Það sem skólinn hefur ekki tekið upp á arma sína fer meira og minna forgörðum. Fjölskyldan er vart lengur virk sem uppeldisstofnun. Skólinn hætti að gera við tennur barna og frá því að vera best tenntust urðu íslensk börn verst tenntust. Ef skólinn hætti að kenna sund yrðu íslendingar illa syndir á einni kynslóð. Skólinn kennir lítið um kynþáttafordóma. Grunnt er á slíkum fordómum hjá æsku þessa lands. það er rétt mat hjá Siðmennt að aftengja trú og skóla, þar með verða íslendingar trúlausir fyrr en varir. Fjölskyldan er hætt að virka. Bæði börn og fullorðnir eru lítt upp alin. Það er sama hvort að fólk vinnur frá morgni til kvölds, eins og flestir verða að gera, eða ekki. Uppeldisstörf eru víkjandi. Við ásælumst peninga foreldranna, en stendur slétt sama um menningararf okkar. I padinn og Ipodinn verða helstu barnapíurnar. Börnin öskra upp úr miðjum nætursvefni. ,,Ég skal drepa þig.“ Eru þá í miðjum tölvuleik gærdagsins.
Ég segi ekkert um það Snæbjörn! Matti: Mér finnst þú lesa þetta á ská! Ég sé engan gildisdóm í textanum (sem er allt annað en að ég hafi enga skoðun.) Ímyndið ykkur að ég sé rafmagnsverkfræðingur. Bkv. baldur
Hvaða þvaður er þetta Baldur? Þó það sé enginn gildisdómur í textanum er ljóst að þú hefur skoðun.
1. Það sem skólinn hefur ekki tekið upp á arma sína fer meira og minna forgörðum.
2. Ef skólinn hætti að kenna sund yrðu íslendingar illa syndir á einni kynslóð.
3. Skólinn kennir lítið um kynþáttafordóma. Grunnt er á slíkum fordómum hjá æsku þessa lands.
4. það er rétt mat hjá Siðmennt að aftengja trú og skóla, þar með verða íslendingar trúlausir fyrr en varir.
Nú spyr ég (en þú munt ekki svara).
a) Síðan hvenær hefur Siðmennt talað um að hætta að kenna um trúarbrögð?
b) Ert þú fylgjandi því að trúboð sé stundað í skólum?
c) Gerir þú greinarmun á trúboði og kennslu um trúarbrögð
d) Finnst þér sambærilegt að boða trú í skólum og að kenna börnum um mannréttindi og jafnrétti kynjanna.
En þú munt ekki svara.
Svör við spurningum.
a) Ég kannast ekki við að Siðmennt hafi lagt það til.
b) Nei
c) Já
d) Nei
Ég er ekki í nokkrum vandræðum með að svara þessum spurningu. Í pistli mínum segi ég að Siðmennt vilji aftengja trú og skóla. Er það ekki rétt? Ég er að tala um trú í merkingunni tilbeiðsla, er það ekki ljóst? . BKv. B
Þú mátt eiga það að þú kemur mér á óvart.
Er að þínu mati eitthvað athugavert eða umhugsunarvert við að aftengja trú og skóla í þeirri merkingu að hætt verði að boða trú í skólum?