Gamli prófessorinn minn á Konunglegu dönsku Akademíunni fyrir fagrar listir í Kaupmannahöfn, Jörgen Bo, byrjaði oft fyrirlestra sína með því að varpa mynd af málverki upp á vegg.
Bo var mikill áhugamaður um myndlist og teiknaði m.a. listasafnið fræga, Louisiana í Danmörku.
Jörgen Bo útskrifaði marga íslenska arkitekta. Má þar nefna Sverri Norðfjörð heitinn, Albínu Thordarson, Dagnýju Helgadóttur, Þorstein Helgason og fl. auk undirritaðs. Stefán Thors skipulagsstjóri var einnig nemandi hans um tíma.
Ég ætla að byrja blogg mitt eins og prófessor Jörgen Bo byrjaði fyrirlestra sína, á málverki.
Ég vel málverk eftir ítalann Chiroco, The Enigma of the day, (Gáta dagsins(!)) sem er metafysiskt, þar sem ríkja andstæður á borð við kyrrð, skugga, sól, stóriðju og hreyfingu.
Þegar horft er á myndina veltir maður fyrir sér hvað sé inni í húsunum og hvað handan hornsins? Hvert fór fólkið? Af hverjum er styttan og hvað er í kassanum? Hvað eru mennirnir tveir í fjarska að hugsa? Eru þeir að koma eða eru þeir að fara? Eða eru þeir að bíða eftir einhverju? Hvað er að fara að gerast þarna á torginu.
„Something is happening here but you don’t know what it is, do you, Mr. Jones?“
Skakkt perspektív myndarinnar gerir mann óöruggan.
Townscape, landscape og/eða mindscape, án vinda og án gróðurs?
En litirnir róa mann.
Þetta er málverk af óstaðbundnum og ótímasettum arkitektúr og einnig málverk af þeirri tilfinningu sem maður sem er að leggja af stað í bloggferðalag ber í brjósti.
Hilmar Þór Björnsson arkitekt
ágætt
Smátékk
prufa
Frábært framtak…mál til komið að losa aðeins um málbeinin og eiga samræður um arkitektúr
Bestu óskir um framhaldið. Byrjunin lofar góðu.
Ljómandi lýst mér á þetta umfjöllunarefni og ekki batnar það nú þegar vitnað er í Bob Dylan.
Hlakka til að fylgjast með þessari síðu :o)
Til hamingju með síðuna, góðar vangaveltur í upphafi.
stórkostlegt að fá umræðu um myndrænt gildi torga upp fyrir grasþökurnar.
bravo,
Frábært framtak! Verður spennandi að fylgjast með framhaldinu.
Chirico, er það ekki, og „L’enigma di UNA giornata“. Kærar þakkir
Til hamingju með síðuna, gott mál!
Til hamingju með síðuna. Bæði skemmtilegt og nauðsynlegt að fá þína rödd inn í umræðuna.
Flott framtak hjá þér frændi.
Velkominn! Áhugavert bloggþema og verður eflaust gaman að fylgjast með.
Góða ferð!
Líst vel á.
Velkominn í bloggheima, mann er strax byrjað að hlakka til