Þriðjudagur 20.09.2011 - 19:42 - 2 ummæli

ARKITEKTÚR tímarit

Nýlega kom út tímaritið ARKITEKTÚR sem gefið er út af Arkitektafélagi Íslands og Félagi Íslenskra Landslagsarkitekta.

Að þessu sinni er sjónum beint að ferðamannastöðum á Íslandi þar sem einkum er litið aðbúnaðs og aðstöðu til þess að taka á móti fólki.  Þá er fjallað um nokkrar glæsilegar nýbyggingar svo sem sundlaugina á Hofsósi, Menningarhúsið Hof á Akureyri, Skála Íslendings í Reykjanesbæ o.m.fl.

Þarna er líka merkilegt viðtal við Reyni Vilhjálmsson og Manfreð Vilhjálmsson um ferðaþjónustu og arkitektúr ásamt greinum um merkingar á ferðamannastöðum o. fl.

Þarna eru líka áhugaverðar greinar um landslagshönnun og vöruhönnun.

Þetta er spennandi blað sem ætti að liggja frammi í öllum betri stofum landsmanna.

Blaðið kostar aðeins  kr. 1250.- og fæst í öllum betri bókabúðum

22.09.2011

Mér hefur verið bent á að ég nefndi ekki að ofan að í ritinu er ágæt yfirferð yfir arkitektasamkeppnir sem voru haldnar á síðastliðnu ári hér á landi.

Þar er  fyrst að telja Nýjan Landspítala þar sem er fjallað um allar innsendar tillögur. Þá er fjallað um samkeppni um framhaldsskóla í Mosfellsbæ þar sem birtar eru teikningar af  öllum  verðlaunuðum og innkeyptum tillögum.

Um þriðju samkeppnina sem dæmd var á síðasta ári er ekki fjallað en það er hjúkrunarheimili á Eskifirði.  Ekki veit ég hver ástæðan er, en þetta vekur athygli vegna þess að það er mikilvægt að jafnræði sé gætt og að arkitektar fái umfjöllun um verk sín.  Þessi efnistök skekkja myndina af samkeppnismálum á síðasta ári.

Ef fjalla átti um samkeppnir á annað borð hefði hjúkrunarheimilið átt að vera fremst í forgangsröðinni vegna þess að hjúkrunarheimili eru mikið á dagskrá hér á landi um þessar mundir.

Flokkar: Óflokkað

«
»

Ummæli (2)

  • Árni Ólafsson

    Fróðleg umfjöllun um íslenska byggingarlist og umhverfismál. Því miður hefur láðst að prófarkarlesa blaðið þannig að stafsetningarvillur, innsláttarvillur og jafnvel slæmar málvillur eru allt of tíðar. Fagmennskan þarf að vera á öllum vígstöðvum.
    Flott útgáfa og forvitnilegt efni – þrátt fyrir þennan vandræðagang. Gengur vonandi betur næst!

  • Þórarinn Malmquist

    Ég tek fullkomlega undir þessa ábendingu. Hér hefði mátt gera mikið betur. Við munum að sjálfsögðu leggja áherslu á að laga þetta í næsta tölublaði.

    Ritstjóri

Rita ummæli

Kæfuvörn:   Hver er summan af átta og átta? Svar:

Höfundur

Hilmar Þór Björnsson arkitekt
Tilgangur síðunnar er að kynna arkitektúr, skipulag og staðarprýði ásamt því að stuðla að umræðu um efnið. Það sem fram kemur ber ekki að skilja sem skoðun höfundar heldur hugleiðingu sem sett er fram í þeim tilgangi að vekja lesendur til umhugsunar og skoðanaskipta. Tekið er á móti aðsendum greinum þegar það á við, sem þá eru á ábyrgð höfundar aðsends efnis.
Athugasemdir við færslur eru velkomnar. Þeir sem vilja koma skilaboðum til ábyrgðarmanns beint er bent á netfangið hilmarstofunni@gmail.com
RSS straumur: RSS straumur

Færslusafn