Nú í vikunni voru opinberaðar tölur um byggingakostnað háhýsa.
Þar kom fram að nýbygging World Trade Center í New York er það lang dýrasta í heiminum.
Byggingin er teiknuð af arkitektastofunni SOM sem er þekkt vegna verka sinna. Þess má geta að Hjördís Sigurgísladóttir arkitekt hjá ArkHD arkitektum hér í Reykjavík vann hjá SOM um tíma.
Byggingin kostaði alls 3,9 miljarða dollara eða tæplega 500 miljarða íslenskra króna. Að neðan koma töflur sem sýna samanburð á 10 dýrustu háhúsum veraldar. Þar má einnig sjá hver hannaði þessi hús. Af þessum 10 háhýsum teiknaði SOM tvö.
Þegar myndirnar að neðan eru skoðaðar sér maður einkum tvennt sem vekur athygli.
Í fyrsta lagi að ekki er byggt á grunnum gömlu „Twin Towers“ sem hrundu við árásina 11. september 2001. Þar má sjá tvo ferhyrnda reiti sem markera fótspor húsanna tveggja sem ráðist var á með hörmulegum afleiðingum og halda þeir þannig minningu þeirra sem þar létu lífið og húsanna uppi. Með þessu er staðinn vörður um hina sögulegu vídd sem er mikilvægt.
Í öðru lagi staðfestir formmál hússins þá skoðun arkitektsins og fræðimannsins Jan Gehl að nútíma háhýsi lúti svipuðim lögmálum og þegar ilmvatnsglös eru hönnuð.
Á neðstu myndinn kemur þetta skýrt fram. Hverfið líkist snyrtiborði konu sem safnar ilvatnsglösum.
Sjá einnig:
http://blog.dv.is/arkitektur/2011/11/17/hahysi-ilmvatn-phallus/
Hilmar Þór Björnsson arkitekt
Trítlaði upp í The Shard sl. þriðjudag, það var merkileg lífsreynsla og útsýni. Vona að það sé líka hægt að trítla upp í þessa byggingu.
Að gera mikið úr litlu er göfugt og listrænt.
Þessi turn sem þú sýnir hérna er hreinlega eins og ilmvantsglas. En það eru til mörg áhugaverð háhýsi og tilkoma þeirra gjörbyltu öllu. Svona on the top of my mind, langar mig að nefna uppáhalds turninn minn, safnið eftir Sanaa í New York.
En svo er það hin samkeppnin sem er áhugaverðari, en það er cantilever (hvað svo sem það heitir á ilhýra?). Háhýsi á hliðinni.
Ég held reyndar að eina nýjungin í háhýsum undanfarna áratugi sé frá hendi BIG frænda okkar í New York.
Kíktu á það nafnar:
http://blog.pressan.is/arkitektur/2011/02/08/big-i-newyork/
Það verður spennandi að sjá BIG-turninn…
Aðalatriðið er hvað hver fermeter kostar? Svo er kostar hver vinnustund öruglga meira í NY en í Taipai i Taiwan. Svo má ekki gleyma vandastuðlinu sem er mikill í miðborg Manhattan en lítill í eyðimörkinni í Dubai. Það er margs að gæta. En þetta er skemmtilegt umræðuefni.
Myndin sem sýnir WTC við enda götu sýnir ekkert annað en ilmvatnsglas!
Frábær samlíking hjá Jan Gehl.
„Söguleg vídd“—-það er málið.
Maður má aldrei gleyma upprunanum og samhengi hlutanna.