Ég deili ekki áhyggjum Egils Ólafssonar þeim að börnin okkar verði leidd inn í breskar þrælabúðir samþykkjum við Icesave. Þvert á móti tel ég þeirra vegna rétt að samþykkja samninginn. Ég vil skila þeim inn í samfélag sem starfar í sátt og samlyndi við nágrannaþjóðir sínar og samfélag sem stendur við orð sín. Ég vil að þau eigi möguleika á háskólanámi sem víðast um heim, geti ferðast óhindrað og sest að í öðrum löndum kjósi þau það. Ég vil að afkomendur mínir geti lifað við hagsæld í opnu, góðu samfélagi. Ég vil ekki að þau alist við einstrengingslega þjóðrembu, þröngsýni eyjaskeggjans, fáfræði og ótta hins einangraða. Ég vil ekki að alist upp við andúð á öðrum þjóðum eða öðru fólki yfirleitt. Ég vil ekki að þau verði blind á sjónarmið annarra. Ég vil segja Já við Icesave og tel að ofangreindum markmiðum verði best náð með þeim hætti.
Hvernig dirfist þér að saka okkur sem erum ósammála um „einstrengingslega þjóðrembu, þröngsýni eyjaskeggjans, fáfræði og ótta hins einangraða.“ „….andúð á öðrum þjóðum eða öðru fólki yfirleitt.“ og síðan blindu á sjónarmið annarra?
Þinn málflutningur gefur ekki tilefni til að þú getir upphafið þig með þessum hætti á okkar kostnað, maður trúandi á fyrirbrigði sem aldrei hefur sést í nútímasögu svo sannanlegt sé og er aldrei hægt að kalla til vitnis. Það ert þú sem ert með risaskammt af stórkostlegum ranghugmyndum.
Leifur
Við skulum ekki gera lítið úr varfæri okkar Íslendinga í fjármálum þó svo við höfum verið óheppin með nokkra stjórnmálamenn og enn færri bankmann. Stjórnmála- og bankamenn sem beittu fyrir sér þessum svokölluðu útrásarvíkingum í þeim tilgangi að ná sínum pólitísku og fjárhagslegu markmiðum.
Með útsjónasemi og mikill sparsemi á íslenskt launafólk sjóði sem Normenn geta ekki einu sinni státað af.
Þá á ég við lífeyrissjóði íslenskra launamanna. Það fé sem hver Íslendingur á í þessum sjóðum, per mann, er hærra en það fé sem Norðmenn eiga, per mann, í sínum olíu- og eftirlaunasjóðum.
Og sannaðu til Leifur, það verður þetta sparsama og útsjónarsama fólk sem mun aftur stöðva óráðsíu þessara stjórnmála- og bankamanna næsta laugardag og fella þennan Icesave samning.
Þeir taka til sín sem eiga Haukur. Ég er ekki að ásaka neinn en ég vil samt ekki að börnin mín alist upp við slíkt. Bkv. Baldur