Arkitektinn Philip Johnson teiknaði “The Glass House” undir áhrifum Farnsworth House eftir Mies van der Rohe.
Húsið sem arkitektinn teiknaði fyrir sjálfan stendur í Connecticut í Bandaríkjunum. Þetta hús er það fyrsta af mörgum sem hann hefur byggt á landareign sinni sem er alls 47 ekrur að stærð. Hann kláraði húsið árið 1949 eða nákvæmlega 20 árum eftir að Mies byggði sýningarskála þjóðverja fyrir heimsýninguna í Barcelona 1929.
The glass house er með mjög opna grunnmynd sem samanstendur af skáparöð sem skermar af svefnherbergi og sívalningi sem myndar baðherbergi og arinn. Eldhúsið er frístandandi bekkur. Annað er það ekki.
Allir útveggir eru gler frá gólfi til lofts. Þetta er eins einfalt og hugsast getur. Í raun eitt stórt 172 fermetra rými sem uppfyllir allar þarfir eins manns. Lofthæðin er um 3 metrar.
Philipp Johnson var stjórnarformaður MOMA í New York og þótti viðeigandi að hafa myndlist í húsinu. En þar sem engir veggir voru eru myndirnar látnar standa á pinnum upp úr gólfinu eða að þær voru látnar hanga úr loftinu.
Þó manni finnist húsið smellpassa inn í hugmyndir Mies van der Rohe um að “less is more” , þá var gamli maðurinn ekki ánægður þegar Philip sýndi honum húsið. Sagt er að hann hafi rokið á dyr og sagt að það vantaði alla hugsun í smáatriðin.
Önnur saga segir frá því þegar hópur arkitekta kom í heimsókn til að skoða húsið og byrjuðu að spyrja arkitektinn einhverra rökstuddra gáfulegra spurninga um húsið, þá hafi Philipp Johnson svarað og sagt: “Shut up and look around”
![glass-house-interior1[1]](http://blog.dv.is/wp-content/uploads/sites/58/2010/08/glass-house-interior11.jpg "glass-house-interior1[1]")
Grunmynd hússins í öllum sínum minimalisma
Góðir gestir í heimsókn á góðri stund: Frá vinstri Andy Warhol, David Whitney, Philip Johnson, Dr. John Dalton og Robert A. M. Stern í the Glass House 1964
Hilmar Þór Björnsson arkitekt
Ef íbúðin er ónothæf til íbúðar – getur húsið þá talist góð byggingarlist?
Tek undir með Samúel.
Landslagmálverkið vekur athygli. Húsið er þannig staðsett að það er ekkert annað að sjá en síbreytilegt landslag. Hvert sem horft er.
Þarna hefði átt að vera mynd af einhverju öðru, Konu kannski eða einhverri uppstillingu.
Það er nóg af landslagi þarna….“LIFE“
Þarna eru markmiðin sett og engar málmiðlanir í gangi.
Þetta er auðvitað meistaraverk.
Gallinn er bara sá að lífið er fullt af málamiðlunum og þess vegna er þetta gott hús að heimsækja en ekki gott til að eiga heima í.
Húsið er án málamiðlana meðan lífið og atferli allt er ekkert annað en tómar málamiðlanir.
Mies var meistari og Farnsworth House er sannkallað meistaraverk, Johnson var vissulega oft heppinn arkitekt en ekki er samt hægt að bera hann saman við lærimeistarann . Less getur vel verið more – það er ekkert absoútt í því, veldur hver á heldur…..
Less is a bore !!!
Ég hnaut um landslagsmálverk á standi á síðustu myndinni.
Af hverju?
Loftræsting var ekki aðalvandinn heldur vetrarkuldinn.
Eins gott að það sé góð loftræsting þarna inni, annars væri ólíft þarna í sólinni:)
Glæsileg 61 árs bygging