Hér er bráðskemmtileg skrípamynd frá árinu 1948 þar sem er verið að lýsa þeim hugmyndum sem liggja að baki svokallaðra „New Towns“ á Bretlandseyjum.
Þarna er tekið á mörgum grundvallaratriðum í borgarskipulagi sem enn eru í fullu gildi þó myndin sé orðin 63 ára.
Myndbandið er skemmtilegt og margir geta ýmislegt af því lært. Sem dæmi er þarna lagt til að séð sé fyrir matvöruverslun í íbúðahverfum.
Í vesturbæ Reykjavíkur hefur helstu matvöruverslunum verið beint út úr íbúðahverfinu og út á Granda þar sem samkvæmt skipulagi er stefnt að hafnar- og iðnaðarstarfssemi.
Hilmar Þór Björnsson arkitekt
Í þessu skipulagi er gengið útfrá því að nærveru eiturspúandi verksmiðja, en hvað ef þær eru ekki til staðar. Er þetta skipulag ekki orðið andstæða sín – óumhverfisvænt. Þetta skipulag kallar á almenna bílaeign og mikla orkunotkun. Einnig mjög skrítna bæjarmynd þ.s. manni líður eins og maður sé hluti af verkfræðilegri heildarlausn. Heildarlausn byggða á iðnaðarframleiðslu og ódýrri orku.
Við að horfa á þetta myndband þá byrjaði ég að raula Littla Kassa eða Little Boxes eftir Malvina Reynolds. Síðan var Big Yellow taxi eftir Joni Mitchel þarna líka.
Skemmtileg lög um skipulagsmál.
Fyrir nokkru var hér pistill um kennslu í byggingarlist og skipulagsfræðum í grunn- og framhaldsskólum til að skapa skipulagsvitund hjá borgurunum. Þetta myndband er upplagt fræðsluefni um skipulag, bæði fyrir börn og fullorðna.
Hverfisknæpurnar??? Hvað varð um þær? Það var eins og einhver grendarkynning eða aðgerðarsinnar hafi bolað þeim burt. Annars lofaði þetta góðu en það brást með hverfisknæpurnar.
Það þarf tæra snilligáfu til þess að geta gert umfjöllun um skipulag skemmtilega.
Það teks hér.