Nú veit ég ekki hvort að Jussanam de Silva varð fyrir ofbeldi en þetta kerfi er ólíðandi. Ég skora á fyrstu vinstri stjórn lýðveldisins misheppnaða að beita sér fyrir breytingu á því.
Í síðustu skýrslu sinni bendir Evrópuráðsnefndin um misrétti, ECRI, á það að þetta kerfi að konur af erlendum uppruna séu brottrækar úr landi ef þær skilji við eiginmenn sína innan þriggja ára leiði til þess að margar konur sitji fastar í ofbeldissamböndum. Bent er á það að 40% kvenna sem leituðu til Stígamóta á tilteknum tíma hafi verið af erlendum uppruna.
Íslensk stjórnvöld telja greinilega erfitt að breyta þessu en sannfæra fulltrúa ECRI um það að konur sem verði fyrir ofbeldi í samböndum og leiti skilnaðar verði ekki á brott reknar. Þetta hefur því miður ekki haldið. Ástæðan er m.a. sú að ofbeldi er oft erfitt að sanna og konur eru taldar ljúga ofbeldi upp á eiginmenn sína til þess að verða ekki vísað úr landi. Þess vegna er þeim vísað úr landi.
Það er til sáttmáli sem heitir ,,Act of Foreigners“ sem tekur á þessu en íslensk stjórnvöld hafa ekki viljað staðfesta hann.
Þetta brottvísunarkerfi er ólíðandi. Þarna er á ferð kvennakúgun í boði stjórnvalda.
Steini // 22.9 2010 kl. 22:36
Þú talar af viti.
Ég næ ekki alveg hvers vegna fólk heldur að það séu rök að hlutirnir séu jafnslæmir annars staðar, í því felast ekki nokkur rök.
Stundum er gott að taka dæmi úr öðrum löndum til þess að sýna fram á að aðferðin virki betur en aðrar í boði, en það er ekki um neitt slíkt að ræða hjá t.d. Bjarna Kristjánssyni. Þetta er svona afsökunaraðferð unglinganna: „Allir eru að gera þetta,“ en breytir ekki nokkru um gjörninginn sjálfan eða gildi hans.