m.a. byggist á honum. Jesú kallinn var nefnilega alveg einstakur.
Svo eru enn aðrir sem vilja losa sig alveg við bókstafinn og stilla Jesú upp gagnvart hverjum vanda og spyrja: Hvernig hefði hann hugsað? Hvernig hefði hann brugðist við?
Þá verða menn að sjálfsögðu mjög kærleiksríkir og góðir. Annað er ekki í boði.
En Biblían er margbrotið og merkilegt rit sama hvernig á er litið.
Nei, reyndar ekki! Guðmundur: Af hverju viltu vita það? Ertu forvitið barn? Fræðimaður eða trúarlögga? Ertu að biðjabum leiðsögn? Þarftu leiðsögn. Þú veist að gyðingar telja þessi Jesajaskrif Messiasarfyrirboða og kristnir menn telja að Jesú hafi verið þessi messías.
Hjalti Rúnar: 1. Já
2. Með samanburðarrannsóknum á Samstofna guðspjöllunum komast menn ansi langt að giska á upprunaleg orð. Kannast ekki við þessa sem þú nefnir.
3. ekki svo slæm hugmynd en margvísleg vandamál
4. Þessi orð verður að skilja íí samhengi textans, nærsamhengi og fjærsamhengi.
Ég tók það fram í upphafi hvers vegna ég væri að spyrja.
Þú þarft því ekki að vera með neinn skæting þegar þú svarar. Mig rekur minni til þess að ekki alls fyrir löngu hafir þú farið fram á – og haft mikið til þíns máls – málefnalegar umræður á bloggsíðum og frábeðið þér skítkast og leiðindi. Þú þarf ekkert að spyrja hver ég sé – þú getur bara klikkað á nafnið mitt (ég skrifa jú undir fullu nafni) og lesið þar „allt“ um mig (svona eins og menn geta lesið allt um næsta mann, og ég um þig á bloggsíðum.) Og nei, ég er ekki barn, og já ég er fræðimaður, en, nei mig vantar ekki leiðsögn og allra síst frá þér í ljósi þess hvernig þú bregst við einfaldri spurningu.
Spurning mín var eðlileg út frá því sem þú skrifaðir en það er engu líkara en að ég hafi komið við snöggan blett eða ég veit ekki hvað.
Svo bið ég þig vel að lifa.
Faðir fyrirgef þeim því þeir vita ekki hvað þeir eru kjánalegir.
Og munu því halda vaðlinum áfram ad nauseam.