Við þurfum að finna lykt af réttlæti. Tugþúsundum saman höfum við horft upp á lánin okkar vaxa og eignir okkar verða að engu. Okkur finnst með réttu að við séum að borga hrunið með endalausu striti okkar. Mörg okkar óttast að flæmast burt af heimilum okkar. Það er þessi skortur á réttlæti sem gerir okkur reið. Ekki bara þau okkar sem standa í biðröðum eftir mat. Ekki bara þau okkar sem óttast um heimili sín. Heldur okkar allra sem sjáum fram á að síga oní gröf okkar í heilu lagi eða nýbrennd án þess að skilja neitt eftir handa börnum okkar. Með striti okkar borgum við fjárglæfra í skjóli barnalega vitlausrar hugmyndafræði frjálshyggjunnar.
Og þau okkar sem eru ung og lifa það að skríða upp úr núverandi ráni, þeirra bíður ný kreppa þar sem gengislækkun færir enn til peninga og eignir í samfélaginu frá fjöldanum til hinna betur settu. Og þess vegna er svo sárgrætilegt að sjá yzta vinstrið ganga í lið með eigna- og valdafólki lýveldisins í því að halda okkur utan þess skjóls sem evran gæti orðið okkur sem fullgildum meðlimum í samstarfi frjálsra ríkja í Evrópu.
er ekki verið að skoða að géra xd að deild (vinstra megin) í sf?
Fallega endað hjá þér Torfi, þakka þér fyrir. María, ég er bara smeykur um að vinstri menn, nú í formi VG, dæmi sig til útlegðar eins og eftir 1990 vegna þess að þeir streitast á móti því sem óhjákvæmilega verður. þetta er umhyggja mín því að þarna er mannréttindafólkið . BKv. baldur
“ … skjóls sem evran gæti orðið okkur“ ?? !!
Ja, hvar skyldi nú vera “ skjól“ t.d. Grikkja, Spánverja, Íra ?
Átakanleg staðreynd er, samanber þúsundirnar á Austurvelli í gærkveldi, að þessi fyrsta 100% vinstri stjórn þjóðarinnar, er að hrekja Íslendinga að bjargbrúninni, eða sem Rómverjar sögðu.: „De pilo pendet“ , þ.e. Við erum komin á heljarbrún“.
Guð blessi Ísland !
2 ár er stuttur tími m.v. það hrun sem varð. Sýnum smá meiri þolinmæði. En samstarf við Svía, Dani og Finna innan ESB hlýtur að vera skref fram á við.
Hinn venjulegi Íslendingur mun þó ekki treysta Brussel frekar en Alþingi og því verður ESB aldrei samþykkt í þjóðaratkvæðagreiðslu.