THG arkitektar hafa lagt fram tillögu að breytingu Perlunnar á toppi Öskjuhlíðar í Reykjavík í heilsulind og náttúrugripasafn.
Um er að ræða núverandi húsnæði ásamt þvi að reisa viðbyggingu sem er að hluta neðanjarðar.
Í kynningu segir:
“Tillagan gerir ráð fyrir að byggð verði nýbygging norðan megin við núverandi byggingu sem er að hluta til neðanjarðar og hýsir náttúrugripasafn Íslands og aðra tengda safnastarfsemi, sem tengist íslenskri náttúru.
Einnig gerir tillagan ráð fyrir að byggð verði nýbygging undir heilsulind vestan megin við núverandi byggingu í tengslum við útilaugar sem umlykja munu núverandi byggingar.
Við gerð tillögunar hefur verið leitast við að aðlaga nýbyggingarnar sem mest að landi til að breyta sem minnst yfirbragði núverandi byggingar. Nýbygging undir náttúrugripasafn er 3.500 m2 að stærð og leitast hefur verið við að hafa sýningarsali bjarta með útsýni til norðurs yfir borg og sund með fjallasýn.
Safnið sem er á einni hæð fylgir legu lands á pöllum niður með hlíðinni”.
Samkæmt tillögunni er nýbygging undir heilsulind formuð inn í landið í tengslum við útilaugar á vesturhluta lóðarinnar og er lögð áhersla á að byggingin falli vel að landi og tönkum perlunnar.
Samkvæmt tillögunni mun veitingaaðstaða vera áfram á efri hæðum perlunnar eins og við þekkjum í dag.
Þetta er gott dæmi um hvernig almenn opin umræða getur haft áhrif til góðs.
Fljótlega eftir að ákveðið var að selja Perluna skrifuðu þau Þórunn Sigríður Þorgrímsdóttir sýningarhönnuður og Hjörleifir Stefánsson arkitekt, dagblaðsgrein þar sem þau lýstu hugmynd um „Perlu í Perlunni“. Hugmyndin gekk út á að koma fyrir Náttúruminjasafi Íslands í húsinu. Hugmyndinni var gefinn góður rómur.
Nú hafa verið kynntir uppdrættir sem sýna vandaða tillögu sem gengur einmitt út á að gera Perluna að „Náttúruperlu“ eða náttúruminjasafni.
Hilmar Þór Björnsson arkitekt
Ég sé í frétta blaðinu í dag að ráðuneytið hrekkur í kút 3 mánuðum eftir að hugmynd um náttúrugripasafn kemur fram og skilur ekkert í því af hverju ekki sé búið að hafa samband við stjórnsýsluna.
Þetta er rétt eins og þau þar á bæ viti ekki að það er að leggja dauða hönd á mál að blanda stjórnsýslunni í þau.
Ég er hissa á hvað fólk er í miklum vafa um þessar hugmyndir. Þetta er ekkert annað en frábær hugmynd. Það er auðvitað klárt mál að þetta eru skissur sem þarf að vinna frekar. Mér finnst frábært að fólk skuli vera að vinna að svona jákvæðum og framsæknum hugmyndum mitt í allri depurðinni sem umlykur byggingabransan á þessum guðsvoluðu tímum. Áfram THG!!!
Raunveruleikinn þarf ekki að vera ósvipaður þessu ef vel er haldið á vopnum þeim sem til ráðstöfunar eri.
Flottar myndir. Bara ef raunveruleikinn gæti verið svona líka.
😉
Upphaf þess leiðangurs þegar Perlan var byggð er að menn vildu skapa meira líf í kringum stóru tankana á Öskjuhlíðinni. Hugmynd Ingimundar að nýta plássið milli þeirra og setja glerhvolfþak yfir innirýmið er látlaus og einföld en góð. Byggingunni verður ekki kennt um að það líf sem menn vildu fá á staðinn skapaðist ekki og að rekstur hússins stendur ekki undir sér.
Mér sýnist í fljótu bragði að sú lausn sem hér er sýnd sýni aðaleinkenni Perlunnar tilhlýðilega virðingu og það hljómar mjög vel að hafa náttúrugripasafn í byggingunni. Hvað heilsulindina varðar verður að hafa í huga að á þessum stað yrði mjög erfitt að upplifa jafn sérhæfða og fjárfreka starfsemi fara á hausinn og því spurning hvernig hægt er að tryggja að borgarbúar sitji ekki uppi með afleiðingarnar, ef svo færi.
Ehm, hvar er nú metnaður borgarbúa? Er allt til sölu? Vantar sundlaug í Öskjuhlíð? Svo virðist sem þeir „framkvæmdamenn“ sem standa á bakvið þessar hugmyndir séu tilbúnir til þess að gera „allt“ til þess að komast yfir svæðið – og presentera nú þessa (vel útfærðu) dellu! Þarf ekki að skoða þetta eitthvað nánar? Hvað var annars vandamálið? Var það ekki bág staða OR? Skuld uppá 250 milljarða, ef ég man rétt – sala Perlunnar bætir þá stöðu varla mikið.
Lissy, that is not the Natural History Museum, it´s the Institute of Natural History, it´s a research center and not a museum http://en.ni.is/aboutus/ but I´m not surprised that people are confused and mixing it with the other.
p.s. Annars mjög góð hugmynd, vil ekki sjá lágkúru eins og spilavíti!
Hvað þætti ykkur um viðbyggingu við Eiffelturninn? Eða Sigurbogann? Reykjavík hefur ekki allt of mikið af stílhreinum kennileitum en mikið af sundlaugum.
Hugmyndin um náttúrugripasafn í þessu húsi og á þesum stað er auðvitað sérlega góð og viðbrögðin í samræmi við það eins og mátti heyra þegar hugmyndin kom fram. Í fjörunni neðan Perlunnar er hægt að lesa nánast sköpunarsögu jarðar síðustu 9 milljín ár!!! Svo náttúrusaga jarðarinnar er þarna einnig.
Teikning arkitektanna sýnir að þeir kunna sitt fag og teikna nútímalegt hús sem virðist á einhvern eikennilegan hátt vera organiskt líkt og beinagrindur hvalanna sem eru á myndunum. Þetta er líka gert þannig að nýbyggingin virðist ekki draga úr áhrifum eins glæsilegasta húss landsins, Perlunnar.
Gerður var góður rómur að tillögunni.
Auk þess legg ég til að nýja Skuggahverfið verði lagt í eyði.
I thought they were already constructing an entirely new building for the Natural History museum, out near the IKEA.
Látið þið Perluna í friði, hún er til fyrirmyndar eins og hún er. Snúið ykkur frekar að því að breyta einhverju sem þarf að breyta eins og arkitektúrískum mistökum sem nóg er af. Má þar nefna allt háskólahverfið, öllum Grafarvogi og Kópavogi eins og hann leggur sig.
Spennandi starfsemi á spennandi stað í flottu húsi.