Lýðskrumsflokkum sem ala á útlendingaótta hefur vaxið fiskur um hrygg í Evrópu á undanförnum árum og misserum. Tónn forsvarsmanna meginflokka hefur sem viðbragð við þessu orðið óbilgjarnari í garð útlendinga en þeir hafa þó gætt sín að fara ekki yfir ákveðin strik. Hér á Íslandi hafa smáflokkar jafnt sem meginflokkar verið til fyrirmyndar enda Íslendingar umburðarlyndir og mannelskir upp til hópa. Nú hefur formaður Framsóknarflokksins vikið frá þessum gildum sem mótuð hafa verið bæði á vettvangi Evrópuráðsins og Evrópusambandsins og tengir sama glæpi og útlendinga í lýðskrumsfyrirspurn á Alþingi Íslendinga. Gamlir og grónir Framsóknarmenn ættu að taka formanninn á hné sér og kenna honum að ræða þessi mál án þess að ala á úlfúð í garð þeirra samborgara okkar sem eru af erlendum bergi brotnir eða innflytjenda og hælisleitenda almennt.
Kjósendur spörkuðu Frjálslynda flokknum út af borðinu fyrir sams konar tilburði.
Við getum náttúrulega stungið höfðinu í sandinn og hunsað tilvitnanir í lögreglumenn sem tala um uppgang skipulagðrar glæpastarfsemi annars vegar innlenda hópa sem eru reyndar sumir orðnir undirdeild í útlendum glæpasamtökum og hinsvegar erlenda hópa (sem dæmi litháíska mafían… http://www.logreglufelag.is/index.php?option=com_content&task=view&id=203&Itemid=2)
Eða spurt á Alþingi hvernig staðan í þessum málum er. Kannski er þetta ekki neitt neitt, mögulega er einhver áhugaverð tölfræði orðin til á síðustu árum en það er að mínu viti hreinlegra að reyna að fá staðreyndir uppá borðið heldur en að leyfa umræðunni að grassera í kringum „erlendur maður gerir ljótt“ fyrirsagnir í blöðunum.
Endilega kíkið á þessa skýrslu hér, og sérstaklega bls 14.
http://www.mbl.is/media/24/1924.pdf
Þarna sést að nú eru um 63 fangar með erlent ríkisfang í fangelsum á Íslandi.
Ég efast um að það sé eðlilegur fjöldi í hlutfalli við fjölda útlendinga á Íslandi án þess að fullyrða það.
Þarna sést líka að fjöldi útlendinga í íslenskum fangelsum nær tvöfaldaðist á árunum 2007-2008.
Þarna er eitthvað að, og það er engum greiði gerður ævinlega að stýra þessari umræðu út í upphrópanir um rasisma.
Jóhannes Þór aðstoðarmaður Sigmundar Davíðs vitnar í Hjörleif Guttormsson um áhrif Schengen á afbrot !!!! Hvernig hefur Scengen áhrif á afbrot?
Og svona í framhjáhlaupi þá hefur skipulögðum glæpum fjölgað á Bretlandseyjum í svipuðum takti og í Schengen löndum.
Varnartilburðir aðstoðarmannsins benda ekki til þess að annað liggji að baki fyrirspurninni en ómerkilegur populismi.
Jóhannes Thor adstodarmadur? Thú ættir ad hlusta á thér vitrari mann í stad thessa múdurs (gildir um ymsa adra hér).kv.